منتدى وندر لاند - عرض مشاركة واحدة

مشاهدة أوسمتي · 08-07-2020, 11:46 AM

السلام عليـكم ورحمـه الله وبركـآته ..]

نتفــق على اتفـآق .]

الفصول الجيه انا ماحقدر اعلق على تعليقاتكم , لكن اتمنى انكم تتركولي تعليـق يحفزني
مضغوطه نفسيا مع الاحداث اللي بكتبـها , غير ماشاءالله بنتي حتكمل بعد 6 ايام سنـه وجدآ جدآ متعلقه فيا لدرجة إني مو قادره اكتتتب كثير واعلق لكن اقرأ بصمت تعليقاتكم واتمنى إنكم ماتقرأو إنتو الفصـل بصمت ..

[... الفصل السابع والعشرون ..]

صوت يآئس , جسـد متهآلك , قلب ينزف , امنيـآت محبطـه ..
: أبا ارجع في الوقت لورى وآحضنهم وماخرج من المكـآن , ابا ذكرياتي توقف هنـآك
مـآسك يدهـآ ويطـآلع في غروب الشمس ...
قالت بصوت مهزوز : حتعيش حياه حلوه لو قررت تبعد عن كل شي بتسويه , ربي ماداك دي الروح عشان تعذبها
حسام : نصيبي كآن اعيش اسعد طفـل , ونصيبي اعيش باقي عمري ..
وقبل لاينطق كلامـه سحبت يدها منـه , دموعها بعينها وتتكلم : طيب اسمع فكر بالشي إللي تحبه حاول تشغل نفسك وتبني حياة جديده لك انسـ
قاطعها : أهو طيب انا معـآكي
سكتت وهيا تطـآلع فيه وبعدها بكيت وسندت جسمها على الكرسي قالت بصوت متقطع : يعني ..لدي.. الدرجه ..انا ..سخيفه
: مين قال إنك سخيفه !!
ترفع يدها تمسح دموعها وتتكلم : إنتا .... تتكلم معايا عشان اعرف كل شي عنك وبس , مايهمك انا ايش احس , مايهمك إذا بتألم ولا لأ , مايهمك انا ايش حيسير فيا بعدين , صارحتني باأشياء المفروض ماتقولها لكن قلتها لأنـك مابتفكر في بكرا لو كنت تفكر في بكرا كان ماقلتلي نص مشاعرك , ماكان مسكت يدي حتى لكن طزز عادي انا اساسا حبعد عنها فاحسوي الشي اللي على هوايا وهيا براحتها تبكي , تنهد , مايهمك اخر همك اناااا , حتى روحتي لعم عدنان كنت معصب وقررت بمزآجك تنهي الموضوع لأنو مزآجك مايسمح نتناقش في الموضوع طردتني واهنتني ورجعتني لك وقلتلي اتحمليني طيب انا راضيه اتحملك لكن في النهايه انتا تبى تسيب الدنيا كلها وتمممشي انتا ماهمك انا ايش احس وكمان تسحبني لك لأخر لحظــه اسمع طيب انا ايش ابى , شوف لو في الدنيا احد يحتـآجك احد يحب وجودك يحب يسمعك يحب يشوفك
انهت كلامها وهيا منهاره , غطت وجهها وبكيت
قرب منـها , حوط ذراعه حولين كتفـها وهيا رفعت اكتـآفها وقالت : بعـد
: خليني اشوف وجهك
حركت راسها بنفي
اتكلم بهدوء : حتتحمليني يعني ؟
حركت راسها باايجاب ومازالت تبكي
: قد ايش .؟
منال : حتحمل ..أي ..شي منك
: لأنك تحبيني ؟
حاولت تدف يده وهوا مازال ماسكها مسحت دموعها وماعلقت عليـه
: ههههه ايش بك جاوبيني
وجهها احمر من البكى والإحراج , حركت عدسه عينه بااتجاهه وهوا لاصق فيها ورجعت طالعت قدامها وماعلقت
رفع يده بااتجاه خدها ومسح دموعها : بطلي نفسنه ..حاليآ , وكوني متأكده , بدا الكوكب كلـه محد يهمني غيرك
حست بهبوط في جسمها , وجهها زاد احمرار قالت بمكابره وقهر : واضح صراحه
: هههههه طيب طالعي فيا وقوليلي ايش تبيني اسوي ؟
جسمها كله يتنافض : مابى ... عارفه انك كذاب
حسـآم : جربيني
منال : طيب الإسبوع الجاي ابا اتقـآبل انا وانتا هنـآ _ طالعت فيـه وتستنى رده _
حسام بدون تفكير: طيب تمام
منال : وابا شي تاني
حسام : ايوا ؟
منال : المسدس اللي عندك في البيت تديني هوآ وانا حرميه بنفسي
حسام رفع حاجبه : اشيائي الخاصه ماحب احد يتصرف فيها من راسه
منال بصدمـه : لا بلله ! _ سحبت جسمها من حولين ذراعه وطالعت فيه وقالت بهجوميـه _ والخاتم حقتي اللي رميتـه واتصرفت من راسك
حسـآم : مو حقتك , جاكي هديـه
منال : هديه ..يعني سار ليا ! يعني ملكي
حسـآم : ليش موضوع الخاتم حازز في نفسك لدحين
منال بتعب : لاتغير المواضيع
حسآم : انا قلتلك احبك لما تقوليلي احبك وقتها خدي اي شي يخصني_ رفع حاجبه باانتصار وابتسم بخبث وهوا مستني ردها _
ملامحها ارتخت , كل الكلام طار
حسام : ايش بك ؟!
تضغط على اظافرها بااحراج , بصوت خافت : ايش شٌغل الأطفـآل دا !
حسـآم : هههه كلامي مقنع ماتوقع احد يقدر يتجادل فيه !
: بس ..يعنـ
حسآم قاطعها : مالكي شي عندي انا واضح معـآكي
منال اتذكرت كلامهه وقالت بااندفاع : كيف واضح معايا وانتا امس قلتلي ماباكي تعيشي مع وآحد زيي !!
نظرتـه خلتها تستحي غصبا عنها رجعت رخت صوتها وقالت بارتباك : مو قصدي اني ابا اعيش معاك يعني .. يعني
حسام : يعني إنتي تبي ؟
منال وجهها سار كتلة حراره مشتعله وقفت : شوووف انا جايه اتكلم معاك في موضوع واحد وانتا تقلب في الهروج على كيفك
حسام : لا والله انتي بتجيبي الكلام وانا بسئلك !
منال ضمت يدها تحت صدرها ومازالت واقفه وهوا جالس تحاول تخفف توترها ..
حتنطقـها عشان تاخد اللي تبـآه
حتنطقها لأنها دايما تنطقها جوتها
قلبها زادت دقـآته
باعدت بين شفايفها واتراجعت
حكت حاجبها بتوتر وقالت بدون تفكير : أحبك
ابتسم ابتسامه خفيفه وزادت بعد ثانيتين ودخل بدوامة ضحك : ههههههههههههه إيش دا ..!! وربي وربي صاحبي حينطقها بمشاعر اكثر من كدا
طالعت فيه بقهــر
ومشيت ماعرفت فين بتروح بس احرجها قام بسـرعه من مكـآنه ولحق وراها وهوا يضحك
مسكها ودفت يده وقالت وعينها ماتبى ترفعها عليـه : بجد بجد انتا قليل ادب
حسام : هههههه والله تضحكي _ طالعت فيه بحده ورفع يده بااستسلام _ خلاص انا قليل ادب
منال دارت وجهها ماتبى تطالع وقات بقهر : ووسخ كمـآن
حسام : ووسخ كمان مو مشكله وصلتني دي الكلمه اكتر من احبك
طالعت فيه بقهر وضربتـــه على ذراعه بقهـــر : والله انا غلطااانه , ابا ارجع البيت
حسام : هههههههههههههه
دارت جسمها وهيا ضامه يدها تحت صدر وفعليـآآآآ منحرجه ومو قادره تطالع فيه
ضحكتـــه مستفزززه
اسلوبــه متمرس لحد النخـآع تشك انو يستحي حتى
رفع صباعه وهوا يدق على كتفها من الخلف : ياحلو
رفعت اكتافها ونزلتها : لاتمسكني
: ههههه عارفه لما تجيكي طفله وتقوليلها قوليلي احبك وانا اديكي حلاوه وتقولها بدون ماتفكر نفس اسلوبك
منال ضحكت غصبا عنها : قفل دي السيره خلاص ههههههه
كآن مبتسم اتلاشت ابتسامتـه أستوعب كيف قادر يضحك
ويبتسم
ويتأملها بعززززززز كل شي عايشـــه
كأنها منطقه يدخلها ويترك كل فوضى الحيـآه على اسوارها ويعيــش
يشتكي بجملـه وبحوار واحد منها تدخله في الف موضوع
ويجرب الف احساس ..
قال بعد تفكيـر : منــآل .. تصدقي خايف من شي واحد !
طالعت فيه , شدت على حواجبها بااستغراب : إيش هوا !
حسـآم بكل جديـــه وبعدم استيعاب وبعدم منطقيـه قال : أحس ..ماحسامحك ..لو عشتي حيـآتك !
فجعهـــها ..!
قالت وكأنها اخيرا حتنتصر عليه : وانا ماحسامحك لو ..سويت شي بنفسك .. ووقتها حختار الشخص اللي يحبني بجد اكتر من الشخص اللي انا احبـه
ماأنحرجت
ماحست باأي توتر وهيا تقولــها
قالتها بشكل تلقائي ...
رفع حوآجبه الإثنين بتفاجئ قالت بتبرير وبصوت مخنوق : حعرف وقتها انو انا الغلط لأني اجري ورى الناس اللي مايبوني ولا يبو يتمسكو فيـآ , بابا وإنتا مهما تقولي مبررات عن بابا لكن في النهايه تتصرف زيو باأنانيه , قلتلك حتحمل اي شي منـك بس انتا ماتبى , انتا تبى ترتاح وتدور راحتك بس
مسك يدها ورفع اكتافه بضعف : انا ماأمزح لما اقولك تعبـآن ماأمزح يامنـآل
: طيب ححاول اساعدك
: وليش أظلمك معايا ؟
قالت باارتباك : انا راضيه
: انا مو راضي
: مو لازم ترضى لكن _ سكتت حست بصعوبه الكلمه بلعت ريقها وقالت بصوت مهزوز _ انا حفرض نفسي عليـك ..يمكن امك واابوك راحو لكن انا واقفه اليوم هنـآ بسببهم , يوم وآحد أمك وابوك جمعونا فيه وإحنا صغار لكن دار الزمن ورجعنا وقفنا تاني بسببهم ... بتقولي احلامك كلها وكوابيسك وهما يبعدوك بس برضك مو راضي وتكابر وتجري ورا شي حيهدمك وماحيسعدهم ولا يسعدك انتا تتوقع لو وصلت للي تباه حترتاح بس ماحترتاح ..صدقني حتوصل لطريق اسوء وماحتقدر ترجع ..حتوصل للنهايه وتتوقع انها مريـحه لكن حتفضل تتعذب بقبرك بكل دقيقه لأنك قررت تسلب روحك بيدك , مو إنتا اللي خلقتها عشان تاخدها ,إنتا قاعد تختار الطريق اللي يخليك تتعذب وتعيش اسوء ايام حياتك وانتا الوحيـد اللي تقدر تخرج نفسك من دا كلو ..
كلمـآتها كآنت قاسيـه عليــه
لأنها صـآدقه وعارف انها صآدقـه
يطـآلع بيدها وهيا تتكلم وماقدر يرفع عينه عليـها , انتهت من كلامها ..: لما ..أكون ..معاكي .. كل شي براسي يوقف ..بس لما ابعـد ..اعرف انو كل شي حيرجع تاني
: وانا واثقـه فيك , عارفه انك اقوى من ماتتخيل وحتقدر تعدي دي الأزمه
: لوحدي ماأقدر
: مو لوحدك ناس كثير حولك يحبوك لكن إنتا مو شايــف

,.

