منتدى وندر لاند - عرض مشاركة واحدة

مشاهدة أوسمتي · 04-25-2020, 02:55 AM

â™،

ميمي
Y a g i m a

السلام عليكم و رحمة الله و بركاته

.
كيفك نوتي الحلوة؟ إن شاء الله بألف خير يا رب

عادت ملكة الحوارات والنقاشات الجادة إذا :$

.
موضوع جميل كعادتك في اختياراتك المميزة!
رغم أنو موضوع شائك وكثير بيعانون منو إلا أني م سبق شفت حدا فتحه من قبل صراحة لهيك أهنيك ع هيك فكرة :$

.
ندخل لصلب الموضوع طبعا نجاوب الحين ع الأسئلة :
صراحة علاقتي مع حماتي جيدة للغاية وأكاد أحس أنها أمي مو حماتي

.
أمزح أمزح بنقلع لأسئلة الغير متزوجات

.
معلش م معك عصير فراولة بدل القهوة؟ :$

.
×

برأيكم ما سبب تلك الخلافات مع الحماة والكِنة؟

طَبعا مُستحيل نقول أنو كل مشاكل الكنة والحماة بسبب واحد لهيك ذا السؤال لازمه لحاله كلام كثير

.
• أول شي كلنا نعرف طبيعة المرأة، بتلاقيهم كثير مو متقبلات بعض وكثير فيه تعقيدات وشحنات بين امرأتين والطامة الكبرى بيكونو م بيعرفون بعض أصلا وتوهم التقون

.
إلا من رحم ربي طبعا، م أعمم بس ذي طبيعة المرأة عموما فنقدر نقول أنو من بين الأسباب الممهدة لهيك صراعات هو طبيعة المرأة. فالأم هون بس حتشوف فرد جديد بالعيلة وزوجة ابنها حتقوم بتجهيز كل أساليب الدفاع أو الهجوم ترقبا للي بيصير فهي م بتعرف كيف بتكون هالزوجة.. في الطرف الثاني بنلاقي الكنة اللي بعد أول خطوة الها بالبيت عند حماتها بتحس أنو الجو مكهرب فشو بيصير بعد؟ كمان الكنة تجهز أسلحتها وتقعد مترقبة ومتجهزة لأي كحة ممكن تصدرها الحماة والشرارة بينهم تحرق الزوج بيناتهم

.

• ثاني شي الغيرة والخوف، كيف؟ الأم لما ابنها بيتزوج بتحس أنو مكانتها كالملكة الوحيدة بعيون ابنها بتتحطم وم بيرجع يشوف حدا غير زوجتو وهي بحكاية كان، بتصير تغير من أبسط الأمور مثلا لو الزوج جاب منديل لزوجتو حتصير بدها هي بعد منديل ولو مثلا خبر زوجتو تقوم تسوي شي حتحس أنو هي م عاد فيه الها أي فايدة وأنو الزوجة أخذت مكانها فكل شي والجرح الأكبر بيكون لما يصير الزوج يحكي كل شي لزوجتو كل الاسرار وكل المشاكل وكل شي بيصير معو وأمو م بيحكيلها اي شي ويصير حديثهم سطحي مو مثل قبل فبيصير رد فعل الأم طبيعي كإنسانة تحاول تنقد مكانتها وترجع حالها لمكانها الأصلي فشو بتكون الطريقة؟ تشيل الكنة من عن الكرسي وتقعد هي << مثال بس يعني

.
كمان في الجهة الثانية نفس الشي بيصير بس معكوس، هون الزوج بيكون يحكي كل شي لأمو بيستشيرها بكل صغيرة وكبيرة حتى أموره الخاصة هو وزوجته كمان يترك القرارات المتعلقة بزوجته واللي المفروض يناقشها مع زوجتو يخلي امه اللي تتحكم فيها فهون شو بيصير؟ يبي بيصير نفس سيناريو الأم اللي بتحاول ترجع مكانتها بس هالمرة الثائرة بتكون الزوجة ضد الأم .. بتحاول بكل الطرق تأذيها وتشيلها من مكانها بس عشان هي كمان تحصل اهتمام وحب وهيك شغلات من الزوج.

• ثالث شي: المعاهدات والاتفاقيات العائلية المميتة xDD! بتلاقي أم صفوان خاطبة حليمة من أم حليمة لصفوان وهم بالمهد فبيكبرو الاطفال ذول ويصيرون كبار ويقررون لحالهم ويختارون لحالهم فشو بيصير؟ صفوان بيحب فاطمة ابنة الجيران وبيخطبها! أمه ما وافقت ورفضت بشدة وقالتله خذ حليمة أنا خطبتهالك وهي صغيرة ! طبعا صفوان م بيوافق وبيتزوج فاطمة وبيجيبها للبيت.. شو بيصير؟ برافوو ! فاطمة بتدفع ثمن فعلة صفوان وحتمر بجحيم من أمه لين تكسرها هالشي لو كانت فاطمة حدا ضعيف لو العكس احتمال ينقلب السحر ع الساحر ويصير التعذيب ع الحماة xDD ! وهيك بنبدا صراعات لا نهاية لها بينهما.

