عشان الذكرى و مشان السنة الجاي و الي بعدها و الي بعدها اتذكر هالتاريخ و ما انساه شو ما صار
الحمدلله اليوم ناقشت موضوع البحث المخبري ، الاشي الي اخذ مني جهد جهيد
هاليوم لخص كل ال4 سنوات الي عشتهم بالجامعة
الجامعة الي كرهتها و حبيتها و تعبت فيها و حسيت سنواتي فيها اطول من سنوات الدراسة ال 12 كلها
شكرا ماما لانك وقفتي معي و بظهري و ما تركتيني و لا سمحتيلي استسلم
لولاكي ما كان حلمت بهاللحظة حتى
شكرا لانك تحملتيني كل مرة قلت فيها بكره الجامعة و كل مرة بكيت فيها من ورا الجامعة
شكرا لكل مرة وقفتي معي فيها قدام الخزانة لاني مش عارفة شو بدي البس و اللبس كله قدامي
شكرا لكل مرة صحيتي فيها معي الصبح مشان تعمليلي السندويشة و تساعديني اجهز حالي و تشوفيني و انا طالعة لطريقي
شكرا لكل مرة فيها صحيتي ع مكالماتي لما ارن عليكي الصبح اخبرك اني وصلت الجامعة
شكرا لاول مرة طلعت فيها ع الجامعة و طلعتي معي للنقل و للتسجيل و للجدول
شكرا ع كل لحظة و كل ثانية كنتي موجودة فيها بالايام الي مرت
و شو ما احكي شكرا ما رح اخلص لانه الوقت الي راح مش قليل
شكرا لانك سمحتيلي احس بهالشعور
شكرا لانك بحياتي
و شكرا لانك ماما
و هيك بقدر اقول
#بنتك_خريجة_يما