في شقتـه بينهم 6خطــوآت , قطرات دم عى الارض
لابسـه بلوزه سوده باأكمـآم , جينز , شعرها الاسود نازل منـه خصلات تدل على فوضوية االلحظـه اللي عاشتها
: جرح بسيـط ..
نزلت عدسة عينه على الدم !: طيب خليني اشوف ..
حركت راسها بنفي : مايحتاج , شكرا
مـآلك مشي بااتجاه المطبخ جبلها علبـه حمرا وادالها هيـآ : خدي ..
ادوات اسعاف اوليـه ..بيد تتنافض اخدت العلبـه , حركة عدسة عينها بااتجاه المكان اللي مشي فيه ولدها وقالت : ماباه يشوفني ..ممكن تجلس معاه شويـه
حرك راسـه باايجـآب ودخل بدون مايعلــق
وهيا اتوجهت للمغسله القريبـه على مدى نظرها
حطت العلبه , رفعت كم بلوزتها المشقوق من حدة السكيـن , زادت دقـآت قلبها
جرح مو عميـق لكن حجمـه كبيـر ...فتحت المويا وحطت ذراعها تحتـه وغمضت عينها

امـآ مآلك جلس على الكنبه , وولدها جالس ورافع رجولـه على الكنبـه
بجزمتـه الوسخــه
في عز المصيبـه اللي عايشها الولد وامـه مالك تفكيره بجزمـة ولدها
مايعرف الطريقه المناسبه للتحدث مع الصغار
اسلوبـه يخوف الكبار فاكيـف الصغار ..
: فيـن ..ماما
طالع بالولد ورفع حوآجبـه وكأنه فوقـه : آآ , دحين جيـه
وقف
ومـآلك :خليك خليك دحيـن حتجي
: فين .. راحت
مشي ومـآلك وقف بسـرعه جا لعنده وقال بااسلوب أمر مسلوب منـه اي ضمير واحساس : بقولك اجلس دحيـن تججي
رايـد عيونه اتجمعت فيها الدمـوع رجع خطوتيـن للخلف جلس على الكنبـه وراخي عدسة عينه للأررض
مايرمش
مايتنفس
مرعووب
مـآلك مرر يده على جبينـه بتوتر , ردة فعلـه كسـرته
قدم خطوتيـن اتجاهه , جلس جمبـه باارتباك وحاسس انو يبا يراضي حبيبته من قوة التوتر اللي يعيشـه
: أمك ..
وقبل لايكمل فتــح فمـه وبكي بكل صوتــه
مالك طالع بااتجاه الممر ورجع طالع فيه قال وهوا شويا ويترجاه : اسكت والله ماكان قصدي
وسعت فتحت فمـه وارتفع صوتـه اكثـر
مالك انفجع سمع صوت خطواتها
وقف , عدل نظارته باارتباك وقبل لايتكلم رايد من يوم ماشاف امـه اشر على مـآلك هوا يبكي
يسـرى مشيت بااتجاه ولدها, مالك بعد عنــه ووجهه طاغي عليه الاحراج يبا يبــرر
إلا يسـرى جلست حضنها وقال : اضررررررربييييه
يسـرى ضيقت عينها لمآلك وكأنها تتأسفــله
مرر لسانه على شفايفـه : انا خـآرج ..
سبـــلهم بيتــه وخـرج
بس قفل الباب مرر يده على وجهه ونفث بتوتر ..
رجع راسـه على ورى وغمض عينه لما اتذكر جواله يشحن في غرفتـه
سويتش سيارته
محفظتـه
كل شي في الشقـه ..طلع لبيت قصي دق الجرس كدا مره مارد
خرج من العمـآره
فين يروح ..!

,.’
دخل فراس بخطوات متردده وقبل لايجلس سلمـآن قـآم وقـآل وهوا يمرر يده على بلوزتـه وكأنه ينظفها : سيبــوه عليــآ ..
قلبـــه طآح
جسمـه صلب من الجملـه ونظراتهم المتجهه له
شادي , اكثر واحد يعـرفه اكثر وآحد حيفهم نظرته الحـآليـه
خطوات سلمـآن يسمعها بوضــوح لحد ماوصل قبـآله
وعم الصمت في المكـآن
ابتسامـة سلمـآن ,كشريـة شادي , ضيقة حـآتم , توتر فريـد
سلمان ميل راسـه لليمين وقال وهوا يتأمل فراس : مـو عـآرف , كيف أبدأ
فراس بصوت شبه متماسـك : ايـش سـ
وفي نص الكلمـه لكمــه سلمـآن
فريد أترفع جسمه بصدمـه ورجع جلسس قبل لايوقـف
فراس ماقدر يدآفــع لكمـآت سلمان المتوحشـه انهآلت عليـه
والكل يشــآهد بصمت
وقف بصعوبـه وسلمـآن مسكـه من راسـه وضربه في الجدار مره ومرتين وثلاثـه
لحد ماطاح على ركبـه وسند اياديه على الارض
صدره يرتفع وينخفض بطريقه سريعه
مو شايف شي قدآمه
ذراعه تتنافض بس مازال يحاول يسنـد نفسـه وقـف بصعوبـه
سلمـآن ضحك بااستمتـآع
شادي قام من مكـآنه قال بحده : سيبو
جا لحد فراس : ميــن همـآم !؟
كآن مستني اسئله كثيـــر لكن دا السؤال مو من ضمنـهم
رفع حوآجبه بتتعب وقال بصوت متقـطع : مـ آ عرفـه
شادي طـآلع في سلمـآن وبلحظـه اترمى فراس تاني للأرض
سحب خشبـه عريضـه وقبل فراس لايقوم ضربــه
يرفع الخشبــه بااعلى ارتفــآع وينزلها على جسمــه
فريـد حوط اياديـه حولين وجهه ومو قـآآدر يطـآلع قال باارتباك : خلاص ..يارجـآل
شادي ولا اتحرك , اياديه ورى ظهره وملامحه خاليه من اي تعـآبير
حاتم اخد كوبـه وصب من المشروب اللي قدآمـه
وفراس صووت ألمـه طاغي على المكـآن بدأ يخف صوتـه لما جسمـه كلو اتخدددر من قوة الضرب
شـآدي سحب كرسي بطريقه مزعجه لعند فراس وقال لسلمان : خليني اديــه فرصـه ..
سلمان رفع فراس وحطـه على الكرسي
جلس بغير توآزن وكأنه راسـه اثقل من جسمــه
الرؤيـه ضبابيـه
شادي بدون ملامح قدآمـه
اصواتهم داخله في بعـض
دم بينزل من مقدمـة راسـه
يتنفـس بشكل متقـطع
شـآدي : إيش علاقتك بـ همـآم ..!؟
مـآرد عليـه خلل اصابعه في شعر فراس ورجع راســه للخلف وقال بحــده : دفنت قبـرك بيـدك , قولي ميـن هوآ عشان على الاقل ارحم اهلك
فراس بصوت خـآفت وعينه شبه فاتحه :ماعرفـه
وطـآح من الكرسي من لكمـة شـآدي لكن ماوقـف دي المره
فريــد قام بردة فعل سريــعه قال بعصبيـه : خلللوه يتنفـس عشان يتكلم , حيموت بيدكم وإحنا مو عارفين شي
سلمـآن : قلتلـكم لكن مشيتو ورى شـآدي , أهو ارتحتـو لما عرفتـه انو يتعـآمل مع وآحد كان يشتغل في المباحث الجنائيــه لاااا ووقفوه عن العمل بسبب عدنان _ رفع حاااجبه وعينه تنطق شراره بااتجـآه شادي _ دااا الكلب المرمي ايش حيكون وصلـه !!! ايش حيكون يعرف عننا
شادي : انا وعدتكم تخـرجومن الموضوع سالمين وانا عند وعدي
سلمان : لاتنسى وعدك إللي قبله , وعدتني _ اشر على فراس _ إنو دااا حيكون مخلص وماحيسببلنا اي ضرر _ وقف قبال شادي وقال باأمر _ حاليا انا اللي حتعـآمل معـآه , انا الللي حنهيـه بيـــدي
انفتـح الباب ودخل أحد الرجآل المسلحـه , جا لحد شـآدي وهمسلو بكلمـآت
خلت دقـآت قلبـه تتسارع
" زوجتـه مختفيـه "
نقـل عدسة عينه على سلمـآن وقال بصوت شخص يحـآول يتمـآسك : شوف شغلــك
فريـد اتجنن : غلط غللللط اللي بيسير بتضيعو وقتنـآ
حاتم رمى الكااسه بعصبيـه وقال بقلة صبـر : اااسكت اللي فينا مكفيـنا

,’.

لحظـآت تخديـر دا اللي حـسـه معاها , مشي على الرصيف وهيا على الرصيف المقابل
عيونهم تتقابل , يبتسـو , ويرجعو يكملو طريقـهم ..
ولأخر لحظـه وقف عند درجات العماره لحد ماختفت عن نظره , طلع الدرجات دخل للعماره ولقى مـآلك جالس على كرسي البواب
قال بتملل : بدري !!
حسام : ايش بك !
مالك بصوت خافت يتكلم : اخت فراس وولدها ف بيتي
حسام ماستوعب نهائيا : فراس حقتنا !
مالك : ايش رايك يعني ! _ وقف _ خلينا نتكلم فوق
حسام مشي وهوا معقـد حواجبه
طلع الدرجات سحب جواله من جيبه واتوتر لما شاف الاتصالات من فراس : تصدق اتصل عليا الساعه 4
مآلك:دوبك بعد 7 ساعات تشوف
حسام فتح باب شقتـه
دخلو جلس مالك على الكنبـه : اتصل عليا الساعه 4 وقلي اختي برى , طليقها اتوقع يبا ولدو منها المهم كان يباني ابعدها عن عينه لكن بعدها ارسلي رساله وكتبلي انا مع شادي ايش ماسار لاتخليها تخرج وانا حرجع في الليل من اول استنآه ماله حس وجوالي في الشقه ومكسوف ادخل والادميـه موجوده فمالقيت غيرك تتصل تفهم منـه الهرجه
حسام مازال واقف بس انهى مالك كلامه اتصل على فراس جوالـه مقفل , نزل جواله : ليش ماراحت لزوجته !
مآلك اول مره يعرف انو فراس اساسا متـزوج !!!!!
حسام جلس على الكنبه ومازال معقد حوآجبه حاسس بتوتر , جا في باله اجهزة التنصت حيعرف كل شي
سحب الاب توب , رفع الشاشه على فوق ولقى ورقــة مطبـوقه !
ماأخذها !
عينه على الورقـه وتوتـره زآد
بصمـة فراس لما كان يطلب منـه اي شي ..
لكن حاليا رعشـة سرت بجسمـه كله
اخذ الورقـه بصعوبـه فتحهـآ
" قصي .. قبل لاأوصيـك حعتذرلك على كل غلط بدر مني , إنتا كنت اكثر من اخ وأي شي ممكن يسير فيا دي الفتره ماحيكون بسببـك
اليوم قررت اخذ حريتي بيدي ولو ماكسبتها حموت وانا أحاول
قراري برضو ماكان تأثرآ بكلامك اكثر من معرفتي بـ حمل صبا , عشان كدا حوصيك فيها وب طفلي
حوصيـك باأمي وابويا وأخواتي , حوصيك باأاهل مرتي يعرفـه بحقيقتها لكن بعد مايتمسك شادي
أعرف انو حقدك على عدنان معمي بصيرتك لكن أتمنى ترجع عن قرارك وماتضيع عمرك بسببه
اتمنـى تكون وصيتي طاحت بيـد الإنسان اللي عشت معاه طول دي الفتره , أتمنى لو ماكنت انا سنـد اهلي انتا تعوض غيابي "
يقرأ والورقه تهــتز بيده
تركها على جمب وكأنه مافهم ولا جملـه ماأنهاها لكن ماقدر يكملل الباقي
شغل الاب توب ومـآلك اتكلم لكن مافهم شي يقولـه
كل شـــي ثقيـــل
اخت فراس عند مآلك !
فراس يوصيـه على اهله !
فراس راح للموت برجلـه !
اشتغل الاب توب فتح الابلكيشـن , ومشى لحد الإشارات الي فيها تغير بالصوت
كلام مو مهم
كلام يدل عى انتظارهم لفراس
عبارات شتــم
توتر بينهم
السبب مجهول ..!
مـآلك شد على حوآجبه وهوا يسمع ومو فاهم شي لكن وجه حسام موتره
وجهه مايل للإصفرار ..
سلمـآن : سيبــوه عليــآ ..
ودقيقــه ووقف حسـآم ورفع اياديـه فوق راســه لما وصلــه صوت فراس ينضــرب
وماوقــف
مـآلك بصدمـه : دآ فرااس !!!
سمع صوت شادي وهوا يقول " سيبــو "
وبعدها سئله سؤال ماوصلـه ورجــع وصلهم صوت الضرب وألم فراس
حسآم دموعه تتجمع بعينـه , قلبببه ينعصر مع كل صرخه , مالك عرف الإجابه
"خليني اديــه فرصـه "
" إيش علاقتك بـ همـآم ..!؟"
صوت فراس مو مسموع
عصبيـة فريـد وسلمـآن
وسلمـآن هدد فراس بالقتـل
كل شي قااااعد يتخيـله
كلامـهم حاليا وهما يسحبو فراس للخـآرج
وسلمـآن المعروف بالتعذيب وتقطيـع الاجسـآم استلـم " فراس " !!!!!
وحسام واقف , عينه فاتحها بعدم استيعاب ..!
انتهى خلاص ..!
حيعذبوه بوحشيـة !
رمش بصعوبه ودموعه نزلت !
طالع في مآلك يباه يتكلم ! يباه يكذب اي شي سمعه من لحظـآت
جلس بصعوبـه
نقاشات بينهم , يمشي المقطـع بسرعه , سمع صرخات بعيــده وكأنو فراس في مكآن بعيد لكن صرخته وصلت
فهـم من كلامهم انو مـآزال تحت التعذيب لحد مايتكلم وحينقتــل ..
ورجع عاااد المقطـع وفراس يصـرخ
ولما ينتهي يرجع يعيـده قال بصوت مهـزوز : يمكن مو هوآ
عـآد المقطع ثاني ومآلك نطق :وقف
رجوله يحركها بطريقه سريعه واياديه على اسهم الاب توب يعيــد
3 و 4 مرات
مـآلك جسمه اتقشعر : بقولك وقف
عــآد المقطع ومـآلك سحب الاب توووب : خلاااااص
طالع حسام بتشتت حوليـه , قام من مكـآنه دخل لغرفتــه وخرج وبيـده سلاحـه
صدممم مآآآلك
بردة فعل سريـعه ووقف قبالــه : إنتتتا فين رايح
بصوت مفجووع نطــق : حيقتلوه
مآلك مسكـه : وفين حتروح
فين حيروح ..!؟
فين حيلقى فراس ؟!
لو لقـآه حـ يكون عآيش اساسا ..؟!
سؤال مآلك خلاه متصلب قدآمـه , حتختفي جثـة فراس وماحيكون له اي أثــر دا الأكيـد اللي حيسيـر
خـآف يخـرج ويلقى الجوآب
أترمى مسدسـه في الأرض
مآلك رفع اياديـه ومسك ذراع حسآم : اسمعني , حيكون كويس , ماحيقتلوه
حسـآم بعد ايادي مآلك ونطق بصوت مخنوق: كآن ..عارف
مشي خطوتين كآن يبا يستنجد باأي كرسي , رجولـه ثقلت
جسمـه يتنااافض
ثلاث خطوات واتذكر المهله إلللي اداه هيا
اربـع خطوات اتذكر أمس اتصـآله بجواله المراقب على رقم همـآم
خمسـه خطوات كل شي انحجب بعينه من كثر الدموع
ستـه خطوات ألمـه خلى فراس بدا الموقف , ألمـه وفكرة القتل والإنتحار
عقليتــه المحرمــه جعلت روح فراس سلعه عندهـــم
طآآح على ركبــه لما اتبخرت كل قوتـــه : أنآ ..إيش ..سويت
خرجت شهقاته . مد يده بااتجاه الكنبه حاول يوقف لكن ماقدر
بكككي
وصيـة فراس
تعذيبـه
جملة سلمان " انا الللي حنهيـه بيـــدي"
إختفاء صوت فراس بين جدآلهم
اتدممر كليـآ لأنـه عآجز ...
كل ذكرياته معاه مرت بدي الثانيه قدام عينه
شريـط سريـــع
بدي اللحظـه عرف انو هوآ مو خآيف عليـه عشان ضميــره لايأنبـه أو لأنـه صاحبـه وبس !!
حاسس إنو اخــوه ويبـو يسلبوه منـه لكن مو قادر يسوي شي
ضغط بيده على ذراع الكنبــه للمره الثانيه يحاول يوقف لكن ماقدر
شقهـآت مستمره , خوف من وصول خبر وفاتـه

