منتدى وندر لاند - عرض مشاركة واحدة - | الهَوَس ؛ مواقع التواصل الإجتماعي

مشاهدة أوسمتي · 08-28-2022, 10:24 PM

ميم

السلام عليكم
كيفكم ؟
إن شاء الله تكونو بألف خير
سلمت أناملك على طرح هاد الموضوع بالذات
لانو بالفترة الأخيرة الضجة الي صارت و بعدها بتصير
سببها ادمان مواقع التواصل الاجتماعي
و كمشاركة شخصية
أنا انسانة مدمنة يوتيوب تيك توك و فيس بوك و خاصة انو عم يستخدمو
خورزميات هدفها تعرف شو بتحب تشوف و تقترحلك و تعرضلك اياهم لتبقى أكبر وقت
ممكن في التطبيق و هاد الشي مرعب لانو الحياة بدأت تنقلب عندي و ع الأغلب عند غيري
يلي بعانو من نفس المشكلة

1_طفل ما بين 4 سنوات الى 10 لدية هاتفاً وعلى دراية بجميع الأمور حتى الوحشية والغير مناسبة لعمره
ما دور الأهل أو العائلة في هذا الشأن؟ عادياً جداً أم يستدعي التصرف ؟
أكبر غلط في هاد العمر بالذات الطفل يمسك جوال ... هاد الطفل المفروض يلعب برا يعيش طفولته يتعرف على العالم و الناس و المكان الي عايش فيه انو يكون بين 6 حيطان و يعيش في عالمه الافتراضي اشي مش مبشر و بشوف حالات عند أطفال لما يكونو بتجمع بلاقو صعوبة لليتفاعلو مع حد .
و غير المعلومات الي مش مفروض تنعرف في سنهم و الأفكار الي بتنزرع فيهم لما تتناقش معهم
بنلاقي عندهم معتقدات غريبة و سيئة

2_هل تعرضت للتنمر الإجتماعي؟ قد يكون محرجاً أيضاً لكن هل تنمرت على أحد الكترونياً ؟!
شاركنا تجربتك إن وجد !
مين منا ما تعرض للتنمر سواء كان تنمر حقيقي أو تنمر عن طريق المزح و الدعابة ولكن انك تتنمر ع حد ع مرأى كل العالم رح يكون أصعب و ممكن تؤدي للمتنمر عليه انو يدخل في اكتئاب و يعتزل المجتمع ... ضد التنمر بشكل عام و ضد التنمر الالكتروني بشكل خاص حتى و لو كان الشخص مزعج النصح و الدعوة أفضل

3_ جميعنا نقضي معظم الوقت نبحر في الشبكة الإجتماعية، لكن هل تعاني من الإدمان؟ الإدمان الشديييد؟
صِف لنا درجة إدمانك، قد يكون خطيراً أو لا، في الحد المعقول
درجة الادمان ما ادرس الامتحان الا اخر كم ساعة لا نوم لا راحة لا حياة اجتماعية مثل قبل

4_ أنت أو أقربائك أو أصدقائك لديكم قناة أو حساباً على موقع، عدم الحصول على متابعين أو تفاعل،
إلى أي درجة قد يكون هذا الأمر محبط؟
ولله الحمد ما حد عندو قناة ا

5_ عند سماع الأخبار هل تصدق كل شيء بنسبة 100% عبر أي حساب؟!
أم تضع إحتمال أن تكون أغلبها شائعات؟

طبعا لا ... الأخبار الي بنسمعها من الانس في حياتنا العادية فيها نسبة كبيرة من الخطأ و التزويد
فما بالك الأخبار الالكترونية

6_ في رأيك ما هي الطرق لتنظيم الوقت وتقليل الندم؟!
أو كيف لنا الإستمتاع بالمواقع بالشكل الصحيح والسليم؟!
في مواقع و تطبيقات مفيدة ممكن تساعدنا نستغل الوقت في اشي مفيد كمواقع الكورسات
و بامكانا نتحدى نفسنا بمكافئة في حال ابتعدنا عن الالكترونيات لفترة محددة و في تطبيقات و مواقع بتقدر تعمل حظر لاستخدام التطبيقات الملهية في أوقات انت بتحددها

7_ مساحة لك، تكلم عن ما تراه حولك في هذا الشأن، إروي لنا مقتطفات من هذه الحياة الحديثة!

طفل 3 سنوات بيضل يبكي لحتى يستفرغ لحتى ياخد الجوال
بنت عمرها 5 سنين ما بتنطق حرف بس تفاعلها مع الجوال و اذا انتزع الجوال من ايدها بتصيبها نوبة عصبية
و ألخ ....
أكرر شكري لك على هذا الطرح المفيد
و أي حل لمشكلة الادمان رجاء حل

اختكم بتضيع

في آمان الله