المشاركة الأصلية كتبت بواسطة ســـراب

جلنااااااار وجودك اسطوري كالعاده
خلينا نتكلم على شويه حاجات وقفت عندها في ردك
طبعا انا بتفق على معظم النقاط لكن ...
العدو له احترامه؟!
اول مره اعرف صراحه
يعني عمري م فكرت في النقطه دي
عدوي لو كان عنده شرف وامانه هحترمه
لكن لو عدوي هو الشخص اللي انا ذكرته في الموضوع عمري م هحترمه
انا متعرضتش للموقف ده قبل كده لكن لو اتعرضتله بعيد الشر عني اكيد مش هحترمه
لانه شخص اتكلم عني في ضهري وسبب الاذى ليا وضر سمعتي كمان
احترمه؟
لا والف لا كمان
قولتي بمعنى كلامك انك هتزعلي على موته؟
وتقوليله المنافسه كانت حلوه؟
فين المنافسه هنا؟
انا اتضررت اه بقيت اقوى واحرص لكن اتضررت
مش هزعل على موته بس هسامحه واتمنى من ربنا يغفر ذنوبه لاني بس لما اموت هبقى محتاجه حد يدعيلي
يعني ذيه ذي اي حد ميت بنشوف جنازته في الشارع بندعيله
قولتي ان في ناس يستحقوا الموت
الفئات اللي ذكرتيها كلها عندك حق فيها لكن المنتحر؟
من وجهه نظري هو ميستحقش الموت بالطريقه دي
يمكن كان بعيد عن ربنا و يمكن كان نفسيته تعبانه ويمكن كان لوحده
في الف سبب وسبب لكن في النهايه هو انتحر عشان ضعيف الايمان وضعيف الشخصيه
ميستاهلش يموت بالطريقه دي ويمكن احنا اللي غلطانين كمان في موته بالطريقه دي
يمكن لو كنا منعناه او طيبنا بخاطره؟
هو مش الموضوع اللي بنتكلم فيه بس المنتحر شخص بيوجعني جدا
بحس ان مسؤوليته في رقبتي وان انا السبب
اسفه اني طولت
حبيت وجودك ومناقشتك جدا جدا جلنار