مآلك ألف حـآجز بينه وبين حسآم لكن صوت فراااس كآن يككسر
صوته وكأنه اللي بيسير فيـه اقوى من انو يتحمــله , صرخه من القلب وصلتهم وقطعة اروآحهم لأشلاء
ونزلت دمعتــه بدي اللحظـه لأنه مو عارف يتصـرف
قدم بخطوات بسيطه اتجاه حسام , مد يدو بتردد على كتفـه وقال بصوت مهزوز : قوم
حسـآم جنون صوت فراس متملك منـه , مآلك يكلمـه وهوا يبكي
مسكـه من ذراعه ووقفـه بصعوبـه , جلسه على الكنبـه
عم الصمت في الغرفـه , صمت مخيــف , صوت فراس اختفى لكن بيتعـآد ف روسـهم
بصوت خافت نطق : إيش اســوي !!
مالك يفكر في ابعاد إجابـته
حسآم عينه على مسـدسـه المرمي في الارض ونطق للمره الثانيه : إيــش اسوي!!
مآلك : ماحترمي نفسك بالنار ايش ماسار ماحترد بعنف
حسام : حخرجه باأي طريقه ماهمني
مآلك : اول مين الرجال اللي بيسئلوه عنه ؟
حسآم : همـآم .. _ مرر يده على عيونه وهوا يمسح دموعه _ اللي كنت عايش عنده دي الفتره كلها
مـآلك رفع حوآجبه بااستغراب
حسام : فراس مايعرفه بس يمكن لأنو امس كآن عندي لما اتصلت على همام
مآلك: ايش علاقته بعدنان
حسـآم : يقول إنو صآحب ابويا _ رفع اكتافه _ بس ماعرف سرت اصدق ميـن !!! حاليا ماهمني إلا فراس ..أتصل على شادي ؟! اساومه في ايش ؟
مآلك : اسمع انا حروح لعدنان اديني بس مقطع شادي لما يتكلم عن عدنان ... عدنان حيقلب الدنيا ويخرجهم كلهم
حسام : وفراس ؟!
مآلك : حقولو ابعـد عنك مقابل يسلمني فراس سليم
حسام حرك راسه بنفي : مستحيل يوافق
مآلك: حيوافق ماحخرج من عنده إلا وهوا موافق بس اديني ادله قويـه ارميها في وجهه لو خاف مني حيديني اللي اباه
حسام بتوتر : عدنان حيقتلك ويقتل فراس
مآلك : مو بدا الوقت حيجي وقت يفكر فينا لكن دحين ماحيهمه غير شادي ورجآله ومحد حيجيب مكانهم غيره ..خلينا نكسب وقت
حسام حرك رجولـه بتوتر
مآلك حيدخل بقوه في الموضوع ,حيكون في الواجهه
: خليني انا اروح لعدنان , انا واحد مجهول
مآلك : ماحيثق فيك ماحيتساوم مع شخص غريب
حسام : شوف فراس دخل في مليون مشكله من ورى راسي ماححط احد ثاني مكآنه , انا قد قلتها ماعندي شي اخســره مـ
قاطعه مآلك : يعني انا ايش عندي !؟ _ ضرب على فخذ حسام مرتين لتهديته _ لسـآتي عند كلمتي ..
قـآم من مكـآنه : حنزل اجيب اغراضي انتا على بال جهز إللي أبـآاه

نزل بدون مايستنى رد من حسـآم , وقف عند باب شقته , دق الجرس ..
خطوات طفل ووراه أمه : لاتفتح يارايييد
فتح الباب قبل لاتمسكه ,اول ماشاف مآلك كشـر
يسـرى مسكتـه وقالت بقهر : لاتفتح الباب بدون ماتعرف ميـن _ رفعت عدسة عينها على مالك _ ها ..جا فراس ؟
: لا .. اتصل عليا قال حيتأخر
يسرى ارتخت ملامحها قالت : طيب ليش ماكلمني !
أرتبك : قال إنو في منطقه مافيها شبكه
يسرى طالعت في الساعه اللي بيدها
مسكت رايـدوبعدته عن الباب قالت : طيب إحنا خارجين
مالك : لا لا خدي راحتك انا باخد اغراضي وماشي
يسرى حست بغصــه عارفه انو فراس متغير من بعد زوآجـه
لكن مو لدي الدرجه ! يسيبها عند صاحبـه ! ويقفل جوالـه .! وزوجته نفس الشي .!
شي ثقيــــل عليـه دا اللي وصلها
وكل اللي عارفتـه رجوعها لأمها وابـوها حيكون اثقـل بوقت زيي ككدا ..
يسرى ماعلقت عليـه سحبت رايـد ودخلت جوى تآخد شنطتها وتدخل وسطها جوالـها ومحفظتها
مـآلك دخل , عدل نظارته باارتباك
كيف يقنعها !!!
: اسمعيني ...
يسـرى من غير ماتطالع فيه : مشكور ماقصـرت _ رفعت الشنطه على كتفـها مسكت يد رايد _ لو كلمك فراس قلو دبرت نفسي
مشيت ومـآلك مشي وراها : لاتفهميه غلط حيرجع بس غصبا عنـه
يسـرى مازالت تمشي بااتجاه الباب وتبى تشــرد
شي يخنــق لما يجي في بالها اخوها اشغلتـه الدنيـآ وحياته مع زوجتـه عن مشكلتها ومصيبتها ..!
مشي مالك بخطوات سريعه قفل باب الشقـه وهيا انفجعت قال بتوتر : اسمعي..فراس سايرتله مشكله ومايبى أحد يعرف, مابى ادخل بتفاصيلها لكن لما يفضى حيتصل عليكي بس اجلسي واستنيـه
يسرى سكتت للحظـآت واتبخرت كل ملامح العصبيه للقلق : هوآ كويس ؟!!!
مآلك : ايوا بس حيتأخر
: مشكله مع مين
مآلك : ماعرف عن شي لما يجي حيقولك بنفسـه , حآخد اغراضي وامشي , خدي راحتك في البيت
مشي مآلك للداخل وسمع رايد يقولها: انا ابا اخرج
دخل لغرفة نومـه اخد جواله لقى اتصـآل من رهف ..!
اسمها لوحده وتتتتتتتتره
فصل الجوال من السلك , اخذ محفظته , سويتش السياره وخرج وهوا معقـد حوآجبه
ليش اتصلت !!!
ليش اتصلت !!
ليش اتصـلت ..!!
يتكرر السؤال بطريقه خلتـه مو على بعضـه
سلوى , رهف , امـه , ابوه بنسبه له كلهم بنصف الصف حاليا
نقطـة ضعف ... سيره تخليـه يتوتر, ينخنـق , شي وسط راسـه يفضل يتكلم يتكلم يتكلم
بطريقه مزعععجه
بطريقـه تخليه مايعرف يتواصل مع اللي حولـه
وقـف عند باب شقه قصي ونسي للحظـآت يدق الجرس
يطـآلع في الباب وباله جدآ بعيـد لحد مافتح حسـآم الباب ورفع مآلك راسه بردة فعل اتجاهه
مرر يده على نظارته باارتباك : جهزت كل شي ؟!
مد يدو حسام ومعـآه " usb " : فيه مقطع فيديو لتهديدهم لفراس , وفيه مقطع صوت شادي
اخد اليو اس بي كآن حيمشي الا حسام وقفـه : ردلي خبـر
: ماحتأخر ..
خرج مـآلك ومآزال تفكيره محصور بالمكآلمـه
فتح الواتس مالقى شي منها
وكآن اضعف من إنو يرجع يتصل عليـها !
يتمناها تبـعد وبـس يحاول يصلح غلطـه وهيا بعيـد لكن مايبى يشوف بعينها سوء فعلته معاها
وصـل بيت عدنان وهوا بنص تفكيـره
ايش حيقوله مو عـآرف
كيف حيبدأ برضو مو عـآرف ..
نزل من سيارته , دق جرس البيت مرتيـن وثلاثـه لحد ماردت بصوت مستغرب وقالت " مين "
طالع في الكميرا اللي بجانب البـآب الكبيـر وقال : مآلك
لحظـه صمت طووويله
دقيقـه مرت
دقيقتيـن وبعدها انفتح الباب
دخل ومالقى احد , انتظر وجـآه عدنان ببجـآمتـه وحوآجبه مقرونه في بعض : خير !
: صحيتك من نومك ؟
قال بحده وهوا يعيد كلامـه : خيير يامآآآلك
مآلك اشر : خلينا نجلس عشان نتكلم وافضل لو تجيب الاب توب عشا ن نختصر الوقت
عدنان بقلة صبـر : خلينا نختصره من هنـآ وقولي ايش عندك
مآلك طالع حوليـه : أخاف احد يسمعني _ بصوت خافت _ تعرف في النهايه خالي ومايرضيني افضحك قدآم اهل بيتك
عدنان نظظظرة حقـد اتجاه مآلك ,اتجاه اسلوبــه البارد المستفز
اتجاه ملامح وجهه اللي محد يقدر يستنتج منها هل هوآ معصب متوتر زعلان حاااقد ..
كدا محااافظ على بروده بشكل عـآم ..
عدنان : أووهوو انتا لسى تبى تتناقش بنفس الموضوع
مآلك : دي المره ابا مصلحتك ماحيكون نقاش بدون فايـده
عدنان رفع حاجبـه بعد صمت ل 4 ثواني قال : ادخــل
مشي وراه مآلك , طلعو للدور الثاني , دخلـو لمكتبـه .. انقفل الباب وجلس كل وآحد مكآنه
عدنان شغل الاب توب بعد طلب مآلك مآلك حط اليو اس بي على المكتب
وعدنان شغلـه ..
رقم 1 ..شغله ..مقطـعع فيديو ..عقد حوآجبه عدنان .. قرب من الشاشه
لاشعوووريا ملامح وجهه بان عليـها الفجعه
دا المكـآن هوا بنفسـه اختار موقـعه
رخى اياديه تحت المكتب وكمل مشاهده ويضغط على اياديـه بتوتر
لكن حاول بقدر الإمكان يحافظ على ارتبـآكه
فراس على ركبـه وشادي رآفع سلاحه قدامه
عدنان وقف المقطع وماكملـه : انآ إيش لي علاقـه بدا كلـو
مآلك: دا المقطـع ماحيهمك لكن وصلتلك فكرة إنو شادي ابدآ مو حذر والعيون حوليـه , شغل المقطع الثاني التسجيل له يوميـن
عدنان شغل المقطـع وواضح باأياديه الإهتزاز
شـآدي " كيف الوضع عندك "
سلمـآن " فوضه بشكل ماتتخيلـه , لكن بحاول اسيطر على كل شي بيسير "
شادي " انا عارف انو شغلك اصعب مننا لكن نصيبك وتعبك حتلقاه في نهاية اللي بنسويـه "
سلمـآن " مايحتـآج تقولي أنا ماخاطر إلا لشي يسوى "
شادي ضحك " والله هوا يسوى ويسوى كثييييييير بنسبه ليـآ "
سلمـآن " قُلتلك هيا من اول يوم شوفتك فيه , لاتكون مخلص لعدنان "
شادي " وأهو ندمنا وبنصلح الغلـط "
سلمـآن " مع إنو انسحابك بدون ماتورطه ماله
قاطعه شـآدي " عدنان وسخ لكن له فضل عليـآ , انا حسحب نفسي وبــس, لو في يوم احد ورطه , ماحليقى شخص يرمي عليه بلاويـه "
سلمـآن " لساتك ماتعرف عدنان عشان يعيش ويكون حر يدفن الف شخص تحتــه "
شادي " اهم شي ماكون أنا اللي اندفن ماهمني اي شي ثاني "

