منتدى وندر لاند - عرض مشاركة واحدة

مشاهدة أوسمتي · 07-12-2020, 08:13 PM

احب ردودك مفيدة
نوتي

هاااااي حبيبتي
كيف حالك ان شاء الله تكوني بخير
أول شيء سعيدة أنك وضعتي وصفة تقليدية اللي تخص المقروط
أحب الحلوى التقليدية لقلبي هي المقروط دون منازع
التصميم جمييل جدا ألوانه فخمة و مناسب جدا لهذا النوع من المواضيع
أبدعتي و أتقنتي في الاختيار
المقروط معروف في الجزائر من الشمال للجنوب و من شرق للغرب
و مقروط الكوشة (اللي يطهى في الفرن الكوشة هي الفرن لمن لا يعرف لهجة جزائرية ههه)
أصله من قسنطينة و المقروط المقلي أصله تونسي
بالنسبة للوصفة اللي شاركتينا ياها أول مرة أسمع بها خصوصا اضافة حليب بودرة
أنا الوصفات اللي أستعملها
اذا كان مقروط الفرن: فنستعمل خليط من سميد خشن و رقيق و السمن مذاب وحده أو نضيف له شوية زيت و رشة ملح و نلم بماء الزهر من الأحسن وحده دون ماء و كلما أكثرنا السمن كان أفضل
بالنسبة للمقروط المقلي: نفس الشيء بس من الأحسن استعمال نوع واحد من السميد اللي هو الرقيق
و الفرق بين النوعين انو مقروط يكون مبسس أكثر من المقلي يعني يكون هش أكثر و مشبع بالسمن

بضيف سر حتى يكون المقروط أسطوري و ذات هشاشة و ذوق:
أول شيء لازم العجينة نتركها ترتاح 24 سا
ثاني شيء استعمال السمن أفضل من المارغرين
ثالث شيء و يخص مقروط الفرن انو كلما كان فرنك جيد و يطبخ جيدا كلما كان أفضل
مثلا أنا لما جهزه اخذه لمحل حلويات بجانبنا أطلب منو يطهوه لي بالفرن لأنو فرنهم كبير و يطبخ جيدا فيطلع كثيير جميل و لونه رائع
رابع شيء المهم كلما كانت نوعية التمر و السميد جيدين كلما يطلع المقروط أروع
و الناس تحب تنوع بالحشو مرة لوز مرة كاوكاو (او فول سوداني)...الخ

أما بنسبة لمقروط اللوز الأصلية فوصفته غيير
اذا كان مقروط لوز مسكر :
راح تستعملي 3 أكواب لوز غير محمص و يكون مطحون و 5 بيضات (كاملة أو 4 صفار و بيضة كاملة) و 3 كؤوس سكر عادي و مبشور 3 ليمونات تخلطي الكل مع بعض و البيض تضيفيه بالتدريج واحدة تلو الأخرى حتى تتشكل عجينة متماسكة و تحطيها بكيس بلاستيكي و تخليها ترتاح ليلة كاملة او على الاقل 3 سا
ترشي سطح العمل باالفرينة أو النشاء تشكلي حربوش و تقطعيها قطع بعدها تطهيهم بالفرن تكون اشعلتيه مسبقا
ثم تتركيهم من 2 الى 4 سا يرتاحو يبردو بعدها تغمسيهم في المشروب عبارة عن 3 كؤوس سكر + نصف كأس ماء الزهر بعدها نرمدهم في السكر الناعم

اذا كان مقروط لوز عادي: نفس الوصفة السابقة لكن نستعمل كأس سكر فقط
لما تطهى بالفرن و نتركها تبرد لا تغمس في المشروب تقدم هكذا

بالنسبة لوصفتك قلتلك هي جديدة عليا و أول مرة شوفها و راح باذن الله أجربها
خصوصا و نحن بالحجر الصحي ملل في ملل هههههه
مشكورة على الموضوع القيم و أتمنى ما كون ثرثرت عليك و كثرت عليك
مزيدا من التألق و النجاح
دمتي في رعاية الله و حفظه