06-25-2022, 09:33 PM
|
#3
|
مُشرفة قسم التسالي والألعاب
بيانات اضافيه [
+
]
|
رقم العضوية : 43
|
تاريخ التسجيل : Feb 2020
|
العمر : 26
|
المشاركات :
48,237 [
+
] |
التقييم : 365373
|
الدولهـ
|
الجنس ~
|
MMS ~
|
|
لوني المفضل : Black
|
شكراً: 31
تم شكره 113 مرة في 106 مشاركة
|
السلام عليكم ورحمه الله وبركاته
كيف الاحوال
يارب كل حاجه تكون تمام
حبيت الفكره جدا
في قصه عندنا في مصر في المحافظه اللي انا عايشه فيها
في منطقه اسمها رشدي هناك
وفي المنطقه في عماره اسمها عماره رشدي
العماره دي معروف انها مسكونه
العماره دي اي حد يسكن فيها ينتحر
العماره دي بناها راجل يوناني جه لمصر
بعدها بكام يوم مات هو واولاده غرقانين
ارملته باعت العماره ومشيت من مصر
اتقال برضه ان الارض اللي اتبنى عليها العماره كانت مقبره قبل كده
اللي اشترى العماره قال الحوادث والكوارث كانت وراه دايما
اول واحد اجر شقه في العماره مات في حريق
التاني مات في حادثه عربيه
بعد كده واحده ست كبيره اجرت الشقه لوحدها لان اولادها مسافرين بره مصر
بعدها لقوها مقتوله ومحدش عرف مين القاتل ابدا
في بقى حادثه حصلت في التسعينيات تقريبا مش فاكره السنه بالظبط
كانت الاغرب والاسوا
كان في عريس سكن في العماره
اول ليله لقى الحيطان مليانه دم والحنفيه بتاعت الميه كانت بتنزل دم
واكتر حاجه مرعبه كان في قط اسود راسه مقطوعه بيمشي في الشقه
اللي ساكنين في العماره سمعوا صوت خبطه جامده جدا
والخبطه دي كان جسم العريس والعروسه مرميين في الشارع من الدور التالت
العروسه ماتت في نفس الوقت لكن العريس كان عايش وقال على اللي حصل معاهم في الشقه وبعدها بايام مات هو كمان
اهل الحي اللي كانوا فيها قالوا ان القصص دي مش حقيقيه وان السبب في انها مهجوره ومحدش بيسكن فيها ان اصحابها بيتخانقوا على الورث بتاعها
في 2012 تقريبا في واحد على الفيسبوك عمل دعوه انهم يروحوا يشوفوا العماره ويتاكدوا من اللي فيها
وفعلا في ناس قالت انهم شافوا حاجات ذي دي هناك
في ناس قالت ان في عربيات فخمه بتيجي تدخل العماره بالليل وتخرج الصبح
والناس اللي اقتحمت العماره قالت ان في شقق فيها لسه مش كامله البناء
يعني مفيش حد سكن فيها اصلا
دي قصه من ضمن القصص المرعبه اللي اعرفها
حبيت جدا الفكره
اشوفك في موضوع جديد
في أمان الله
|
|
|
"أفهمني أنا لستُ كالعالم التقليدي أنا لدي جنوني وأعيش في بُعد آخر وليس لدي الوقت للأشياء التي بلا روح."
التعديل الأخير تم بواسطة جلنار | Gulnar ; 06-30-2022 الساعة 03:41 AM
|