أصواتهم واضـــحه استوعب إنه بين شـآدي وسلمآن في نص المقطـع
رفع عدسـة عينه فقــــط بااتجاه مآلك بدون مايحرك اي جزء ثاني بجسمـه
نظره ماقــد شافها : ايش الكلام الفاضي دا !
مآلك : لا تشيل هم مامعايا شي يسجل اللي بيننا , خذ راحتـك
مآلك شاف عدنان يخترقـه بنظراته
مــآعلـق ..
يفكر دا اللي كآن واضح عليـه
مآلك : شادي يخونك
مـآزال ساكت ..
مآلك : شي وآحد يهمني واباه من شادي اديني هوآ وانا مستعـد ابعد عنـك
عدنان : جيت لشخص الغلط
مآلك : شادي بعد ثلاث اسابيع مقرر يترك البلـد عندي اشياء ضدك , وعندي 3 اسابيـع اجهزتي متغلله بينهم يعني ادله ثانيه مازالت في الطريـق
عدنان : ومين شادي بزبـط ؟
مآلك : إنتا ادرى فيـه
عدنان قرب للمكتب: الوقت اتأخر تقدر ترجع بيتك
مآلك : صاحبي بين يــدهم سلمني هوآ , صدقني فيه ناس كثير حوليـك يحتاجو دي الادله اللي بيدي لاتخليني اغلط واديهم هيا
عدنان : اغلــط , يمكن صاحبك يرجعلك
مآلك : جيتك لأنك الوحيـد اللي تقدر ترجعـو لو بايعو كآن رحتلهم
عدنان ضيق على عينـه: اهاا ..واضح انك جدآ ياائـس
مآلك : أقتل كل شخص في المقطع والتسجيل وقتها الأدله ماحيكون لها قيمه حتقدر تبرئ نفسك لكن لو سلمتها للشرطه حيتمسك شخص شخص في المقطع وزيي ماتشوف الكل يبا يدفنك
عدنان دقـآت قلبــه شويـة وتوقف
مو قادر ينفعــل او يتكلم لأنه مو ضامن الشخص اللي قدآمـه
اللي قاعد يسيـر حاليا مكيـده ؟!
شادي وسلمآن مستحيل يخونوه ..!
مآلك مازال يتكلم لأنه مستوعب تفكير خآله : اسمـه فراس """ متوظف عندك في المستشفى
عدنان : خليني افهم دحين ... لو انا انسان سيئ زي ماتقول وعشان احافظ على سمعتي اقتلهم كلهم , ايش الشي اللي حيخليني ماقتل صاحبك !
مــآلك سكــت
لأنـه مالقى شي يقولو ..!
فعلا لو حيقلب المكآن مذبحـه ليـش حيحافظ على روح بينهم .!
عدنان سند جسمـه على الكرسي الجلد الكبيـر ومآزال ينتظر جوآب مآلك
: لأنــك ..خآلي
ابتسم عدنـآن .. : أجل ... كل ..شي ..بثمنـه .. ياولد أختي
مآلك : ايش قصدك ؟!
عدنان : تصبـح على خيـر _ اشرله على الباب _ تقدر تمشي
مآلك : قلتلك ماعندي وقـت
عدنان : تقـدر ترجع بيتـك
قالها بنبـرة غريبـه , بنبـرة وكأنه الموضوع عندي
بس ايش قصـده " كل شي بثمنــه " !
ماقدر يقوم من على الكنبـه بسهولـه !
للحظـآت حس بنـدم وخوف من المجهول
للحظـآت حس انو هوا ماشي مع عدنان بنفس السكـه ودا الشي أبدآ مو مريـح
قام , مشي بااتجاه الباب , خرج من بيتـه , دخل لسيارته
وجلس للحظـآت لوحده ..ايش حيقول لحسـآم .!

في مكــآن جدآ بعيــد .. وفـ حظيرة الحيوانـآت .. اماكن مسوره فقط بالخشب
مربعـآت متفرقـه
دجاج , خرفـآن وفي احد المربعات الفاضيـه , المغطى فقـط بعلف الحيوانات والحشائش
جالس على الارض اياديـه مربوبطه للخف بالخشب ,رجوله ممدوه
راسـه مايـل لليمين , مغمض العين , شعره نازل على جبينـه , دم ناشف مغطي نص وجهه
رفع رراسـه , فتح عينه اشياء بسيطه توضح , اتألم بصوته لما حاول يتحرك
خطوات قادمه لناحيته
شد على حوآجبــه
9 ساعات مرت ومحد راحمــه
خفض جمسه بااتجاه فراس وقال بدون مقدمـآت : صاحبك ليش متواصل معاه ؟
فراس , راسـه ثقيل , عين مفتوحه وعين مورمه ومقفـله
حرك راسـه بنفي وقبض يده سلمـآن ولكمه في وجهه
مـآآل وجهه لليساار بطريقـه دفعت جسمـه معاه لكن اللي ثتبه اياديه المربوطه
خرجت انفـآسه بطريقـه تعبر عن الم اللكمه ألم جسـده , الم اياديـه من شدة الحبال حولينها
ولكمـه للمره الثانيه ودفعت جسمه لأقصى اليميـن
بتهدديد : محد حيرحمك منـي غير كلامك
قاطعه فراس بصوت متقطـع : مـ آ عـ رف شي
سلمـآن خرج السكينه اللي في جيبــه , مد يدو لأيادي فراس , فتح يد وحده من بين الحبال سحبـها للأرض
وبدون اي سـآبق انذار رفـع يده وغرس السكيـن في باطن كفـه والارض
وصرررخ فراااس بجننون
سلمـآن ربط يده السليـمه في العواميـد ويده الثانيه مغروسـه
مسك وجه فراس وقال بتهديد : عندك سـآعه لو ماجاووبتني على كل سؤال اقولك هوآ يدك حقطعها عن باقي جسمك
قام وفرااس يصررخ والدم يخرج بين حواف السكيــن
دموعه نزلللت من الالم
يبا احد يسحب االسكيــن
كلمــة آآآه تخررج بصوت مهزوووز متألم مبحوح
صرخ صرررخ لحد مابدأ ياأن واتخدرت يده واتخدر راسـه من ألألم كل شي سوود بعينـه
ارتخى جفنـه وعضلات جسمـه في نفس اللحظـه ..

دخل سلمـآن وكأنه مابيسوي شي .. شادي بس الموجود
جلس على الكنبه وسحب الاكل قدآمـه : ابشرك حتى لو قررت تحتفظ فيـه حي ماحيلزمك كجراح
ضحـك بنشــوه واستمتـآع
شـآدي مازال معصب : 9 سـآعات وماقدرت تطلع معاه بشي !
سلمآن : حيتكلم صدقني حيتكلم
شادي : زوجته اختفت وانا حاتط إثنين يراقبـو العماره كيف مشيت من بينهم كيف محد شافها !!!
سلمآن ياكل وماعلــق
شادي مو بعقلـه مازال يتكلم بجنون : وهمام لو تتوقع جبت سيـرته لعدنان حيعرفـه حخرج بفايده ! _ حرك راسه بنفي _ قصي من البدايه مو مريحني كآن يعرف تفاصيـل
قاطعه سلمآن : عارف ايش مشكلتك ... تمشي ورى حدسك كثيــر... جاك إحساس انو فراس في يوم حيفيدنا _ اشر بفخر _ أهوو شوف نظرتك .. صاحبـه من اول مره وقف فيها قدآمك كآن المفروض تقتله لكن مشيت ورى حدسـك وخليته يشتغل عندك ..كم مره اقولك اكره العلاقات المتفرعه فجأه دخل مآلك مييين مآلك ..صاحبهم .. إيش دخللل اهلــه !!!! خالـه عدنان _ ضرب على راسـه _ انتا خرررفت انتا لفيت حبل المشنقه حوليننا كلنـآ وذا كلو لييش ...! ... اديني جواب مقنــع لكل شي بيسير فينا ذحين ..!
شادي بتوتر :فراس ماحيرجع ومستحيل احد يعرف مكـآنـه دا الشي الوحيد اللي اضمنـه لكم
سلمـآن : مستحيل .؟! اتمنى ياشادي _ قال بدون نفـس _ ماخلصـو من غرف العمليـآت
شادي يطالع بعشوائيـه رد بصوت خافت: لسى
سلمـآن قرب الاكل لفمـه وعيننه على شـآدي ,من غير مايعــلق لامــه على الوقت اللي قاعدين يسو فيـها العمليـآت
بعد ماكان كل شي مـآشي على خطه حاليا كل شي اتخبــص ومستعدين يستريحه 3 او 4 ساعات ويدخلو مره ثانيه لغرفه ا

في شقتـه ..
مـآزال جالس قبال لاب توبـه , مازال يستمع لكلآمهم
ماهمه إسمـه لما انذكر , او همام ماهمــه غير جملـة وحده
" لو قررت تحتفظ فيـه حي ماحيلزمك كجراح "
جملـه تخليـه يفكر باأبشع طرق العنـف اللي يعيشها حاليا فراس
جوالـه دق , عدسة عينه اتحركت بااتجاه الجوال
" منـآل "
رجعت انتقلت عدسـة عينه على الاب توب ..حاليا محد يقـدر يهديـه غير للأســف ردة فعل " عدنــآن "

,’.

