منتدى وندر لاند - عرض مشاركة واحدة - ⋆ ألماسي : My magic is never giving up

مشاهدة أوسمتي · 03-30-2020, 02:16 AM

وعليكم السّلام ورحمة اللّه وبركاته

أناا شفت الموضوع من لمّا كنتوا لسّا بأول مشاركة
فقررت أكتب رد كوني بعرف هااد الأنمي وبحبّه
مع إنّه لا أخفي عليكم، تابعت أول حلقتين من الأنمي نفسه بس حكيت شكلهم مطولين، فأنا حاليًا بس بتابع المانجا

المهم نبدأ
اللهمّ صلّ وسلّم وبارك على سيدنا محمد، وعلى آله وأصحابه أجمعين

أولًا العنوان: "My magic is never giving up" سحري لا يستسلم أبدًا العنوان جاذب جدًا، مع إنّه دائمًا بقنع حالي لا تحكم على الكتاب من عنوانه بس العنوان هون غير

"الحياة لا تسير على وتيرة واحدة، يوم مزهرٌ ويوم ذابلٌ.
لا يدوم احداهما ابدا إلا وتبعه الآخر ، وكذا ينقضي العمر
بحثًا عن الخلود في دنيا فناء في فناء."
ولا أروع من هيك إشي، كلمات تمّ انتقائها بعناية زادت من جمال الموضوع جمالًا cute8 وفعلًا الحياة مش دائمًا فرح ولا حزن، مزيج بين الاثنين وكل منهما يؤدّي إلى الآخر بطريقة ما

الصّور، وما أدراكَ ما هذه الصّور .. فن، إبداع
من وين بتلاقوا هالشغلات أو كيف بتعملوهم
المشكلة فش إشي بزبط معي الحمد لله
وبصراحة، بصعوبة قصوى اخترت بضع قليل من هاي الصّور، وحتّى أنا حاسيتهم كتار بس ما قدرت أحذف إشي منهم أبدًا من هالجماال

هااي أوّل الصّور المتحرّكة اخترتها، ومثل ما حكيت اخترت بصعوبة كبيرة لو بقدر كان باخد كل الصّور وبحطهم بردّي
أعجبتني هذه الصّورة لأنّها باللونين الأبيض والأسود، ومن وجهة نظري على الأغلب بتكون الصّور اللي بهاي الألوان جدًا جميلة ومعبّرة وهنا استر «اسمه استر صح ! » بعد ما فعّل قوته مع هطول الثّلج أعطت للصّورة جمال

هنا الفتى «نسيت اسمه » طالع جدًا قمر وكإنّه بالصّورة قاعد يتذكّر شي بالماضي من حدث معيّن صار قدّامه أحببتُ الصّورة

مع إنّه الصّورة هون مو متحرّكة زي الباقي، بس وكإنّها وصفت كلّ إشي .. خارج من معركة ويعتلي وجهه اليأس والحزن الممزوجين بالغضب الطّفيف أحببتها

هون نفس فكرة الصّورة اللي قبل، معبّرة وجميلة وهاي الشّخصيّة بالذّات بحبها وبحب الدّور اللي بتمتلكه بالأنمي، هو شخص رأيته قوي ومسؤول جدًا

هااي جدًا جميلة صورتين عاملين صورة وحدة شو هالدّقة والجمال اللي معطينه بالصّورة حبّيتهاا بكل تفاصيلهاا وكإنّه استر بحكيلها "لا تقلقي أنا بخير" أو "ها قد تغلّبتُ عليه لأجلكِ" هااي أتوقّع من أوّل الحلقات ومع إنّه مليء بالجروح والنّدوب ومع ذلك يبتسم ما أجملك وما أجمل تفاؤلكَ

اخترت هدول التنتين من الرّمزيات أو مدري شو اسمهم، كان ذلك باختيار عشوائي بس جدًا كلهم جميلين والموضوع والتّصميم واللي مسويين الموضوع سيهام ووسام

والإشي الممتاز جودة الصّور كتير جيّدة بحيث أبهجت الرّائي جدًا وأوّلهم أناا
فعلًا، موضوع متعوب عليه يستاهل كتير، أشكركم
يعطيكم العافية ع الإشي الرّاقي هااد

سبحانكَ اللهمّ وبحمدكَ، أشهد أن لا إله إلا أنتَ، أستغفركَ وأتوب إليكَ