منتدى وندر لاند - عرض مشاركة واحدة - • المشكله و حلها || نقاش متجدد •

مشاهدة أوسمتي · 04-18-2020, 06:30 AM

ميمي
Y a g i m a

السلام عليكم ورحمة الله وبركاته
كيفك أخي ؟؟ ان شاء الله تمام
كل الإبداعات عم تطلع بهي الفترة
كورونا طلع له أثر جيد قليلا
أحببت الفكرة كتير والله
لأني أحب المناقشات والصراعات في الكلام
واحب اثرثر بهيك مواضيع
بداية بأول قضية
الطلاق !!
يا أخي كلمة بشعة ما بحبها
انا والله لسة صغيرة وما كتير بفهم بهي المواضيع قد ما حكيت
بس في حياتنا ومجتمعنا نسمع قصص كثير وفي أشياء منها تصير معنا أحياناً
مثل مو الجواز حلال كمان الطلاق موجود
بدايةً في أي قضية لازم نطلع على الأسباب والنتائج !!
شو يلي وصل الشخص لهي المرحلة ؟
طبعاً تتعدد الأسباب ولكن النتيجة واحدة
أحياناً بكون في أسباب عنجد مقنعة مثل :
الخيانة
المعاملة السيئة والعنف
الأوضاع المادية
عدم التفاهم بين الطرفين
فرق مستوى التعليم وهاد يخلي مستوى كل شخص مختلف عن الآخر
وهيك لما يجو يحكو بشيء ما بتصير الآراء تختلف
وفي الأخير صراخ ومشاكل !!
طبعاً اذا ما كانو متفاهمين
وفي كمان أسباب ثانية تاااافه
يعني في أشخاص بس بدهم يتسلو
أو يتجوزو المرأة مشان تصير خادمة لهم
شيلي حطي سوي جيبي
بس انا اشوف أن الخادمة الحقيقية وقتها احسن منها
على الأقل الخادمة بتاخذ أجر
في كمان بسبب أهل الخير يلي يدخلو بالنص ويكبرو القصة بدال ما يحلوها
ولا الناس يلي كل همها تنكد على الثانيين شو ما سوت
ولا ننسى الحماية اللطيفة غالباً ما شاء الله
دائماً المشكلة بين طرفين لازم ما تطلع لبرا
لأن اذا طلعت بتكبر وتكبر وممكن تتحول كمان
يعني تكون بقصة تنط لوحدة ثانية هيك بدون سبب بسبب العصبية
ومشان هيك أي أحد عنده مشكلة مع حدا سواء زوج أخ عم أصدقاء عائلة
لازم يحلوها بيناتهم مشان يقررو يلي لازم والصح
بالاخير لما يتم الطلاق أكثر من ينظلم فيها
مرتبة واحد الأولاد
مرتبة ثانية الزوجة
لأن الزوج ما شاء الله محلل له 4
يعيش حياتو مثل ما بدو وكمان بأغلب الأحيان يروح يتزوج واحدة ثانية ببساطة ��
بس الأولاد ينحرمو من جو العائلة والذكريات تبع العائلة
ويحس بالنقص والاكتئاب خصوصي اذا كان بعرمرنا ��
لأن عمرنا هاد عمر المصايب لهيك لازم يكون في عائلة تعلمهم وتعيشهم عيشة جميلة
طبعاً في أزواج أولاد حلال ما يبخلو لأولادهم ويرسل لهم مصروفهم دائماً وما يقصر
بس كمان من جهة ثانية في يلي العكس تماماً
يرميهم وما يفرق معاه ... عادي ألعاب خربت وتستبدل !!
وما نقدر نقول أن الرجال هم السبب أو النساء
لأن كل قصة تختلف بكل شيء
بالنهاية الزواج الصح لازم يكون من البداية صح
يكونو متفاهمين ومستواهم المعيشي والعائلة ونسبهم يليقو ببعض
مشان في المستقل ما يصير سخرية وتقليل في شأن أحد

هي قضية أكبر من أن نقدر نحكي عنها في سطور بسيطة
وقد ما حكينا بالنهاية عمرنا ما يسمح نتعمق أكثر
لأن نحنا قد ما كان لسة جاهلين بهيك أمور

شكرآ على الفكرة الجميلة
أتمنى يوم سعيد لكل من مر من هنا
دمتم في حفظ المولى