في مكتب عدنـآن كآن مجرد قنـآع وسقــط بخروج مـآلك
مجنــون دا اللي يطلق على حركـآته حاليا
يمرر يده على ذقنه
على شعره
يفتح ازارير بلوزتـه
يقوم من كرسيـه
يمشي بخوف
اتصل على شـآدي مارد !
كيف يقــدر يتأكد !
يكلم حـآتم ..؟
اذا سلمان قلب عليـه , حاتم ايش حيسوي ؟!
مو وآثق في أحــد حاليا ..
وقف في نص مكتبـه , شخص وآحد , شخص واحد يقدر يثــق فيــه ومستحيـل يخونـه ..شخص جبروت ومايرحم أحد
اتوجه لجوآلـه اتصل بدون اي تــردد ...

,.

موقف سيارته قدآم الإشـآره الحمرا .. دق جوالـه ولاشعوريـآ غير جلسـته لما شاف اسمها
اخد الجوال
يده انتفضـــت
دقات قلبـه اتسـآرعت
ضغط بتردد ورد عليـها
صوتها اشتغل في مكبرات السياره : أخيرا .؟
كل الي وصلـها صمتـه وكل اللي اتخيلـته جموده المعتـآد
ااحتاجت ثواني بس ثواني عشان تحافظ على رجفة صوتها وتقول بكل تمـآسك : ماتبى تعرف فيني ؟
وقبل لايعلق قالت : ماحبك تفكر كثير ,او يمكن ماعندي وقت كثير لتعليقاتك الباارده لكن حبيت اتصل عليك واقولك انا في بيت اهلــك ._ سئلت وكأنه هوا بيفكر _ .ليش ؟ _ جاوبت على طول _ إممم انا اقولك ليـش , ماهمني كيف وصلني لكن بيدي تسجيلاتك وانتا تقول امك تخون ابوك واخوك من اب ثاني _ بصوت خافت _ تتوقع ابوك يدري ؟ .._ وردت بااسلوبها المرعب على طول _ حعرف دحين الجواب ولو كآن يعرف ابا اشوف ايش وضع عيلتك المريضـه يهمني يهمني صراااااحه اعرف ليش اتربيت بدي الطريقه المقززه , يهمني اعرف العيله اللي اسمها ترن بدا البلـــد على ايش كبـرت ... زوجـي ايش بك ساكت ؟! تتوقعني انا أختك ضعيفـه ومآعنــدي شخصيـه والله والله زيي ماتجرأت وعاقبتني وانتا مآل اهللك صلاح بحيــآتي لاأعاقب كل واحد بعيلتك واخد بحقي
كــآن سااااكــت , تتتكلم , تتكلم وماتلقى رد وترجع تتكلم وتهدد وهوا ساكككت .!
السيــآرات تدق بواري وراااه
كأنو انعمى للحظـآت
الدنيا وقفـت فيـه
ايش بتقــول ..!
ماستوعب ولا كلمـه من بعد جملـة " تتوقع ابوك يدري "
نبضـآت قلبه وقفت لثواني , انفـآسه , افكــآره
ورجع طـآلع بااتجاه اليميـن لما واحد نزل من سيارته ودق على قزاز سيارتـه بعصبيـه
رمش وهوا مـآزال يطآلع فيـه
حرك راسـه للأمام لما رهـف قالت : ماعندك رد !
حرك السياره قبل لايــرد بسبب االازعـآج اللي بيبسير برى قال بصعوبـه وبتشتت : خلينا نتقـآبل
ضحكت باانتصــآر , ضحكت ودموعها بعينها : بللهي ؟! ماتوقع سبتلي خيـآر لما وقفت قدام ماما واهلي وقلتلهم إني بنت كلب وعار عليـهم ! ليش حديك فرصه واتكلم _ رفعت اكتافها _ حتى لو مظلوم انا مابى اسمعك انا مااااهمني ماهمني اي شي عشتـه انا حردلك الصاع صاعيــن , انا حاخد بحقي وأوريك إنك لعبت مع البنت الغلـط
: أغلطي عليـآ انا بس سيبي اهلي
عقدت حوآجبها تحاول تحافظ على دموعها واسلوبها كله استهزاء : اممم ياحيــآتي ..اتوقع انو ابوك مايعرف دام كدآ ..
مـآلك يحاول يتمآسك : انا ..جاي دحيـن
رهف ابتسمت : بابتك جالس في الغرفـه استئذنت منـه قلتله مكآلمه بسيطه واجيـك ماتوقع حتوصل قبل الحقيقـه ..
مـآلك بتحذير : رهف ..رهف اهــججدي ..قُلتلك حاسبيني انا لاتحاااسبي احد ثاني اخويا مالو ذنب ابــ
قاطعتـه : ماما ايش دخلها طيب ؟ ولا اللي عاشته ماما كان بسيط عليها ؟! ماهمك صح ! ليش انا حهتم بمشاعر اهلك دام انتا اتعديت على اهلي على العموم ماعندي وقت للعتاب معـآك الدنيا سلف وديـن ودحين دا وقتــي ..لو ربي ماكان يبا يجازيـك ماكان لقيت دي الأشرطه في شنطي ..مع سلامـه
نزلت الجوال ورخـت قبل لاتسمع رده
تبا تستلذ كآنت بصوته المرتبـك لكن خآفت يوصل
حاولت تحـآفظ على كل دقيقـه بيدها حاليآ ...
كآنت حتدخل الغرفـه إلا شافت انعكاسها في المرايات المموجه على الجدآر
مرهقــه برغم المكيـآج , برغم شعرها المرتب بعنـآيه
برغم لبسـها والاكسسوار اللي بيـدها
ماكآنت تبا تدخل مكسوره لكن الإنكسـآر واضح بعينها ..
دخلت الغرفـه ..
مروى حطت جوالها على الطـآوله
ابو مـآلك على نفس الوضعيه , جلست : معليـش بس كلمت مآمآ
: خذي راحتـك لكن اقلقتيني
رهف : انا جيت هنـآ عشان اسمعك شي يخصكم , مآلك اعطاني كل دا بين يدي وطلب إني انشره _ اشرت على مروى_ فاكره لما جابني وسط خالك وبدأ يتكلم فيه كلام غريب وقال محد يقدر يضمني اتوقع اني حفضح الكلام بمجرد خروجي _ مررت لسانها على شفايفها باارتباك _ ماعرف هوا مريـض ولا كيف يفكر ! لكن انا قلت اسمعك اللي ااداني هوآ لأنو ماأضمن مين غيري يعرف دا الشي , وانتو مهما كآن ماأذيتوني ولا اتمنى احد يأذيكم
تتكلم وشايفــه التوتر بعينهم
وكأنهم يبوها تنتهي من الكلام اللي نهايته كله كذب
جوالها يدق ولا مهتمــه ... حطتـه على وضع الطيـرآن
ابو مـآلك : سمعيني
رهف تلعب باأعصابهم : معليش برضو لأنو مابى زوجتك تكون فيه بس الكلام صعب عليها
مروى : رهف وترتيني ممكن تدخلي في الموضوع
رهف : طيب _ بملامح تدل على انها متعاطفه معاهم _ دا المقطع مسجله مالك وهوا عمره 17 سنـه اتمنى فعليا انو مريض وبيألف كلام من راســه
مروى وجهها لاشعوريا مال للإصفرار
رهف شغلت صوتــه ومن اول جمله مروى حست بهببببوط بكل جسمها
امـآ سلطــآن صلب مكـآنه .. وصوت مالك طاااااغي على المكـآن
اشترت جهاز جديد عشان يسمعه كلمه كلمــــه ..
" يآمن ولد محمود , بدي البساطه أمي تخون ابويا مع صاحبـه وتجيب منـه طفل وتقول لأبويا ولدك !!!!
بدي البساطه تخلي ولدها يشيل اسم مو اسمــه_ انفاسه متسارعه صوت مهزوز _ انا انخنقت , انخنقت لأني مو عارف اتصـرف , الكل بيكذب , الكل عايش عشان نفسه طيب إحنا ليش معاهم ! قلت لأندي ابا اخرج من البيت بس بكيت وطلبت مني اجلس ماقدر اقولها لا , جلست عشان ارضيـها , بس ماعرف كيف اتعامل مع يامن , الوحيـد اللي فينا يحاول دايما يرضي ابويـآ , انا انسحب مروى تنسحب بس هوآ لاا , هوا يحاول يضحك مع الكل , انا مغبوون مغببون , كاره امممي , حتى ماسرت ابا المحهـآ , مابى اسمع صوتها _ بصوت على وشك البكى وبعد صمت وتفكير _ اسكت ولا اروح اكلمـو ؟ , اواجه امي ولا ابويا ولا محممود ولا يااامن ,ولا انسحب واخلي الكل يستغفل الثاني ! , ابويـآ يخون امي برا البيت بس امي تخونـه قدام عيننا , انا متأكد قبل يومين مروى شافت محمود خـآرج شوفت وجهها مفجوع بس مارضيت تتكلم "
وقفـت رهف المقطـع مع إنو لسى مانتهـى ...
عينها تنتقـل عليهم الإثنين
مروى عدسة عينها انتقلت بشويش اتجاه ابوها , خايفه , خايفـه وقلبها حيوقف ..!
ابو مـآلك ارتخت ملامحـه ورجع رفع حواجبـه الاثنين , قبض يده على ذراع الكرسـه , باعد بين شفايففـه وسكت لثواني عده وقـآل بااسلوب هادي لكن عروق يده واضح قد ايش بيحاول يتمآلك انفعـآله
: مـآلك عشتي معـآه فتره كفـآيه عشان تستوعبي انو مو كل شي يقولو حقيقـه
رهف بصوت بريئ : اعرف .. لكن الناس كيف حيفهمو دا الشي ؟
ابو مآلك : مٌقدر حرصك _ وقف ومشي بااتجاهها _ تقدري تسيبي الجهاز هنـآ وترجعي بيتك
مروى رجولهها مو شايلتها , عينها تلحق ابوهـآ ومرعوبـه من اي ردة فعل ..
رهف ميلت راسها عششان تشوف مروى وقالت : حمشي لكن بس بقول لمروى تنتبه على نفسها لأنه فهمت من المقاطع مآلك مقتنع إنك عارفه كل شي وسـآكتـه _ ببرائه مصطنعه وهيا تولع فتيلة اخرى _ أنتبهي من دي الناحيـه
وقفت وبيدها الجهاز مشيت من جمب ابو مـآلك : ححط الجهاز _ واشرت على الطاوله
حطت الجهاز وشغلتـه ورجع صوت مــآلك بالغرفـه قفلتـه وقالت : اوه معلليش بالغلــطط
دارت جسمـها باانتصـآر مشيت بااتجـآه الباب وابتســـمت
مو ندمـآنه
رهف راضيــه تكون روح محرمــه وتنتقـم , راضيـه تشتت عيله كآمله عشآن ترد جزء من اللي سار فيها
اساسـآ مو شايفـه إسم العيلـه بدا المكـآن مجرد برستيـج وقوانيـن تنسـرد
صوت كعبـها جدآ عالي على السيراميـك اللامـع
اتوجهت للباب المؤدي للخارج فتحـته , سواقها ركب سيارته اول ماشافها لكن هيا ماركبت وصلت لحد سيارتها
وضمت يدها تحت صدرها واستنتــه ..
ماهمها ايش يسيـر بداخل البيت همهـآ الشخص اللي حيوصــل
عشره دقايق واقفه , اتلاشت ابتسامتها اول مالمحت سيارتـه
معدتها وجعتها
دقات قلبها اتغيرت
كل شي كآن مخيـــف
كل شي يخصـه ذكرها باأسوء لحظتـها
شدت على اياديـها , حاولت تخفي ملامح خوفـها
خرج حتى ماقفل باب سيارتــه
شافها , مشي بااتجاهها قال : مادخلتتتي صح
ينتظر جوابها وهيا تطـآلع بعينـه المرعوبـه ,المشتته , المرتبــكه
اخيـــــــــــرآآآآآآآ
أخيــــرااا قدرت تشوفـه مهزوز
اتبخر اخر احساس بالندم , والخوف فيـها
ابتسمت وماعلقت , ابتسامة شماتــه , ابتسامة انتصـآر
رفعت حآجبـها وحركت كتفـها وكأنها تقولو " ايش تتوقع "
جوابها واضح باابتسامتــها
دارت بســـرعه وهيا تتبــع سررعة خطواتــه للداخل
واختفــى من نظرهـآ
وماختفت ابتسامتـها نهائيا
كآن نفسها تستلــذ بكل لحظـه لكن هنـآ أنتهى دورهآ

