منتدى وندر لاند - عرض مشاركة واحدة

مشاهدة أوسمتي · 06-25-2022, 08:29 PM

السلام عليكم ورحمه الله وبركاته
كيف الاحوال
يارب كل حاجه تكون بخير
الموضوع ده قابلني من كام يوم
واحده اعرفها قالتي انها عايزه تاخد دبلومه تربوي ووالدها معارض على الموضوع
وقالها لا اشتغلي احسن
قولتلها تناقشي معاه قالتلي المناقشه معاه صعبه ومش هيرضى
وقتها ملقتش رد
فكرت لو هي سمعت كلام والدها وعملت حاجه غصب عنها ممكن تخسر نفسها وشخصيتها للابد
ولو مسمعتش كلامه ممكن يغضب عليها
اظن ان الحل الصح هو الشيء الوسط
ده لو المناقشه مجابتش نتيجه
يعني ممكن ندور على حل وسط يرضي الطرفين
عندي صديقتي كانت اخوها عايزها تدخل كليه تربيه رياضيه وهي كانت عايزه تدخل كليه اداب
اخوها كان فاضل شويه ويقلب البيت دمار
في الاخر هي وافقت وراحت تقدم اوراقها في كليه تربيه رياضيه غصب عنها لكن القدر وقف معاها وكان ميعاد اختبار القبول انتهى
وقدمت في الكليه اللي هي عايزاها
في النهايه منعرفش الخير فين يمكن ربنا شايل الاحسن وده الحل التالت
سيبي كل حاجه على ربنا وهو هييسر الامور ان شاء الله
حبيت جدا اتناقش في الموضوع ده
اشوفك في موضوع جديد
في أمان الله