×

â–ھï¸ژ طبعا وانتو تشوفون هالحالات حتكونو لاحظتو لو دققتو منيح فالسبب الرئيسي وبؤرة ذي الصراعات هو الزوج

!
لو يعدل ويعرف كيف يتصرف بحكمة بينهم و م يظلم أي وحدة فيهم بيكون فيه مودة وحب بينهم و م بيكون فيه أي صراع ولا أي أبسط مشكل

.

â–ھï¸ژ طبعا مو بس الزوج، هو بس الو دور كبير بس اللوم يقع كذلك على الكنة وكذلك الحماة، معلش لو اجت الكنة واتصرفت تصرف سيء أو ابتدت بمشاكل أنا كحماة وكأم حاحتويها وحخليها تفهم أنو تصرفها غلط بس بأفعالي معها ومع الوقت هي بتتغير بدون حتى م تحس

.
كمان الكنة لو دخلت بيت ولقت حماة صعبة المراس معلش تحسبها فمقام امها وتعاملها بالحسنى لين يلين قلبها ترا م حدا بيعرف شو بدواخلنا وشو سبب تصرفاتنا وأفعالنا وبالنهاية بنظل بس بشر فيه أشياء توجعنا وتقسي قلوبنا وبالنفس الوقت فيه أشياء بتلين قلوبنا

.
ولا تنسو أنو الماء قادر ع أنو يحفر الحجر، مو بيوم ومو بيومين بس مع الوقت

.

â–ھï¸ژ طبعا فيه حالات خاصة م بنفي هالشي، بس أهم شي لازمنا نحافظ ع طينتنا ونحاول إحنا نأثر بالحسنى حتى لو م نجحنا ع الأقل حاولنا بس مو لازم نستسلم و مو لازم نسقط في ظلمة قلوب ناس ثانيين ونصير مثلهم

.

×

كيف ستتعاملون مع هكذا صراعات؟
ام تفضلون البقاء خارج الإطار

برا الإطار أريح

.

برأيكم هل يمكن أن تؤثر هكذا نزاعات على الأسرة?

جدا جدا!
حتى لو م حصل طلاق فذا الشي بيأثر ع نفسية الأطفال "إن وجدوا" ، وكذلك بيأثر ع أطراف الصراع.
نفسيا وبدنيا، بعيدا عن اللي حكيناه فهيك أشياء بتأذي كثير
بتسبب أمراض، أعصاب، كره، حقد ، بغضاء..
حتى لو فيوم ابتعدو عن بعض بيظل سم بعضهم بعض يسري في عروقهم.. وهيك تتكرر نفس الدورة وذيك الكنة يوم تصير عندها كنة بتسوي نفس الشي :") !
الأم بتخسر إبنها، الأطفال بيقعدون بالمنتصف مع مين يوقفون؟ الأم؟ الأب؟ الجدة؟
وكثير أشياء ثانية

.

×

هَمسَة :

~ مفيش داعي نأذي بعض بس عشان أشياء مالها أي صحة،
ابنك لو بجد بيحبك م رح يغيرك بمرأة ثانية تراك انت ربيتيه وانت ولدتيه من أول م اجا للحياة وانت اول انسانة وأول حب فحياتو لهيك تراه شي مبتذل أنك تغيري من كنتك وشي أقل ما يقال عنه دنيء أنك تأذي امرأة بريئة بس عشانك خايفة ابنك يحبها أكثر منك. اللي يحبك م تحتاج تأذي الغير عشان تتأكد من أنه م بيروح حبه الك لأنو لو بهاي الحاله فهو م حبك بحياتو

.

~ كنتنا الجميلة، مالهاش داعي دخول الآكشن وأنك تاخذين الزوج تبعك وتخليه بس تبعك وهيك شغلات، يب هو زوجك وبتحبيه بس ع أمو إلو حق وقبل م انت تجين لحياتو كانت ولازالت أول حب إلو، لهيك بدون هيك تصرفات مؤذية واذكري أنو انت بعد حتكوني أم وكمان لا تنسي أنو الحياة عادلة جدا وأي شي بتسويه لحماتك المسكينة بيرجعلك فاليوم اللي م رح تتوقعيه ! مو لازم تكون حماة لتاخذي جزاءك فقط لا تستهيني بعدالة الحياة

.

~ زوجنا المحترم، كن حكيما عادلا! لا تنسى أنها أمك ثم أمك ثم أمك

.
كمان لا تنسى أن زوجتك بمقامها وأمك بمقامها لا تخلط بينهم ولا تعلي واحد عن الثاني { بالتعامل والافعال طبعا}.

×

موضوع جميل نوتي، لا تحرمينا من هيك انتقاءات جميلة

.
تقبلي مروري ولك مني كل ما هو جميل

دمتِ بود