فتــح الباب وانفــآسه سريـعه دخل وعينه تتحرك لليميــن واليسار يدور في اي اتجـآه
رفع راسـه لفوق لما سمع شي طــآح وطلـع الدرج بخطوات سريـعه
سمع أصواتـهم , مشي بااتجـآه الصوت
الممر الطويــل , الباب المفتـوح
في الغرفـه ..
سلطـآن ماسك نهلــه من شعرها ويتكلم بصوت يرجـف : أتتتتتكلمي... اتكككلمي .. لللليش ..تتتبكي
نهله بــس تبـكي
سؤاله عقـد لسانها وفجـع قلبـها
مروى مسكت ابوها : الله يخليك سيبها
دف مروى ورجعت للخلف
شد يده على شعر نهله وحركها بين يده وكأنها لعبـه وهيا تصــرخ : يعني الكلام صححح _ طاحت في الارض ووقفها بس من شعرها ضاع الكلام منــه وانهال عليـها بس بالضرب بعشوائيـه _
ومـآلك وقف عنـد الباب ونهله اترمت على الكنبـه وجاها سلطـآن بهجوميـه
وقفت نهله وقبل لايلمسها سلطـآن مـآلك وقف قبـآله وهيا لأول مره تحتمي بولدها
كآن حــآجز اختـفى سلطان من عينها مسكت في بلوزة ولدها من الخلف : خخخخرجني خرججني الله يخليك
سلطـآن عينه ماتشوف غيرها انفاس سريعه ووجه مايل لإحمرار : والله ماحتروحي مكـآن
مـآلك بترجي : اسمعني
حاول يمسك يده لكن ابوه دفـه وقاطعه : قووول اللي سمعتـه غلــط قوول ياممـآلك
مـآلك : خلي امي تخرج واانا حتكلم معـآك
سلطـآن حرك راسـه بنفي : لا لا حعرف كل شي حفهم كل شي دحيــــن , دححححين يااانهله
نهله صوت انهيارها , رجولها تتنافض الكنبه وراهاوولدها قدامها
مروى جات لحد مـآلك مسكت ابوها تبوس يده : حبيبي اجلس اجلس ونتكلم
دفهاا بعنــف واشر عليـهم ويتكلم وكأنه مو مستوعب ملامحـهم : يعني كل اللي سمعتـه سااار !!!! يعني _ ِشد حواجبه وماعرف يبدأ باإيش بيامن ولا بخيانتها مع صاحبه !! _
بصوت متقطـع : كـ لكم ...تعرفـه !!
صدره يرتفع وينخفص بطريقـه سريـعه
نهلـه رمت الصاعقـه بصوت مدمور وهيا عارفه انو اللي واقف بينهم حيحميها حاليا : انتا السبب انتا السبب والله محد ضيعني غيرك
مـآلك لانت ملامحـه
مروى بعدت خطوتيـن ونزلت دموعها
محد يباهم يتوآجهه !!! الإنكـآر احسن !!
سلطـآن كل ملامح العصبيه اختقت وقال بجنون : جبتي ولد من صاحبي وحطيتيه باإسمي وتقووووولي انا السبب ..!
اشر لمالك : بعد بعد انا حتناقش بس معاها
مـآلك لف ذراعه للخلف وهوا يمسك امـه كآنت نظرة ابـوه تفجع
مـآلك : مو قصدها , كل شي سمعتـه انا مألفه انا كنت اتخيـل
سلطـآن ماهتـم بكلامـه اتهجم بااتجـآه مـآلك ومـآلك مسكه بكل قوتــه
امـه بسبب اندفاع جسم مـآلك للخلف طاحت على الكنبه وماقدرت توقف
سلطـآن يدف مـآلك يحاول يخرج من بين قبضته ومـآلك يترجآه وبحلف بكل كذب : والله كنت اكذب كنت اكككذب
سلطان يصـرخ : بععععععععععععد
بنفــس واحد لمدمه 4 ثواني ويرجع يعيــد صرختـه , جسم ولده اقوى منـــه
انفـآسه تتسارع دقات قلبـه تتسارع ومارحم صحتـه
يدف مـآلك يحاول يوصلـها
يحاول يبا يمسكها ومالك يمسكــه ويترجــآه
اندفعع للمره السادسـه ومالك حوطــه باأياديــه ,وكل قوة ابوه في لمح البصر اتلاشت
لحظـه وفي اقل من ثاانيـه ثقل ابووه كلـه بين يده نزل على ركبــه وهوا يحاول يكلمـه نطق بصعوبـه وبصوت اقرب للهمس : ابوويا !
نهلـه وقفت وشهقت بصدمـه
مروى صرخت ماقدرت تتحرك من مكـآنها
حطـه مـآلك على الارض , عدسه عينه تتحرك على ملامح ابوه
سنيــن الطب كلها اتبخرت منــه
اياديه تتافض , مروى : آآآآهه يااااربي اااه ياااربي _ مشيت بجنون في الغرفه وسحبت الجوال اتصلت على الاسعـآف _
اما مـآلك رفع يده لرقبـة ابوه يجس نبضآتـه ,ودقات قلبـه مازالت تنبـض
مجرد تنفســه وقـف ..
ورفعت مروى يـدها لفمها وهيا تتكلم في الجوال وعينها على مـآلك اللي بدأ يسوي انعـآش رئوي
كآن منظر لايحتممل شــردت من الغرفـه قفلت من الجوال وجلست في الارض خايفه من اي شي بيسيـر وسـط الغرفـه
صوت امها لوحدها وهيا تقوول : مآآآلك اااايش بو يااااممالك ..مآآت ؟؟!!! جاوبني ماااات
مره ومرتيـــن وثلاثـه ومافي اي نفــس يخرج منــه
قرب منـه للمره الرابعه
جسمــه يتنااافض
حاول ينعشــه بعد عنـه يترقب ملامحه وخرجت اول انفـآسه
ميـل ابوه للججانب الأيمن , حطو في وضع الإفـآقه
واتلاشت كل قوتــه بدي اللحظه
رخى راسـه على راس ابووه المغمض العين وبككككي
ابوه فتح عينـه ورجع يقفلها وهوا مو حاسس بشي .. امـه جلست ووجهها مايل للإصفرار ورفعت يدها اللي تتنافض على قلبـها
اما مروى وصلها صوت بكى مــآلك ولأول مرا بحياتها !!!
اختفى صوتها
ابوهـآ مآت دا اللي استوعبتـه !
احتاجت دقيقه عشان تمد يدها للجدار اللي جمبـها وتوقف بصعوبـه
دخلت بخطوات ثقيله إلا سمعت مـآلك يقول بصوت مهزوز : سـ .. آمـ عني
ماقدر يتكلم لكن مـآزال يفتح عينه ويقفلـها , مـآلك طالع حوليه بتشتت شاف مروى وقال : اتصلتي على الاسعـآف ؟
حركت راسـها باايجاب ورى بعض
6دقـآيق عشان يوصـل الاسعاف , مـآلك وقف بيلحقهم إلا وقفت بطريقـه مروى ورفعت صباعها بتهديد : لاتخليني اشوف وجهك , حرام عليك اللي بنعيشه حرام عليك
ماقدر يتحــرك ...هيا راحت مع ابوهــآ
ماقدر ..!
يـآمن عرف بسببه.. ابوه عــرف بسببـه !
ماقدر يروح لأنو خــآف يآمن يعرف إنو الكذبه اللي قاعد يداري فيها وعايش فيـها سارت مكشوفــه
الكذبه اللي راضي فيها ومايبى يستوعبـها انتهت ..!
واقف في حديقـه القصـر وسيارة الاسعـآف تختفي عن نظـره وتخرج من اسوار البيت ..
امــه ..!
مازال مايبى يشوفـها
ركب سيـآرته , قفل الباب , دموعه تنزل بصمت
إحساس إنو ابوه كآن بين يــده واحتمال يموت في اي لحظـه حسسه إنو مهمـآ سوى لكن يفضل ابـوه
ابـــوه اللي مهما دفعهم وقال انا ماعرف اعاملكم لكن انتو اولادي كآن انهيـآره دليل على كلامـه !
مروى اتقبلت شخصيتـه بس هوآ ماتقبـل !
شعور غريب اجتـآحه , شعور عمره ماحسـه لكن حاليا بدأ يتسلل لأفكـآره " أنا السبب "

نهـله ..]
نادت على الخدم المفجوعيـن , دخلتهم غرفتها وطلبت يلمو كل عفشـها
المفروض تبـعد حاليا عن الكل
اخوها مستحيل تلجأله
45 دقيقــه مابقت ولا شي يخصها في الغرفـه

مروى ..]
مـآزالت البنت اللي على جرح امها وابـوها وبعدهم عنها لكن قريبـه منهم وتحاول تتقبـل طبايعهم ..

يـآمن ..]
في يخــت على البحر , لابس شورت بدون تيشيـرت
سلسله معلقـه على رقبتـه
اغاااني صاخبـه
بنات وشباب يتمايلـو على الأنغـآم بجنون
نقطة ضعفه دي الأمـآكن , هنا مايحس بالوقت
في نص الأجواء , وبين كاسات الشرب
اتفـق هوآ واحد يرمو نفسـهم في البحر ويشوفو مين يقدر يسبح لحد المرسى ..
ايش المقابل ؟؟
ولاشي
ايش الهدف
ولاشي
شي مجنون خطر في بـآله ولقى واحد يماشيـه
واتوقفت الأغاني
والكل يطـآلع فيهم ويعــد
3
2
1
وجريو ورمـو نفسهم على صراااخ الكل
وجوآلـه في احد غرف اليخت يدق بااستمرار ...

مـآلك ..]
وقف سيارتـه عند العمـآره , فتح محادثة الواتس بينه وبين يـآمن ..
محادثه فاضيـه
سنين محد اتكلم فيهم مع بعـض..
كتب " انا اسـف "
وحذفها قبل لايرسل
كتب " ثاني مره اغلـط عليـك وانتا ماتستاهل "
وحذفـها
غمض عينه بتعب وفتح عينه بسرعه لما دق جوآله
قصي
أداه مشغول ..خرج من السياره وططلـع لشقـة حسآم
مجرد مادق الجرس
فتح الباب وهوا معصب وبسبب وجه مـآلك لانت كل ملامحه وقال بخوف : إيــش ... سار
مـآلك عقـد حوآجبه وقال بتتشت : تمام ماشي الوضـع
حسام مـآزال واقف عند الباب , وجه مـآلك أبدآ مايعكس الكلام اللي قاللو
قفل الباب بشويش مشي بخطوات هاديه وجلس قال بتوتر : ايش رد عليـك ؟
مـآلك : حنستنى منـه خبر
حسـآم : انتا شاايف وجهك مــآلك لو فيه شي اهررج انا وربي واصل لأخخخري
مـآلك : يخخي قلتلك كلمتـه وقال الموضوع عنده
حسام سند جسمـه على الكرسي وعينه على مـآلك , مو مرتـآح , مو مرتـآح
مالك : انا فين حروح دحيـن
حسام : حتنزل لشقتك
مـآلك شد على حوآجبه: ماحدخل واختـه عندي !
حسـآم : شوف انا مو ضامن اي تصرف اتجاهي خليك في شقتك افضل
مـآلك : حروح احجز بفندق
حسـآم : بلله !!! والبنت وولدها !؟
مـآلك عقد حوآجبه : انا فيني اللي مكفيني ماحتحمل اجلس مع وحده وولدها
حسـآم : ماقلتلك عيش معاهم بس على الاقل نضمن إنو محد حيلمسها
مآلك : حقولها لاتخرج
حسام : إنتا ايش بكك !!! _ بصوت مهزوز _ تباني اسمعك فرااس كيف عايش دي الساعات !!! ماحبعد اختـه وولدها عن عيننا لحد مايرجــع مرتاح ولا مو مرتاح ماااهمني _ اشر على باأمر وصباعه تهتـز _ حتنزل يامالك وحنسوي اللي طلبـه مننا لحد مايرجــع ..محـــد محــد حيلمس أحد من اهلــه
اجسـآمهم مرهقـه
لاأكل لا شــرب ضغط نفسي وجسـدي
ماعلـق مـآلك .. صممت طغي على المكـآن .. وقال حسـآم : ايش سار بينك وبين عدنان
مـآلك: الموضوع عنده , حنستنى خبر
حسام بتوتر سحب جسمه لطرف الكنبـه : يخي انا ليش مو قادر اصدقكك !
مـآلك بقلة صبـر : ابويا في المستشفى بسس ! مافي شي ثاني له علاقه بعدنان _ قام وقال بدون مايطالع بحسام وصوته مخنوووق _ انا نازل
غمض عينه حسـآم ورمى نفسـه للخلف
ايش اللي بيسيــر فيهم ..!
فراس فراس فراس كل شي يفكر فيـــه يخصـه لدرجة مو قادر يسمع صوت منـآل عشان لاتنتشله من دا العالم

دق الجرس وبعدها فتـح باب شقتـه ..قفل الباب وقبل لايدخل هيا جات
الاضائات خافتـه , التكيـف بااارد
ضمت يدها تحت صدرها واتكلمت بصوت خافت : ايش سار مع فراس
مـآلك : بكرا حنفهم
رفعت حواجبها الاثنين بصدمـه : بكرا !
مـآلك : لما يجي يحكيكي بنفسـه
ايش تعــلق ...!
اخوها بعقلـه ..!
فين تروح الساعه 4 الفجر ..!؟
مـآلك انسحب عدى من جمبــها ومشي بااتجاه الصاله انتبه لولدها نايم على الكنبـه , ماعرف ايش يقولها !!
اجلسي فين ! ماله خلق يتعامل اساسا مع ااحد , أو يدور ورى راحـة احد
دخل غرفتـه قفل الباب , اتوجه للحمـآم , سحب علب ادويتـه
خَلاَصٌــه
حبتيـن , غير ملابسـه , وانسـدح على سريره المريح لكن وسط راسـه عالم ابدآ مو مريـح
اشخـآص كثير في نزآآآع
اللي سار بين اهله مشـهد مايتمنـآه يشوفو في يوم
غمض عينه بقوه والأصوات مو راضيـه توقف
دار جسمـه للجهة اليمين
اتصل على مروى ؟
ابويا ايش سار معـآه؟
امي ايش حتسوي ؟
يامن أكيد حيوصلـه خبر ؟
ليش رررجعت ليش رجعتلهم من جديد ليش فتحت ابواب تانيه , في النهايه انجرح معـآهم !

