منتدى وندر لاند - عرض مشاركة واحدة

مشاهدة أوسمتي · 04-19-2022, 12:43 PM

‏

. Blue

السلام عليكم ورحمه الله وبركاته
وعدت اخد لفه في ملفك ووفيت
لقيت الموضوع برضه شدني عنوانه قولت ادخل اشوف
وكالعادة يا بنت دايما مفاجأت
عجبتني البدايه وازاي وضحتي الفكره بقصه قصيره
بالنسبه للقصه انا شايفه أن الام والبنت غلطانين
البنت غلطانه لأنها بصت لأمها بغضب ومردتش عليها لما وعلت صوتها عليها كمان
اما بالنسبه للام فـالطريقه المتبعه مع البنت غلط
لان الطريقه دي والصوت العالي بيتعب نفسيه البنت جدا
خصوصا أن من الواضح أن البنت في فتره المراهقه
وهي اصعب فتره ممكن تمر على الأهل
-علاقات كثيره بين الام وابنتها لا تكون متزنه ومتينه،وقد تكون العلاقه في الأغلب شبه عدائية وفيها كرهه.. من السبب؟!
اهي الام التي لا تستطيع ان تصاحب ابنتها وتربيها علي الثقه،ام البنت التي لا تعرف معني الام وواجبها؟
للاسف انا شفت المشاكل دي كتير بين أشخاص اعرفهم
لما واحده تشتكيلي أن عندها مشكله مع والدتها وانا هي مش بتحبها
ردي بيكون أن الام والاب بيعملوا عشان مصلحه أولادهم
الام دايما بتحب أبنائها ومهما كان تصرفها فـده تصرف ناتج عن خوف على اولادها
في مثل عندنا بيقول القطه كلت عيالها
يعني من كتر خوفها على اولادها اكلتهم
فـالسبب في وجود علاقه غير متزنه هي الام من الاول
الأهل سبب رئيسي بالرغم انهم مش السبب الوحيد
اتباع طريقه تربيه خاطئه هي اللي بتفسد الاولاد
حتى لو الطريقه دي هي اللي اتربوا عليها
اهالينا وأجدادنا اتربوا على العنف وعشان كده بيتبعوا نفس الأسلوب معانا
لكن مثلا امي صديقتي
دايما بحكيلها على كل حاجه وشايله كل الحدود بينا
حتى لو حاجه غلط عملتها بقولها
هي عطيتني الثقه وانا عطيتها الاحترام
لازم نعرف ازاي نحترم الأهل ولازم نتربى من الاول على ده
عشان كده بقول أن الام هي العامل الرئيسي في التربيه
هي بتزرع وبعد كده بتشوف نتيجه الزرع بتاعها
فـذي م قولت لازم الام تدي الثقه والبنت مينفعش تخون الثقه دي
ولازم تدي الاحترام وده الام تعلمه للبنت
في مجتمعنا العربي هل العادات والتقاليد في تربيه الإناث صحيحه؟
ام خاطئه؟
المجتمع مش عامل مهم بالنسبالي
لان الأهل لو عايزين حاجه هيعملوها غصب عن المجتمع
المجتمع والناس اللي عايشين فيه مش هيقتلونا لو اتبع الأهل طريقه تربيه مختلفه
طالما هي مش بتخالف المبادئ وتعاليم الدين
انتي ام كيف ستتعاملين مع ابنتك؟
انا ام فعلا وللاسف الموضوع صعب جدا
حسيت يعني ايه ابقى ام ومسؤله عن بنت وتربيتها
بنتي صغيره جدا يعني 4 سنين
بتبع أسلوب التهديد
يعني لو عملتي غلط مش هجيبلك حاجه حلوه او مش هوديكي الملاهي
لو غلطت مكلماش لحد م تعتذر
احيانا بفقد اعصابي وبزعق بس انا عارفه ان في حد تاني هيطبطب
وبعدها بكلمها بهدوء
انتي عارفه انك عملتي غلط صح؟ طيب ليه نعمل غلط؟
ده اسلوبي حاليا لأن الأخطاء مش كبيره
لكن فيما بعد اكيد هتبع اسلوب تاني
برضه بسال خبراء في تربيه الاطفال وبتابع صفحات على اليوتيوب عشان اربي تربيه سليمه
يمكن برضه سبب من الأسباب هي قله الثقافه عند الأم
موضوعك جميل جدا وبجد كان محتاج كلام كتير
خصوصا أن دي مشكله كبيره اوي
سلمت أناملك يا بنت