@
PERSPOLIS;
السلام عليكم
كيف حالك قلب ؟
اتمني تكوني بخير و بصصحه وعافيه ان شاء الله
كل عام وانت بخير و رمضان كريم عليك
داء السكري من اكتر الامراض صعوبه نفسيا وجسديا علي المريض
نفسسيا لانه مريض السكر بيمتنع من اجمل ملاذات الحياه وهي الاكل
بيمتنع من امور كتيرة واهمها السكريات و العصائر المحلاه و الشنوياات
حتي فواكهه معييينه يمتنع منها زي البلح لان نسبه سكرياته عاليه
ولان الاكلات دي من اكتر الامور خطوره علي المريض
فجديا حاجه صعبه والله لما تكوني مدمنه حلويات وتتمنعي بيها
او نفسك تروح لقطعه جاتوه بس ممنوع ، صح ممكن ياخدو مقدار قليل جدا جدا
بس مش بيكون كفايه
جسديا من حيث الامراض اللي بتاجي نتيجه للسكري
فبالتالي المريض بيكون اصلا في مشكله و يدخل باهماله لمشكله اخطر من كذا
فعلا فعلا الله يكون بعونهم ويجعل تعبهم اجر وعافيه وثواب لهم
معلومه انه يصيب الاطفال مكنتش اعرفها الا من اربع سنين
كان عندي تلميذ مولود بالسكري وللاسف والدته ولا قالت لي حاجه عن دا
اول مره شفته فيها وسط الدرس
قال لي يا مس انا دايخ شويه ممكن تنادي لي ماما ؟!
في الاول كنت فكراه بيتهرب من الحصه ، رفضت وقلت له شويه هتاجي
كمان شويه وقال لي يا مس ممكن تجيبي لي حته عصير؟
وقتها زعقت معاه شويه وقلت له بعد الحصه ، راح قالي يا مس انا عندي السكر
افتكرته بيكذب ورحت ناديت مامته وبقولها هو بيقول كذا ، راحت قالت لي فعلا عنده السكر و اعتذرت انها منبهتنيش لانها بالعاده بتقول لمدرسات ابنها.
كنت مصدومه وقتها لانها كانت اول مره حرفيا اعرف انه السكري بياجي للاطفال
بشوف حالات ماشاء الله مقاومه وصامده و بتهتم بصحتها ، و في النفس الجهه ناس كتير بتتعب من قله الاكل وبتملل من نظامها و علاجها.
وبتخربه وللاسف بتتتعب اكتر وبتعاني من اهمالها.
سمعت انه في حاليا دراسات بدات تنجح في كشف علاج جذري له ، اتمني من قلبي مستقبلا نلاقي حل لكدا
السكري رفيق للمصاب اذا عامله بحب و انتظام واهتمام هييرد له الجميل بانه يبقا مظبوط و مفيش اي مضعافات ، لا اهملنا واكلنا وسبنا العلاج بيبقا لا حول ولا قوة الا بالله ع الانسان.
وجديا الله يعين مرضي السكر ، اختبار صعب والله يقويهم
والحمد لله علي جميع اختباراته وابتلاءته
الله يشفي جميع مرضي المسلمين من كل مرض
شكرا لموضوعك استفدت منه فعلا
دمت في رعايه الله وحفظه
مع السلامه
#العمالقه