لحظـآت بسيطه ونآم بسلام ونسي ابوه وامـه واخوه وعدنان وفراس وحسـآم ورهف ومروى ..
اخيرا مخـه وقف عن التفكير

,

رهــف ..]
في السياره واقفـه عند احد العماير .. اتصلت بعد انقطـآع طووويل
وردت صحبتها بكل لهفـه : رهههف ...!
بس قالت الو
انهالت عليها الشتايم : ياااازفت انتي فينك فينننك
إنتي وإنتي وإنتي
استنتها رهف تنتهي من انفعالها وقالت بصوت خافت : انا تحت
: فـ فـين تحت عند بيتي
: إيوا
: اطلعي اطلعي ياااهبله وترتيني ابا اشوفك
صحبتها تهرج وجسمها يتنافض ..!
فتحت الباب رهـف , دخلت العماره , المصعد , الدور الرابع
واول مانفتح الباب وقبل لاتخرج , صحبتها شافتها واندفعت لداخل المصعد وحضنتها : فجعتتتتتتتتتتيني عليكي حررررام والله حرام اللي سويتييـيه
ورهـــف بكيـت
انهــآرت إنهيـآر مفجــع
انهيـآر خلى صحبتها تبعد عن حضنها وتسحبها برا المصعد : اايش بببك
مو قادره تستقيم حتى بجسمها مسكت في الجدار وتخرج كلمــة آآه منها من اعمـآق قلبها
اللي ســآر فيها مستحيـل ينجبر ..مستحيل يتنسـي

,.

في المستشفــى مروى جلست جمب سرير ابوهـآ
مسكت يده وقـآلت بترجي : ازعل من ماما بس لاتدخلني الله يسعدك يابابا , طالع فيـا
داير وجهه لناحيه التانيه سحب يده من بين يدها وقال : اطلعي من الغرفه
حركت راسها بنفي : والله ماحسيبك ..تبى تعصب عصب عادي بس انا مالي ذنب بللي سار
صممت وهيا رخت راسها ليده وباستـها
وميــن بقـى غيرها ..؟ّ!
قال بصوت مرهق : يامن ...يامن ..مايعرف صح ؟!
بكذب : لا .. لاتقولو ..خليـه يتعامل معاك بطبيعته ..ماله ذنب في شي
نزلت دمعتـه وعمرها ماشافتها , رفعت يدها بااتجاهه ومسحتها : الدكتور قال لازم ترتـآح , لاتضايق نفسـك _ قامت من على السرير _ قولي ايش تباني اسويلك وانا اسويـه
طـآلع فيـها ساعه وساعتين وثلاثـه وهيا تحاول ترضيـه بكل الطــرق يغفى ويصحى وهيا تقوم بردة فعلل سريعه اتجاهه
وكل تفكيــره " انا ايش سويتلها عشان تعـآملني بدا الشكــل "
كـآن عارف انو مايستاهل دي المعآملـه ...
}{

سلمـآن رجـع لفرآس ماستجوبـه كل اللي سواه
سحب السكيــن من يـده
ووصلـت صرخة فراس لكل شخــص بداخل المكـآن
حتى لو فرآس حيجاوب حاليا ماداه فرصـه يتكلم .

,’.

في شقـه مـآلك تمرر يدها على شعر ولدها وتبكي بصمـت
اتصالات متكرره من امها بسم ماتبى تـرد
كتبت لحنـآن " قولي لماما لاتتصل مابى ارد مابى ارجع "
حنان " يسرى البيت حريقه المشكله حتى فراس مو راضي يرد مو من جدكم اللي بتسوه في ماما وبابا "
يسـرى " لو وقفـو معايا ماكان سار شي لكن مصمه تسمع كلام اختها وتصدق انو ولد اخوها فجأه سار ملاك ويبا يربيـه انا خسرت طفل واحد ماحخسر اثنين وانا اديـه فرصه "
حنان " من حقـك بس مو عارفه ايش اسوي معاهم انا في نص كل شي لو دافعت حطلع غلطانه لو سكت حطلع ماحس فيهم يعني لو فراس بس يتكلم ممكن يهدي الوضع "
يسرى : يسير خير لبكرا "

’

,

في الصبــآح ]
السـآعه 7 الصبـآح , سلمـآن نايم على الكنبـه قام واتمطع امس يوم مرهـق للكل
حاتم وفريـد كل وآحد نايم على كنب مختــلف ..
خرج سلمـآن وعيه تدور على شـآدي
شافـه بين السيارات , رافع جوآلـه ويتكلم
وصل لحده , اتكى بجسمـه على السياره
شـآدي : طيب طيب شوف الوضع وردلي ..لاتتأخر استنآآك
رخى جوالـه وسلمـآن : ايش ساير؟
شادي: لو ماتقدر تخليه يهرج انا حخليـه
سلمـآن رفع حآجبـه وصوته كله نوم : تشك فياا
شادي : انا مانومت من امس ماحنام لحد ماأعرف هل احد يراقبنا ولا لأ
سلمآن : ومين كلمت ؟
شادي : امس ارسلت جوآل فراس لوآحد اعرفـه مالقيت شي عن مرتـه او قصي لكن اختـه هنـآ حيحاول يتواصل معاها واجيبها قدآمـه , وقتها حتشوف كيف رجولتـه تطلـع
بعد سلمـآن جسمـه عن السياره : حديك أخر فرصـه وحهدي اللعب معآه
اتوجـه لنـآحية الحظيـرة , ابتسم سلمـآن وكأنه المنظر طبيعي ..!
مرمي على جنبـه اليسـآر , الدم منتشر في كل مكـآن ملابسـه وجهه ملصق فيها الحشائش
وجهه منفوخ , مورم , يده كلها مزرقه ومغطى بالدم
جســده منتشره فيـه الكدمـآت
اياديـه مو مربوطه ماكان يحتـآج انو يتـربط لأنه مافيه اي قوة
وصل لحده سلمـآن رفع رجلـه ودفه من كتفـه
رجع جسم فراس للخلف اترمى على ظهره لكن ماقام ..
اتوجه للسطل الحديد مليان مويـآ , مغطى بحشرات على سطحــه
شـآله وكبـآه دفعه وحده
شههههق
مــآل لجنبـه اليمين
ماقدر بعدها يحرك ولا جزء في جسـمـه
مو شايف ولاشي من السواااد اللي يتحرك على شكل موجـآت
: اباك ماتنـآم , اباك تحس بكل لحظـة ألم تعيشـها
فراس بصوت مهزوز بصوت ترجي : خـ لآ ..ص
بغباء : خلاص ايش ؟! حتتكلم وتقولي شي مفيـد ؟
فراس : مـ آ عرف شـ
ضــربه سلمان في بطنـه قبل لايكمل جملتـه
وبدأت انفاسه تخرج بصوت متقـطع ودموع حاره تنزل على الأرض

في الغرفـه ..]
فريـد صحي من النوم واشر لشادي : قفل الشبــآك
شادي ماكان له نفس يسمع صوت فراس قفل النافذه ..
فريـد مرر يده على وجهه : مو حل التعذيب لحد مايموت ,امس خلاه ينزف ومارضي لأحد يتدخل يعني لو حتى يبا يتكلم اليوم ماحيكون بوعيـه , فكرووو شووويه ياخي ماعندنا وقت لهبل سلمـآن
شادي جلس للحظـآت وبعدها خرج من الغرفـه
كان كلام فريـد يكفيـه انو يوقف كل شي دام فيـه امل يجيب احد من اهله قدآمـه
يباااه بوعيـه
دخل للحظيــره وسلمـآن مازال يضـربه , مسك سلمـآن ورجعه للخـلف : خلاص سيبوو
سملـآن انفـآسه سريعه : لما يجي ..وقتك ..حديك فرصتك خليني
قاطعه شادي بصوت خافت : حيتكلم انا اعرف الشي اللي يكسـره لكن ماحيتكلم وهوا بدا المنظر خليه يرتاااح
سلمان مرر اسنانه العلويه على شفتـه السسفليـه دف شـآدي على ورىى وخرج من المكـآن

امـآ شـآدي رجع دخل الغرفـه اشر : احد يروح يشوف فرااس
فريـد : ماحلمسـه
حاتم مازال مسدوح بس مفتـح عينه :ايش فيـه!
شـآدي بقلة صبـر : يعني ايش حيكون فيــه !!!! _ طالع في فريـد_ فهممه قوولو ايش بيسير معانا
جلس بقلــة صبـر وفريد قال لحـآتم وضـع فراس , جلس : طيب انا حروحلـو

,
مـآزال حسـآم جالس على نفس الكنبـه ويستمـع , المفروض يرتـآح لأنه حـآتم حيروح لفراس لكن الخبر ماريحـه
بالعكس غبنـه زياده لأنـه مازال يتخيــل وضعه ...

الشقــه السفليـه ..]
نامت وهيا جالسـه , صحيت على صوت باب غرفته لما انفتـح
جلست بااعتدال , عدلت بلوزتـها
ومشي بااتجاه المطبـخ وكأنها مو موجوده
اخدت جوالـها ,ووسعت عينها بصدمـه لما كتبلها فراس " فينك "
فتحت المحادثه كتبلته " بستنـآك لسى انتا اللي فينك "
" طيب تعالي بشوفك "
" إنتا تعال !!! "
" ماقدر حرسلك اللوكيشن وتعالي "
خـآفت من اسلوبـه اتصلت اداها مشغول كتبلها " بعدين اكلمك "
" فراس ايش ساير معاك "
" نتقابل ونتكلم لاتتاخري استناكي "
مررت لسانها على شفايفها بتوتر , وقفت: رااايد حبيبي قوم
اخدت شنطتها دخلت جوالها وهيا تكلمـه : يلا يارايد
جلستـه وهوا مازال نايم اخدت جزمتـه اللي في الارض جلست على ركبها وتلبسـه : يلا حبيبي خالك يستنـآنا
خرج مـآلك من المطبـخ وقفت باارتبآك : فراس دوبو كلمني خلاص حروحلو
فزووقف مشي لما فجعتـه
عيونـه محمـره , في يده كآسـه مويا
ناسي وجودهم في بيتــه !!!
حرك راسـه بااحراج ودخل غرفتـه
انسدح على سريرره , علبة ادويته على الكومدينـه صحي من نص نومـه واخد برضو حبتيـن
حاليا راسـه حينفجر
غمض عينه 4 دقـآيق
وفتح عينه على وسعها
دف اللحاف وقام من السرير خرج للصـآله ومالقاها
دخل لغرفته بخطوات سريعه , سحب جوالـه واتصل على حسام
رنــه وماكملت التانيه إلا حسام رد : إييوا
مآلك : اسمع ..فراس خرج ولالأ ؟
حسام الاب توب مازال قدآمه : لأ !
قفل من غير مايرد رمى جواله على سريره وخــرج من بيتـه بدون جزمتـه بدون نظاره
بلبس البيـت خرج من العماره وشافها في نهايه الشارع بتركب سيـآره
: هيييييييييي
صرخ بكل صوتـه مو عارف ايش اسمها ايش اسم ولدهـآ
لكن مالتفتت قفلت الباب واتحركت السياره وهوا دخل لبيته بصربعه
اخد سويتش السياره والجوال ولبس كروكس في رجلـه وخرج
شغل سيارته ومشــي يدور على السيـآره , لمحها جدا بعيـد
ضيق على عينه السيارات مو شايفها مزبوط بدون نظاره
زحمـة طرق , زحمة الوظايف والمدارس والجامعـآت
دقات قلبـه متسااارعه
" فراس دوبو كلمني خلاص حروحلو "
" فراس دوبو كلمني خلاص حروحلو "
اتصـل على عدنان وكل اللي فهمـه منـه إنو ماسوى شي لسى ..!

