@PERSPOLIS;


- تاخد نفس طويل -
اخيرا فضيت لدا الموضوع وهكتب رد عليه
اولا السلام عليكم
كيف حالك علبتي ؟!
ان شاء الله تكوني بخير من الكم الساعه اللي سالتك فيها حالك

هو مبدائيا خلينا نتفق انه في اخر كم سنه اللي بينعرض علي كم شاشه من شاشات الاطفال لا يمس للكرتون والمتعه بصله ، حرفيا حرفيا مسخره ومضيعه للوقت و هادم للطفل و خاصه كارتون " فين و جيك " غير مفهوم تماما و زاد انه حلقاته الجديده اصلا انا ام 24 سنه مش فهماها و قرات اصلا انه قصته في الاساس سوداويه ، قناه كرتونيتو عموما لها كم سنه تحولت من قناه محترمه لقناه تنتج حلقات تحت بير سلم " يعني ردئيه " .

شوفي انا مش بعترض علي الكرتون ككل ، لا والله عموما ع ايامنا من 10 سنين او اكتر كان في اشياء كتيرة جميييله و نتعلم منها و نستمتع ، زي مثلا كرتون " بسبس بوبي " من اجمل الاشياء اللي شفتها و ترك اثر وذكريات عندي واخواتي ، قصته كانت ظرفيه وتعلمنا انه بسبس ولا يقدر يعيش بدون بوبي و لا بوبي يقدر يعيش بدون بسبس رغم انهم اعداء بالفطره.

كارتون " الفتيات الخارقات - فتيات القوه - الجاسوسات " ، وقت ما نزلو عمله نقله في عالم الكارتون نحن كبنات كنا نشوف نفسنا في ابطالنا المفضلين قدوة ، كنت احب رزانه بلوسم مثلا وحكمتها و انها تخاف علي اختيها و انها قائده جميله ، طفوله بابلز وكياتتها وحبها للحيوانات ، نرفزت باتركب ، تعاون الجاسوسات سوا وانهم عائله و بيحمو بعضيهم و بيخافو علي بعض ، قوة وصلابه الفتيات الخارقات ومدي علاقتهم .. اشياء فعلا فعلا تعلمنا منها كتيييير ورافقتنا لسنوات.
حاليا تشوفي mbc3 اللي كانت راده القنوات في فترة ما واللي عرضت دول ، تحولت اللي مهزززززله باللي بتعرضه.!!

يا عمي اصلا من بعد سبيستون هذه القنوات لا قيمه لها ، سبيس ربتنا اكتر ما اهلنا ربونا اللي عاش علي شاشه سبيس تعلم قيم الاهل نفسه ما علمونهاش ، سبيس هي الفخر و العزه والقناه الكرتونيه الوحيده اللي نكون ممنونين لها جيل وراء جيل ، 22 عام باقيه علي العهد ما تغيرتش مع الزمن و لا غيرت مبادئها و ثابته علي القيم والاخلاق اللي تأسست عليها .. يعملو لنا بس قنتين تلاته بنفس اساس سبيس و شوفو الفرق بين اجيالنا و الاجيال اللي طالعه .

ولكن للشهاده ولاحقاق الحق في افلام كارتون جميله جدا جدا ومناسبه للاطفال وما اشوفش انها تضرهم بالعكس اشوفها جميله جدا زي سيمبا - شريك - الابطال الخارقون - سندريلا - اليس وارض العجائب - طرزان .. كلها اشياء جميله وتعلم الطفل ولكن هنا في نقطه مهمه جدا جدا وتطرح سؤال مهم : كم عدد الساعات اللي بيقعدها الطفل علي هذه القنوات؟!

لانه من تجربه شخصيييه الخطر الحقيقه هو في الكم مش الكيف ، كم المده اللي يقعدها الطفل علي القنوات لو ما كانت محسوبه و باعتدال في خطر علي الطفل و بدايه الطريق للتوحد والعزله .

