منتدى وندر لاند - عرض مشاركة واحدة - كـنزان يحتضــ بحر الخليج ــنان

مشاهدة أوسمتي · 08-01-2022, 12:47 AM

ميم

السلام عليكم ورحمه الله وبركاته
كيف الاحوال ؟
يارب كل حاجه تكون بخير
موضوع خورافي بجد .. حبيته جدا جدا
الهيدر فكرني بالارت جورنال .. حبيته
البيت اللي من غير سجاد يبقى من غير أساس .. حاسه اني سمعت المثل ده قبل كده بس مش فاكره امتى وفين صراحه
اتصدمت لما عرفت أن السجاد ليه انواع كمان
مش عارفه ليه افتكرت لما كنت صغيره وشفت عند جارتنا سجاده شبه اللي عندنا ورحت عند جارتنا البيت وقولتلها هاتي السجاده بتاعتنا يا حراميه ... من ضمن فضائح الطفوله
السجاد اليدوي .. حاسه أنه مبقاش موجود اصلا حاليا لكن ممكن يكون موجود بكثره فعلا في إيران
اكيد كل بلد بتختلف عن الأخرى
عمري م سألت نفسي عن نوع السجاد اللي عندنا أو اللي بنشتريه
مفكرتش في الموضوع قبل كده صراحه .. اصلا هبقى غريبه بالنسبه للي حواليا لو سألت السؤال ده
لحد دلوقتي مش عارفه ايه علاقه إيران بفارس ! .. لازم ادرس تاريخ إيران قريب
وه إيران اكبر مصدر للسجاد في العالم ! .. مصر برضه اكبر مصدر للبطاطس في العالم
افتخري ببلدك وانا افتخر ببلدي .. سوري
واو تصديرات السجاد في ايران كبيره جدا .. فكرت للحظه في شراء السجاد الخاص بينا
يعني محدش بيشتري سجاد كتير .. ممكن نشتري سجاده كبيره كل سنتين مره للتجديد بس
بس احنا هنا بنتكلم في 100 دوله .. ستوب ثينكينج
عمري برضه م فكرت في شكل السجاد أو الاشكال والالوان اللي فيه .. دايما بشوفها شبه بعض
قاعده من وقت م فتحت الموضوع ده وانا ببص في السجاد بتاعنا
جوله تاريخيه .. حبيتها
تاريخ سجاد 500 قبل الميلاد ! .. كان عندهم سجاد زمان ؟!
صدمه صدمه يعني
هاي هاي اله غزل البنات .. اقصد غزل السجاد
صياااااااااااح اخر سجاده سوداء باليسار كان عندنا منها زماااااان واحده بس معرفش فين اختفت
طريقه صناعه السجاد فكرتني بالنول اللي كنا بنعمله ايام المدرسه الابتدائيه
خلصت جوله روز ونروح لجوله اسبادا
الفخار طبعا عارفاه
ياااه الفخار بيتعمل منه حاجات كتير وبأشكال والوان مختلفه
الفخار بالنسبه ليا هي الاوله اللي بنشرب فيها ميه وكانت من ايام جدي وجدتي واتكسرت
ونادر لما تلاقيها دلوقتي
افتكرت المثل اللي بيقول ده عدغار بقى اكسر وراه قوله متتتت
فخار وخذف ؟! صعب صراحه اعرفهم من بعض
من فتره شفت مذيعه في التليفزيون كانت بتتكلم عن الصناعات اللي بقت مهمله حاليا وكان من ضمنها صناعه الفخار اليدوي
كانت المره الاولى اللي اعرف الفخار بيتعمل ازاي .. بياخد وقت ومجهود كبير صراحه
حبيت اشكالكم جدا نانا عبقريه اوي
التقرير خورافي جدا جدا بجد وحبيته جدا
اشوفكم في موضوع جديد
في امان الله