منتدى وندر لاند - عرض مشاركة واحدة - الطريق طويل لاتهتم

مشاهدة أوسمتي · 05-10-2020, 07:57 AM

السَلام عليكم ورحمة اللهِ وبركاته
صَباخ الخير يالطيفين
اليوم كُنت أتصفح حساب ذلاقة بالتويتر ، أستمتع بهالحاجات
يرجع لي شعُور إن العربي حرفياً لُغة فخمة
تقريباً أتابع الردود كثيير ، أنبسط إن فيه ناس للآن مُتمسكة بالفصحى
لفتني موضوع " مراتب الصداقة "
هِنا الصُورة
أكتشفت إن العلاقات إللي تحت مُسمى صداقة عندي حداً كثيرة ..
حرفياً علاقآتي بآخر سنتين صارت كثيرة ، أي مكان أروحه لازم أحصل شخص أعرفه
بحُكم إني أشتغلت بمكان عآم وفيه مجتمع كبير صار سهل إن أشوف نآس أعرفهم بأي مكان
هالشيء حِلو وبنفس الوقت مُو حِلو .. عندي إللي بالدوام وخارج الدوام ..
وبحكم تنقلي لمناطق كثيرة بالسعودية خلال السنوات إللي راحت تعرفت على بنات من أغلب المُدن والمناطق!
حبييت إني قدرت أصنفهم من الجدول ، أكتشفت حاجة إن أغلبهم " زميل ، سمير ، صاحب "
وهذول كلهم لسا ماوصلو لمرتبة الصديق مستوعبين ؟
أعلى درجة وصلت لها هي : خليل وعددهم مره قليل إللي بهالتصنيف
أكتشفت إن حرفياً الصداقة وهي صداقة لها عُمق لكل شخص بحياتك تسميه صديق! ..
بمعنى مو أي صديق يعني صديق ، فيه ناس تعطيهم هالكِلمة وهي كثيرة عليهم ترا
أحب أتعمق بهالمواضيع تعجبني ، تخليك مُحدد أكثر بحياتك ومع الناس إللي حولك
المُهم أنا بخصوص الأصدقاء بحياتنا غيري عنده نظره سوداوية على هالمُوضوع ويحاول يتجنب يصاحب أحد.
للأسف مريت بهالحالة ودفيت كل الناس إللي كانو بحياتي ، ترا أبداً مو جيد ..
الوحِدة حِلوة .. شايفين رُغم الأصدقاء هذول لكن ترا أنا حرفياً وحيدة ، مستوعبين ؟
أفضل الوحده كثير بأيامي ، لكن بنفس الوقت عندي ناس وأصدقاء بحياتي وهالشيء أشوفه مُهم
أعرف شعُور إنك "مصاحب نفسك" جداً يفُوز يحسسك إنك بالمرتبة الملكية
لكن فعلياً نحتاج ناس قريبة من قلبنا
لابد من وجود نآس تشآركك إهتماماتك كلامك فلسفتك .. نآس تحسسك إنها معاك
طبعاً أنا مع إني أستغني عن الأصدقاء لو مالقيت ناس شبيهة لي!
أنا مع هالشيء وبقوة ، غلط تحط نفسك مع ناس تحس إنهم مو أصحاب بس بمجرد إنك ماتكون وحيد!
غلط هالشيء ، ياتلقى نآس يدخلو قلبك وتتشآركو إهتماماتكم وحياتكم ولا بلاها
الوقت إللي أنتَ مضيعه مع هالناس الغلط حتندم عليه لإنك مارح تكون ملاحظ الناس الصح!
بس أؤمن بإن ناسك رح تجيك يوم من الأيام ، أؤمن إن فيه أشخاص ماتدري كيف دخلو حياتك ولا شلون ؟
بس إللي تعرفه إن ربي صب الراحة لهم بقلبك صَب! ، مع الأيام يصبحو من أفضل الناس عندك وبقلبك
ومع الأيام تثبتلك المواقف مين هُم ؟
أؤمن بإن المواقف تحدد علاقتك مع الناس ومِين هُم ومين إنتَ ؟

يكفي فلسفة لليوم
لي عَودة
heart0heart0heart0heart0