منتدى وندر لاند - عرض مشاركة واحدة

مشاهدة أوسمتي · 07-10-2022, 02:48 PM

ميم

السلام عليكم ورحمه الله وبركاته
الله الله ع حلاوة الحضور والموضوع الفخم
ايواا محتواه فخم ابصم بالعشرة, فكرة النقاش فريدة
شفتي ي ميمي جيتك عالقسم كيف لمتنا كلنا عليه ؟
من محبتنا ، أحسنتِ سراب كفوو ما شاءالله عنك
نثرتي سحرك بوندر بكل مكان مواضيع وردود
بالنسبة للموضوع ، شخص كان مقرب ، جرحني طعني
دمر سمعتي ، أثر ع ماضيي وترك لي عقدة فيه
ايه رح ابكي عليه ، لإني رح ازعل بجد
ممكن هالشخص يكون كـ عدو بالنسبة الي
والعدو له احترامه! خلاني اقوى وانا اتصداه ..
كان له أثر بإني أكبر بهالشكل القوي ، أما لو
اني تركت ماضيي مدمر وتتدمر نفسيتي بسبب
افعاله وما استفاد من مواقفنا شي فـ هون حيكون الحق عليي انا!
بوجود هالشخص كل يوم أظهر إني قوية ومستعدة
وممكن انتظر حركته عشان أتصداها وأوريه أنه مش قدي
انا استمتع لما اشوف اني قد نفسي ! ولا ألف شخص يأثر عليي
بينما هو كمان ممكن يكون مستمتع يحاول يلاقي طريقة
يكسر هالشوكة ، هل هي رائعة لهذا الحد حتى تغيظك ؟
انا سيدة القرار كيف اقرر شوف المواقف بأي وجهة نظر
لان حسب قراري يا أما رح اتدمر.. يا أما رح اتفوق اكتر واعلو
فـ رح ازعل ع شريكي بـ قصتي ، وفراق الأسود للأبيض
حيكون صعب ، رح امشي بعزاه و حط الوردة ع قبره
وخبره ان المنافسة كانت شيقة مؤسف انك نهيتها
بدون ما تنبهني ! الحياة حتكون هادية مملة بدونك
سيد الاكشن بفتقدلك! أما اني اسامحه أو لا ... ما بعرف صراحة
وكلمة ما بعرف يعني انا سهل اقنع نفسي وانطقها بلساني
بس كيف اقنع قلبي ؟ صح ضرني بس نفعني انه قواني
قلبي حيحتار كتير ، ينزعل ع اي شخص خرب حياته بيده
أما قصة الدموع.. اللي مناح معنا عم يموتو وعيوننا عجزت تدمع
التماسك النفسي صعب والسيطرة ع عيونك وثباتك اصعب
كل اللي بإيدنا الصدمة! والغرق بأعراض الفراق والفقد!
الدموع جفت من زمان ...
بس انا ماني ملاك! في كم شخص اعرفهم ، اقول منيح اللي ماتو!
الحمدلله انهم اختفو عن وجه الأرض ، لأنهم كانو شياطين بمعنى الكلمة
وانا اعني اللي يرتكبوا الجرائم ، مهما كانت نوع الجريمة
هيك ناس احس ما يشفيني موتهم مرة وحدة بس
لازم يعيشو ويموتو .. يردو يعيشو ويموتو بنفس الطريقة والألم
عقوبته زي المنتحر.. ليوم الدين، اللي خطف وأذى وقتل
اللي عمل مجازر و اغتصب وتحرش بالأطفال
هذول اللي نرتاح انهم ماتوا، هيك ناس إعدامهم
لازم يكون بـ قتل نفسه بنفسه ، اليد نفسها اللي قتل فيها
وأذى فيها الناس توصل لرقبته وتنحره !
اشوف هيك المفروض تكون عدالة الارض
بطريقها للآخرة والعقاب الأعظم ، ألم اللحظات
القليلة اللي مات فيها ، ما اشوفها تشفي الغليل
بووم ظلامي فقد السيطرة بس بس خلاص ارجع لطبيعتك
مو نصيحة ادخل بالأمن حـ أكون شيطان على الشياطين
نشوف رأي الأخرين وقوليلنا انتي كمان
عن وجهة نظرك ورأيك بفكرة موضوعك