عنــد يسـرى .. خايفه من فراس بدون سبب.!!
اختفى
رجع
ماتصل
يرسلها لوكيشن !
كل شي غريب لكن دام حطها عند صاحبه وماهتم مو مستبعده اي شي بعد كدآ منـه
كل شي عشان ولدهـآ يهـون
: ماما انا جيعـآن
: طيب بس نوصل حجبلك
: اوف من أمس جيعان
مسكت يده ورخت صوتها بااحراج : معليش وعد بس نوصل حشتريلك ..
طالعت في جوالها باقي 17دقيقـه
اتأففت بملل
واتحولت ل 22 دقيقه معع الزحمـه
عدى الوقت , وقفت السياره اعطت الرجال الفلوس
خرجت من السياره المكـآن وترها قالته : دقيقه خليك بس بتأكد
اتصلت على فراس اداها مشغول وجاها واتس " نعم ؟ "
" وصلت فينك "
"ادخلي اللفه اليمين وبعدها يسـآر "
رفعت حوآجبها , قرات الجمله مرتين !
كتبله " ماحترد ؟"
" جمبي ازعاج ماحتسمعيني "
خاااافت
فين كلمـآته الحنونه المعتـآده تقرأها وتسمعها بكلامـه
حبيبي , قلبي, عيوني !!!
فين أخوها اللي يجيها لحدها في اول مره يسمع صوتها بس متضايقه ..!
ايش بيسيـر ..!!!!
: ماما جيعااان
فاقت من توترها على صوت ولدها , دخلت الجوال الشنطـه , مسكت يده : خلاص وصلنآ
اشرت للسواق : شكرا
دخلت ورا الإتجـآهات ,ومـآلك مازال تايه في الأمآكن دقيقـه ولمح السياره بتمشي
خرج من سيارته ووقف في الاتجاه المعاكس وهوا يحاول يوقف السيااره
وقفت بس كآنت فاضيـه !!!
: فــين اللي كآنـو معـآك
صرخــه هزت الشوارع الفاضيه , السايق طالع مفجوع ومـآلك مو عارف من اي اتجاه جا الصوت : فين وووقفتهم
اشر باارتباك : هناااك ودخلت على اليميـن
مـآلك جــري

عند يسـرى ..
فجأه جا شخص من وراها وبذراعه العريضـه لفها حولين ذراعها وكتم فمها
وولدها صرخ بكل صوتـه : مااامااااا
هجم عليـه يضربــه , لكن سحبها بااتجاه باب السياره المفتوحح وفلتها لما رايـد شال حجاره ورمـآها بكل قوته على راسـه
جريت بسـرى بااتجاه رايـد وسحبتـه وهوا مشي بخطوات سريـعه
صرخت , نادت بااسم فرااس ومسكها للمره الثانيه لكن دي المره دافعت عن نفسها
يحاول يمسكها وتضربـه بجنــون , اظافرها دخلت بعينـه
انتبـه لشخص من بعيـد جاي
مسك رايــد لكن مسكتها الخايفه كآنت اقوى منــه بمراحل وكأنه جزء من جسدها يحاول ينزعه
بدأ يقرب رآيــد بحركــه بسيطه مسـك ذراعها يباها تفلتـه
مسك الجرح بكل قوتـه بدون مايدري
شد عليــه وكأنه عصـر قلبـها
كيف فلتت ولدها ماتدري ..
بس في لحظـه اترمى في السيـآره , في لحظـه صرخت بجنون وحاولت تفتح الباب مقفــل
وصــل مآلك والسياره أتحركت
ويسـرى جريــت وراها
السياره ســـرعت وهيا اترمت في نص الطريق ورجعت وقفت تحاول تجري ورى سراب ..!
اختفت بكل بســآطه
ومـآلك رفع ااياديه الاثنين على راســه ..!
عمليــة خطف قدآم عينــه !!
الموضوع اكبـــر بكبيـر من الي يتخيلوه
هنـآك وحده بنصف الطريق تضرب على الاررض وتبكي بهستريا , تبكي بدون عقــل
مو هوا اللي راحلها
هيا لمحتــه وقامت بسـرعه تجري له وصلت لحده وتتكلم بتشتت : ولدددي ولدددي اخدوووه , فين فرااااس فينوو
كآن ساكت دفتــه وصرخت وصدى صوتها طفى في المكآن : أنااا بكككلمك _ طالعت يمين ويسار _ فين اروح , فـ فين حلقـآه _ مدت يدها ومسكت يد مـآلك بتبوسها _ ابوس يدك سـآعدني
سحب يده قبل لاتبوسها
إيش يقولها
اخوكي وولدك مخطوفيـن ؟؟!
باارتباك : انا حتصرف
: كـ كيف حتتصرف ..مين دول .._ طالعت بااتجاه الطريق الفاضي _ رااح !!
بكيـت لأنها مو قادره تستوعب انو ولدها مو معـآها .!!!
بصوت متقطع : أبـ وس يـ دك جبـ لي هـ وآ _ مسحت دموعها باايديها المهتزه _ حروح لشرطه وديني الشرطه وديـ
قاطعها : أهدي انا حمسك الموضوع تعالي اوصلك البيت
وسعت عينها وحركت راسها بنفي : اروووح البيت ايش اسوي ووولدي مو عارفه فينو
مـآلك : انا اعرف فينو بس اباكي تهدي
رفعت حوآجبها الاثنين وكأنها مافهمت , دموعها نزلت قالت : فين !
: مع فراس صدقيني هوا حيرجعه لكي بنفسه طيب تعالي السياره
لا
لا
الكلام ابدآ مافيه اي منطقيـه كل شي بيسيـر مافيه اي منطقيـه
: فين ولدي ..؟ّ! فين أخويــآ !!!
زفر بتوتــر , بعد عنها ومشي وهوا يحاول ياخد انفـآسه
مو عارف يتكلم معاها , مرر اياديه المهتزه على ذقنـه
جات بخطوات ثقيلـه اتجاهه صوت مخنووق يرجف قالت : قولي فينهم قولي ايش بيسير
مـآلك ملامحه مالت للتعـآطف وهيا بكيت وبين بكاها اتكلمت : أمـآنه ..أتكلم ..أمانه لاتوقف قلبي
: ولدك حيرجع اخوكي حيرجع لكن اديني شوية وقـ
دفتو وصوتـها علي في المكـآن : لااااا قوولي ايش بيسير بزبـط مابى ادي احد وقت ولدي فين رااااح مين اخدو مييييين
مـآلك سكت للحظـآت وقلها ..!!
ماقدر يكذب ..!
رمشت بصعوبـه
حركت راسها بنفي
دارت جسمها ومشيت ..ماتدري لفين ..!
بس كأنها بكابوس !
كابوس غريب . كلام اكبر منها بكثير
ولدها انخطف , اخوها بيد عصابه تتاجر بالاعضاء !
رجولها ضعفت جلست على الرصيـف
حركت جسمها لورى والأمام وكلام مـآلك يتعـآد , صرخه ولدها , ولدها خايف , اخوها ايش بيسير فيه !
ولدها
ولدها
ولدها
وبكييييت لما قدمت جسمها للأمام تحاول تخرج الفجعه اللي دخلت قلبها لكن مو قاااادره دام عينها مو شايفه ولدها واخوها حاليــآ ..!

,

في شقتــه , قام بسـرعه وفتح الباب ولقى مـآلك قدآمـه
شكلـه اسوء بمرآآآآآآحل من منظره قبل 5 ساعات : ايش ساير
مـآلك دموعه بعينـه , خلاص تعب جدآآآ تعب : خطفـه ولد اختـه
لحظـه مرعبـــه
لحظـه مو عارفيـن ايش ابعـآدها وايش ممكن يسيــر
قفلو باب الشقـه لكن محد فيهم قادر يجلس
حسـآم يحوم في المكـآن ومـآلك قال بصوت خافت ولساته تحت الصدمـه : قلت لأختـه كل شي
حسام وقفت حركتـه : نعععم !!!؟!؟!
مـآلك حرك راسـه بتعب : ماقدرت , البنت تحت حتتجنن
: وإنتتا قررت تجننها زيـآده
مـآلك : ولدها انخطف قدام عينها
: قوول اي زفففت بس لاتتكلم
: ماااقدرت بقولك ماااقدرت
: يعني انتا ضامن ردة فعلها
: حتكون تحت عيني , انتا عارف انو حيوصلنا خبر موت واحد فيهم باأي ساعه
حسـآم اختفى انفعـآله مع جملـة مآلك
مـآلك بصوت مخنوق : بنزل اشوفـها
رمـآله القنبلـه وانسحب ..!!!! أتوجه لشقته , دخل للصـآله ولقاها السه وتطـآلع في الارض وموسعه عينها بصدمـه
شعرها مفتوح لحد نص ذراعها
طالعت فيه لما سمعت خطواته
اشرت بااياديها الاثنين وقالت بصوت اشبه بالهمس : انا ..حقـعد ..هنـآ ..لحد ..مايقتلوهم ؟
: محد حيقتلهم
وقفت ..سحبت شنطتـها وهيا معقده حواجبها وكأنها مو مقتنعه : انا ليش هنا .. اساسا ليش سمعت كلامك وماروحت لشرطه
مشيت وهيا تتكلم بجنون ومالك وقف قدامها وكأنه تعب وهوا يقنعها : صدقيني حتخسري كثير لوبلغتي , حجبلك ولدك
: إنتا مييين عشان اصدقك _ مشيت من جمبه رجع وقف قبـآلها ورفع اياديه وكأنه يقنعها _
: فراس لو كان يبا يبلغ كان بلغ كــ
قاطعتـه : ولدي و لدي هنـآـآك ولللدي اخدوه عشان يبتزو اخوووويا عشان يقتلوه قدااامه
مشيت بااتجاه باب الشقـه وفتحت الباب مـآلك مسكها من ذراعها وهيا سحبت يدها وصرخت بكل صوتها : سييببببني
مـآلك مـآزال يقاطع طريقـها ويتكلم بصوت خافت : ايش تبيني اسوي عشان تصدقيني ؟
حركت راسها بنفي : مابى اصدقك مابى اسلمكم روح ولدي ولو سرلووو ايش اسوي ميييين احاااسب
حسـآم فتح باب شقتـه لما سمع صوت وحده تصــرخ استوعب على طوول
نزل بخطوات سريـعه
يسـرى طالعت فيه ورفعت حوآجبها دا هوا اللي حنان ورتها صورتـه
دا اللي ممكن تعرفه صاحب فراس
بس دارت جسمها واتوجهت لباب العمـآره واستنجد فيـه مـآلك : مووو عارف اتصــرف
حسام بخطوات سريــعه نزل لحدها مسكها من يدها وسحبها بكل قووته لداخل شقـه مـآـآآلك
مـآلك بحددده : قصصصصي !!!!!
دخلها وســط الشقـه , انقفل الباب بعد مادخل مآلك , ووقفـه قدآمها الاثنين
صدرها يرتفع وينخفض بخوف , دموعها بعينها
عينها تنتقل عليهم الإثنين
شكلها قطــع قلبـهم , خايفه منـهم , مو عارفه تثق في مين , كيف تتصرف
رفع حسـآم اياديـه الاثنين بترجي وقال بصوت يدل على قد اييييش هوآ خايف على فراس : اتــرجـآكي ماتسوي شي بدون علمنـآ , وربي وربي فاهم موقفك لكن اخوكي بحسبة اخويــآ حسوي اي شي عشان ارجعه
نزلت دموعها قالت بصعوبـه : وولدي !! ..مين حيجبلي ولدي ..! لو سرله شي ايش حتفيدوني ؟

نهاية الفصــل ..]