منتدى وندر لاند - عرض مشاركة واحدة - ألماسي |• دِهليز الرعب

مشاهدة أوسمتي · 10-21-2022, 03:46 PM

@باران;

السلام عليكم ورحمه الله وبركاته
كيف الاحوال ؟
يارب كل حاجه تكون بخير
مش قادره اصدق اني دخلت الدهليز ولازم اخوف شخص مرعب غريب الأطوار
المهم خلينا نقعد الاول -تتربع-
بص يا عمي .. المنطقه بتاعتنا كنا اول اللي سكن فيها وكانت وقتها صحراء
الكلام ده من أكثر من 30 سنه
المهم أن الناس مكنتش بترضي تبني بيوت في أماكن مهجوره ذي دي لأنهم خايفين
وكمان أشخاص كانوا بيقولوا أن المنطقه عليها لعنه الفراعنه
لكن جدي مكنش بيهتم بالاشياء اللي شبه دي لانه كان متدين جدا وعارف ربنا
وكنا من اوائل الناس اللي سكنت في المنطقه دي
دلوقتي المنطقه حيه جدا وفيها مسلك عمومي كمان للسيارات
المهم جدي توفي بطريقه غريبه مش هقول عليها
ووالدي كمان اتوفى بطريقه غريبه وبرضه مش هقول عليها
وعائلتي كمان بتشوف وتسمع حاجات وبرضه مش هقول عليها
ويا كثر الأشياء اللي حصلت معايا بس خليني احكي ابسط موقف حصل
كنت الساعه 12 بالليل وكنت بستعد للنوم لكن مكنش في نوم خالص
العائله كلها كانت نايمه
المهم قررت ابص في سقف الغرفه يمكن يجيلي نوم
وفجأه لقيت ظلال سوداء بتتشكل على شكل نسر ليه جناحات كبيره
افتكرت اني اخرف أو اشوف هلاوس
غمضت عيني شويه وفتحتها لقيت ظلال كتيره بتتشكل على هيئه حيوانات كتيره موجوده في سقف الغرفه
من غبائي قررت انام واني اهلوس من قله النوم
مجرد م غمضت عينيا حسيت بالهواء البارد بالرغم أن نافذه الغرفه مغلقه
وكمان اصوات محادثات غريبه وهمسات وحركات
وانا عامله نفسي هبله ومش واخده بالي قال يعني محدش يعرف اني صاحيه وهيمشوا
اكتفيت من الموضوع على الساعه 3 وقررت أخرج من الغرفه
استجمعت شجاعتي ونطيت من السرير وفتحت نور الغرفه
وياااااه على الصدف الظلال مختفتش ..
بالرغم أن النور شغال
قولت مينفعش امنعهم أو ازعجهم من النور
رحت قافله النور وقفلت باب الغرفه وخرجت انتظر قدام غرفه امي حتى الساعه 6 صباحا
3 ساعات جالسه قدام باب الغرفه بإنتظارها عشان تخرج
واول م خرجت انا دخلت الغرفه ونمت على سريرها
ريحت شويه وفي نفس اليوم خليت اخوتي ينقلوا غرفتي لغرفه تانيه وبالفعل حصل
هل بقى انتهى الموضوع لحد كده ؟
طبعا لا
لكن مش هحكي تاني
المهم .. هل ارتعبت ام أخبرك بموقف اخر ؟
الحكايه حقيقيه 100 % وحصلت معايا فعلياً
الدهليز مش مرعب نهائي مقارنه باللي حصل فعلا
حبيت الدهليز صراحه
اشوفك في موضوع جديد
في امان الله