منتدى وندر لاند - عرض مشاركة واحدة

مشاهدة أوسمتي · 07-08-2022, 04:29 PM

ميم

السلام عليكم ورحمه الله وبركاته
اخبارك نوتي ان شاءالله بألف خير
ة اننا رجعنا نشوفك معنا
قصة التسول قصة ، قضية بلد! ومسؤولية بلد
اكثر من انها عادات وطرق رزق
بس حتى لو كان البلد مترحرح يعني في راحة
وعمل ورزق واسعار حلوة ، وارتفعت الحالة المادية عند الناس
حتلاقي ناس من برا البلد يجو ع اساس التسول
يلمو الرزقة ويرجعو لبلدهم، فرق العملة ممكن يختلف معهم
عجبتني صديقتك ما شاءالله عنها ربي يوفقها ويجزيها الخير
ويرزقها السعادة بجمال قلبها شوفي انا برأيي
مالي علاقة هو شو رح يعمل، ولا رح افكر فيه يستحق او لا
صادق او كاذب ، لبسه مبهدل وباين عليه ولا انسان مرتب ونظيف
وبالنسبة لشأن اللبس ، الفقر ماله ملامح!! قلة الاهتمام هي اللي تبان
اعرف ناس يلبسو مبهدل وأطفال يوسخو وجوههم ويروحو يتسولو
المحتاج ممكن يكون نظيف عادي وبني آدم طبيعي مثلنا مثله
بقول ما اهتم لنوايهم وصدقهم لأني اركز على آية قرآنية مهمة
" أما اليتيم فلا تقهر ، وأما السائل فلا تنهر "
هذا سائل بالنسبة لك سألك المال اعطيه ولو كان اغنى الأغنياء
اذا كان بمقدورك طبعاً! خلاص لما تطلعي من البيت
خلي شوية فكة او عملات ورقية قليلة
تعطي اللي يقابلك ، خلص هذا وسعتك !
غلطهم انهم يتسولو بالمكان الغلط، يروحو لمكان فيه اغنياء
مين يروح للمدارس؟ اول مرة اسمع خداع للطلاب هذا
عنا بسوريا جت وحدة لعند صديقتي تشحد منها
فـ طلعت من جيبتها 100 ليرة وأعطتها ، تنرفزت هديك
ورمت لها الفلوس تقول لها رديهم ع جوعتك ههههههه
اي اي جد وفي نوع تدعي تدعيلك لما تشوف انك اعطيتيها قليل
رح تدعي عليكي ، الفكرة مو اني البي حاجتك كاملة!
مو قدرتي ، وانتي عم تاخذي وتطلبي من غيري كمان
فكة ورا فكة ، قطعة ورا قطعة من الناس ولو قليلة يصير كثار
افضل من انك ما تحصلي مني شي بالمرة!
في متسول عجوز فضحني صار فيني مثلك
وانا بطريقي اعطي اللي يسألني دون ما اوقف
خلاص في كم قطعة تضل بيدي عشان الموضوع ما ياخد من وقتي
احسب اللي يطلع بوجهي اعطيه نصيبه ورزقته
خلصوا اللي معي تمام ؟ مو باقي غير مبلغ اشتري فيه بضاعة وتوصيات
جا ختيار يطلب ويدعي ، قلتله الله يبعتلك ويرزقك ويلبي حاجتك
عصب وتنرفز قال انتو إسلام انتو!! انتو يهود صار يلعن ويسب ومشي
تفضل لاقي لك شغل انت رجل لسا قادر توقف وتمشي وتبهدل
جاية تطلب من بنت ما تشتغل وتاخذ مصروفها من أهلها ؟
وتعصب اني ما عطيتك ؟ فعلاً جنون وغباء وقلة حياء
ليه الدعوة من القلب مو صدقة كمان ؟ احاول البيك ع قد قدرتي

كنت بالحميدية مرة سوق سياحي عنا، اشوف فريق شغلتهم هذي الشغلة
يجيب عجوز ع كرسي متحرك ، يرميها عالأرض تصير تزحف بدها ترجع
معه ، اخذ عجوزة ثانية كان حاطتها مكان ثاني ومشي ، هيك شغلته!
ينقلهم من مكان لثاني ويوزعهم ليجيبو فلوس
هذا غير اللي يجيب اطفال ويعطيهم بضاعة لازم يبيعوها ويرجعوله
بالفلوس وإلا رح يعاقبهم ويحرمهم !! هذا غير الخطف مثل ما ذكرتي
اذكر شفت منشور وحدة بمصر شافت امرأة وطفلة عالرصيف
فقالت لها معليش اصورها وانشرها ليوصلك الدعم والتلبية اكتر
وافقت المرأة والبنت صورت الطفلة واخذت رقمها عشان تشوفلها
جمعية معينة ، بعدين لما أتصلت فيها وتسأل عن معلومات البنت
من اسم ومواليد وأوراق ، صارت هديك تتهرب وقفلت الجوال
بدأ الشك ان الطفلة معها تكون مخطوفة ونشرت الصورة اذا احد يعرف
البنت او اهلها الحقيقيين ممكن يتعرفو عليها

ولحل هي القضية ، انا مع الشرطة انهم يوقفوا كل مين بالشارع
وبحطو لهم مخالفة محترمة وممكن سجن، طيب والمساكين اللي فعلاً محتاجين؟
عندي لهم حل ، وزارة الأوقاف تعين جمعيات توزعها على الجوامع والمساجد، كل مين له حاجة يروح يسأل هناك ويقدم طلب
معليش يعني صار في عنا تطور ، لكل محتاج يصير له ملف
ويدرسوا حالته اذا مريض فعلاً او محتاج او يتيم
واذا كان عاطل يأمنوا له شغل ، هذا كله صدقة !
وناقل الخير كـ فاعله كلهم حيكون لهم الثواب
بدل ما تبني جوامع مو كل الناس تدخلها
روح طعمي الفقراء وطيب خاطر المساكين
الجوامع موجود منها، بس مساعدة الناس صارت قليلة
عموماً الله يفرج ع الجميع ، لازم يلاقوا لها حل
ما يكفي يحطو عقوبة للمتسولين ، لازم يهتموا بالمحتاجين فعلاً
ويعملوا لهم مركز خاص يقدمو فيه سؤالهم
واللي يحبو يتصدقو يحطو بصندوق هذا المكان
وخلاص.. الأمور طيبة