الموضوع: كشري الحله الواحدة
عرض مشاركة واحدة
قديم 04-08-2022, 03:08 AM   #8
MiMi
https://www.anime-tooon.com/up/uploads/at165614155662321.gif

الصورة الرمزية MiMi
MiMi غير متواجد حالياً

الذهبي







@PERSPOLIS;

السلام عليكم
كيف حالك الكساندرا؟
ان شاء الله تكوني بخير

الكشري هو الراعي الرسمي للمصريين ، اي خروجه مع اصحابي ميخلاش منها طبق الكشري ، بصراحه من اجمل الاكلات الشعبيه و بيسد و بيملي التنك علي قوله تيمون و بومبا
الكشري هو المعني الحرفي ل هتاكل من هنا و هتزيد كيلو من هنا
كل اللي بيعرفه او يسمع عنه غير المصرييين بينصدم انه بيكون فيه كل النشويات دي ، ميعرفوش اننا ولا بيهمنا نشويات و لا بقوليات بندوس في اي حاجه تعلي هرمون السعاده عندنا
وهرمون السعاده مش بيتظبط ولا بيعلي الا لما ناكل طبق كشري من هنا و نطلع علي اول عصاره عصير قصب من هنا ، ناكل ونشرب الاتنين دول و لو جدع اتحرك من مكانك


كشري الحله الواحده من الاختراعات الرهيبه فعلا ، خاصه انه في ناس كتيره بتكسل تعمله فالبيت بسبب انه مواعينه كتيره و بيحتاج وقت جامد ، لان الكشري الاصلي بنعمل المكرونه بحله تنسلق لوحدها و العدس ينسلق لوحده و الحمص لوحده و البصل اكيد لوحده و الرز لوحده .. فبهدله جامده فعلا
لكن هو كدا يسر علي الناس انها تعمله في اي وقت وباي كميه
يارب الناس المخترعه دي يلاقو لنا فكره تخلي المحشي يتعمل لوحده بدون تعب كمان

طبعا طبعا مننساش ان الكشري ميبقاش كشري بدون الدقه بتاعته و الشطه الكماله الكشري بدونهم ميتاكلش
معلش دي قواعد واساسات مينفعش تتغير

ما شاء الله تسلمممم يدك الكس علي التطبيق ، شكله يفتح النفس

ختاما شكرا ليكي الكس علي عرض الفكره هنا
دمتي في حفظ الرحمن
مع السلامه

#العمالقه


 
توقيع : MiMi


" ومِن أشد الخذلان أن تخذلك صُحبتك بعدَ المَوت ..
فلا صديق يدعُ ، ولا رفيق يتصَدق .. ولا أخ لا يتوانَى عن رفع منزلتك في الجنة.
إن لم تفعلوا، فواللـهِ بئـسَ الصُحبـة، وقد أضَعنـا أوقاتَنـا هُنـا. "

التعديل الأخير تم بواسطة سيـرَان. ; 04-09-2022 الساعة 02:23 PM
رد مع اقتباس