منتدى وندر لاند - عرض مشاركة واحدة - [الختم الإداري] التفاحة الحمراء |Akagami no shirayukihime

مشاهدة أوسمتي · 04-26-2020, 09:15 PM

Y a g i m a

السلام عليكم ورحمة الله وبركاته
كيفكم يا حلوات ؟؟ ان شاء الله بألف خير
رمضان مبارك عليكم وعلى الجميع
ان شاء الله يكون نهاية كورونا مع نهاية رمضان

شو هالتقرير الرائع الحارق الساحق الجميل
حرام عليكم قلبي الصغير لا يتحمل كل هذا الابداع
اختيار موفق للأنمي الرائع واللطيف
هذا من الانميات الرومنسية القلائل يلي فكرتها جميلة وقصتها مو مكررة والشخصيات تجننن فيها* ...
لأن أغلب الانميات الرومنسية بتكون فكرة معادة ومستهلكة أو فيها أشياء مو حلوة
الطقم مررررررة جميل ما شاء الله وخاصة الهيدر عجبني
العنوان حلو واختياركم موفق
التنسيق والمعلومات تحفة بكل ما للكلمة من معنى
ما خليتو شي ما جبتوه وحكيتو عنه حتى أحداث الحلقات
أدق المعلومات والتفاصيل
ما خليتو شي ما شاء الله

هاد الانمي عنجد من اجمل الأنميات يلي تابعتها وحبيت القصة كتير
فكرة الانمي مرة مميزة وجميلة

الشخصيات تجننننننن وكل واحد أحلى من الثاني
رسم الشخصيات وطباعهم وادوارهم كلها جميلة
أحب الانمي يلي شخصياتها جميلة كلها وخاصة رسم العيون
أحداث الانمي كلها مشوقة ولطيفة وحماسية
بدايةً من أول حلقة لآخره وحتى بالاوفا
شرايوكي عشقي* .. شخصية لطيفة جميلة جدا
لون شعرها مرة حلو وهو سبب القصة اصلا
لما قصته اتفاجئت وبعدين شفت أن الشعر القصير يلبق عليها أكثر
تطلع لطيفة أكثر مع الشعر القصير
بس الشغلة يلي ما عم تفوت براسي هي كيف قصتهم هيك بسرعة
وطلعو ظابطين وحلوين
كرهت أمير بلدها لما كان بياخذها بس لأن فيها شيء غريب ومميز
شايف حالو وبدو يمتلك كل شيء
قرار هربها كان زينة العقل وينم عن شجاعة كمان
أحب قوة شخصيتها وجرئتها وكلامها وخاصة بأول حلقة
لما ألقت بزين وهو شك فيها وعملت هديك الحركة مع كلام قوي وقصفت جبهته
انا أكثر شي ضحكني وجه زين بعدها وكيف كان أصدقائه يضحكون على يلي صار
ردة فعلها كانت مفاجئة وحلوة بنفس الوقت
أحب الواثقين بنفسهم بهي الطريقة مو بالطريقة المتعجرفة
أحب كمان فيها ابتسامتها وكلامها وتفاؤلها ومثابرتها بكل شي
كمان ذكية وقوية الملاحظة
خلاص قررت اتزوجها وكلكم معزومين >> اعذروني على الحشيش

هلق نجي لزين* ... جمالو شيء ثاني
ابتسامته تجننننننن واحب حماسو و قوة شخصيته
شعراته ولباسه الملكي غير شكل
حتى مقاتلتو بالسيف أحبها مررررررة
يجنننننن بكل ما للكلمة من معنى
هاد يلي رح اتزوجو اذا قبل >> خلص خلص بسكر الموضوع
من أول لقاء أعجب بشرايوكي وبلش يساعدها
حط عينو عليها على طول*
يا أخي شرايوكي محظوظة جدآ نفسي اقتلها >> غيرة
الحظ يلي عندها بجد يجنننننن
خلاص خلينا نقص شعرنا ونهرب
شو رأيكم بالفكرة
حتى أصدقائه معاه بجد أصدقاء بكل ما للكلمة من معنى
الثقة يلي بيناتهم جميلة وقوية
أكثر شيء تفاجئت منه واستغربت أن عنده قدرة يتحمل السم
تذكرت كيف شرايوكي بكت وقتها وحضنها
خلاص حرام عليهم قلبي الصغير لا يتحمل
الأحداث بين هالثنائي هي الأجمل في كل شيء
أحب متسوهيد وكيكي كيف يتعاملو مع زين بعفوية
ويضحكو عليه ويأمروه وهيك
خاصة لما جرح زين اصبعه من الورق وصارو يقولوله أن بتصير ورق مدري رجل ورقي
هههههههه والله كلامهم معاه غير
خاصة كيكي بجد مرة جميلة خاصة بالحلقة يلي لبست فيه مثل الاميرات
كان الفستان كتير لابق عليها وهالة الأسرة المالكة والغنية طاغية عليها
كانت مرة جميلة بجد ... وأحب شخصيتها القوية
حتى متسوهيد يجنننننن وأفعاله حلوة وصداقتو مع زين كمان واهتمامه فيه
اهتمام مبالغ فيه والله لما شرب دواء غريب مدري شمه
وصار غريب وكلامه كمان وربي الحلقة كانت تفرط ضحك
حتى الأخ الكبير لزين جميل جداً >> احترت بينهم
بس بختار زين اكيد لو في اختيار مثل هاد
أحب شخصيته و حكمته ونظرته الباردة والهالة يلي محاوطتو وصراحتو مع زين
أكثر حلقة حلوة كمان لما راحو للمهرجان وحضرو كثير أشياء
ولما ساعدو الناس مشان المسرحية و شرايوكي مثلت أنها الأميرة
نظرة زين لها كانت تفرط ضحك كان متفاجئ من الجمال
ما بلومو والله كانت طالعة حلوة
بس حركتو لما نط من فوق مشان يحميها وهو صار الأمير وربي يجنننننن
تحفة في كل شيء* ... فديت يلي يغار بس
هاد الانمي كل فترة عيد شوي من حلقاتو واشوفها
قد ما عدت الحلقات ما أمل ابدا
حتى الجزء الثاني كان حلو مرة
ولأني حبيت الانمي وتحمست للقصة صرت اتابع المانجا
المانجا بجد مرة جميلة والأحداث فيها مرة حماسية
بس من زمان ما كملتها* ... القصة لسة ما خلصت حتى في المانجا
يعني اكيد في جزء 3 أو على الأقل القصة بتكتمل في المانجا
بدي شوف نهاية جميلة وشوف أولادهم >> صرت احكي مثل العجايز

لكل يلي ما يعرفو الانمي .. شو مستني روح شوفه بسرعة لأن يستاهل ومرة جميل
وإلا بتكون ضيعت نصف حياتك حرفياً * .... ما أبالغ ابدا
حرام ما يكون ضمن قائمة انمياتكم والله

شكرآ لجهدكم الكبير في التقرير* .. عمل كامل متكامل وجميل جدا
تستحقو الختم الإداري حقا* .. مجهودكم وشغلكم واضح
دائماً مبدعين ما شاء الله
دائماً نورونا بهيك تقارير جميلة تفتح النفس
وكمان بقلكم اخر شي أن زين لي أنا وبس ما حد يفكر أن يحبه أو يحط صوره
والا بتختفون في ظروف غامضة انا حذرتكم وانتو حرين
أتمنى لكم يوم حلو وإفطاراً شهيا وجلي صحون كتير
دمتم في حفظ المولى

استغفر الله ~ استغفر الله