من كم سنه كنت اشتغلت بحضانه و كان عندي طفل يتكلم بطريقه مختلفه عن المجتمع اللي احنا فيه وعن العاميه بتعاتنا مثلا : ايتها المعلمه هل يمكنني ان اشرب القليل من الماء ؟! - يا ولد لا اتركني ولا شكوتك للمعلمه ... وهكذا

للمره الاولي هتقول ما شاء الله عايش في مصر ولغته الفصحي قويه و هو طفل ال5 سنين ، لكن الوش التاني للعمله انه الطفل بيتكلم مع نفسه اغلب الوقت ، بيقلد حركات خطيره جدا زي انه مره حاول يمسك النار ، اغلب الوقت بيتتكلم مع شخص غير مرئي.
لما سالت امه عنه عرفت انه المدام بتسيبه حرفيا 24 ساعه ع قنوات الكارتون ، مفيش مذاكره ، مفيش فسح وخروجات ، مفيش لعب بالالعاب او مع صحابه ، لانه كان هو وطفل ذنان و مش بيسكت علي قولتها ف كان اقرب حل لها انها علمته يتابع كارتتون وولاسف مراقبتش المحتوي اللي بيتابعه ولا بتاخد بالها هو بيتعلم ايه ، ولان الطفل بيقلد كل ما هو جديد و بيتعلم منه كانت دي النتيجه .. فالخطر الكبير هنا اكتر ما هو بالكارتون نفسه.

هذا اولا

ثانيا خليني اجاوبك علي الاسئله :

1 - هل تعتقد ان الانمي يمكن ان يؤثر على عقيدة التوحيد لدى المشاهد خصوصا الجيل الجديد او الطفل بصراحة هذا السؤال لا اعرف شخصيا الاجابة الصحيحة له اعتقد ان تاثيره يختلف من شخص لاخر حسب معلوماته والخلفية الدينية له فما هو رايكم انتم؟ الحكماء والراشدون افيدونا والاوتاكو اخبرونا بتجربتكم

خلينا اولا نطلع الاطفال من نقاش الانمي لانه مفيش طفل هيفهم الانمي و لا هيستوعبه ، الاطفال عاوزين رسوم متحركه امثال توم وجيري و غيرهم خلينا في الفئه اللي تقدر تفهم الانمي و تستوعبه و تعرف تجيبه ازاي و هم السن المحير ، اصعب سن وكتر سن معوق في تربيته ومش سهل " سن المراهقه " ، بالنسبه لفكؤه انه الانمي قادر يغير عقيده توحيدهم فابصم لك بالعشرين انه يقدر مع الاسف.

الانمي في كتير منه افكار ضد معتقداتنا و في كتير منه بيعلمو الاخلاق اللي عكس تربيتنا الاسلاميه ، وبيدعمو ناس استغفر الله و بيدعمو الالحاد وغيرة وغيرة و لكن بردو احقاقا للحق مش كله علشان محدش يزعل ، بس سلبياته من وجهه نظري نظرا للفئه العمريه اكتر بكتير من الايجابيات .

فبلاش الفئه دي تتابع انمي نهائيا الا لما تكون مستعده سلوكيا و عقيديا ، هتقولو لي في ناس 15 و 14 تتابع وعادي ، هقولك يا عزيزي صوابعك مش زي بعضها .. العقول تختلف .

2- ما هو افضل عمر ليتابع الشخص الانمي بحيث لا يؤثر على معتقداته ويكون مجرد تسلية له او تعتقد انه لا يوجد عمر محدد؟

من ال20 وياريت لو فوق ال22 مش ال20 ، ولو حد عمره 30 بس بعقل 15 يمتنع

3- هل تعتقد اننا بحاجة لقتنوات فضائية تكون اعمالها عربية المنشأ لزرع القيم والمبادىء الصحيحة لدى الطفل؟اتصور لدينا اعمال عربية لكن قليلة جدا

ما اشوفش انه لازمه حاليا القنوات ، مممن لو قنوات ع اليوتيوب او غيره من التطبيقات اللي تجذب الاطفال ، لان جيل الايام دي مش بيقعد علي التلفزيون اكتر ما بياكل ويشرب وينام و هو بيده التلفون او التابلت .
فيب محتاجين قنوات عرييه امثال سبيس علي التطبيقات و محتاجين نقله ثوريه في تاريخ الرسوم المتحركه للاطفال ، وقتها بس نقدر نغير من الاجيال مع مساعده الاهل اكيد و تربيتهم هيفرق الوضع جزريا


ختاما اتمني بس نراعي لاطفالنا ونتابع معاهم اللي يحبو يتابعوه ، ونشوف اذا يصلح لعقولهم او لا .. هم امانه ولازم نحافظ عليها
بعتذر علي الاطاله بس اقسم انه الردود في القسم دا لها متعه مختللللفه عندي و احس انه افكاري ولا وضحت مش عارفه حاسه بلغبطه في الرد بس كتبت كل نا خطر علي بالي حاليا

ان شاء الله لي عوده لقراءه الردود او اضافه نقاط تانيه
دمتي في رعايه الله علبتي .. والي لقاء

# العمالقه