منتدى وندر لاند - عرض مشاركة واحدة

مشاهدة أوسمتي · 07-06-2022, 12:01 AM

αмαѕια
السلام عليكم ورحمه الله وبركاته
كيف الاحوال
يارب كل حاجه تكون تمام
التسول موضوع منتشر جدا جدا وكل م بيعدي وقت بينتشر اكتر والوضع بيبقى اسوأ بكتير
الموقف الاول مع الزميله
ربنا امرنا بالصدقه وهي عملت اللي ربنا امرنا بيه
اظن انها مكنتش تقصد انها تفسدهم
عندها حق انها تحاول تساعد الناس عشان ربنا يساعدها
كان الله في عون العبد مادام العبد في عون اخيه
هي مكنتش تعرف انهم هعملوا كده ومش ذنبها لان دي اختيارات الفرد نفسه
يعني هي اختارت انها تتصدق وهما اختاروا يدخنوا
والاتنين هيتحاسبوا كل واحد بعمله
اذكر برضه ان درسنا الصدقه وبرضه كان المعلم بتاعنا بيخلينا نختار بحكمه الناس اللي نتصدق لهم
وقال ان الافضل اننا نحط الفلوس الخاصه بالصدقه في مسجد
لان الشيوخ الموجودين هناك هما أعلم بالناس المحتاجين كويس
وانا صراحه ده الرأي الاقرب لوجهه نظري
قصه الرجل بجد زعلت يعني مكانش بيكذب بس للاسف
هو كل شيء بأمر ربنا بس كل حاجه وليها سبب
الطلاب عندهم حق انهم ميثقوش بالمتسولين
انا نفسي مش بثق فيهم كلهم
محدش بيبقى عايز فعلا انه يساهم في فساد حد
في حاجات كتير عاصرتها وشفتها عن المتسولين
الناس اللي بيخطفوا الاطفال ويخلوهم يتسولوا
او الناس اللي بتاخد اطفال الشوارع وتشغلهم متسولين
او اللي ممكن يوصل بيهم الحال انهم يبتروا عضو من اعضاء جسمهم عشان يجذبوا الناس ويخلوهم يتعاطفوا معاهم
حصل موقف من كام يوم
كنت موجوده في سياره اجره ورايحه مكان ما
سمعت السواق بيتكلم مع الراجل اللي قاعد جنبه وبيقوله انا كنت في المكان الكذا عند اشاره المرور
وشخص متسول طلب مني وانا مكنتش مركز معاه وبلف راسي ابص في المرايه من الجانب الثاني
لقيته سرق الفلوس اللي كنت حاططها على التابلوه
يعني ده متسول وحرامي كمان
اسوأ واسوأ
كمان شفت شخص متسول بيعمل حركات غريبه
لما اخدت بالي عرفت انه كمان بيبيع مخدرات عند اشارات المرور
كمان في واحد متسول بيقف عند اشاره مرور قريبه من بيتي
انا شايفه انه قادر
يعني هو شاب وصحته كويسه ليه تضيع شبابك على التسول؟
ايه المشكله لما تشتغل اي شغل
حتى لو عامل نظافه لان الشغل مش عيب
لكن اللي هو بيعمله عيب وحرام
هو بياخد فلوس بدون مجهود
يمكن بياخد اكتر من اللي ممكن ياخده لو اشتغل بس على الاقل الشغل حلال
وكمان ربنا هيبارك فيه ان شاء الله
كمان في نقطه
التسول في كل البلاد العربيه منتشر بشكل كبير
ليه السلطات مش قادره تاخد موقف حازم ضدهم؟
هما مش بس بيأذوا نفسهم كمان هما بيأذوا اللي حواليهم
وكمان ده بيضر بمنظر وسمعه البلاد
حبيت اتكلم جدا في الموضوع ده
اشوفك في موضوع جديد
في أمان الله