منتدى وندر لاند - عرض مشاركة واحدة - الذهبـي| ' تحتَ بقـايا الأحلامـ ' '

مشاهدة أوسمتي · 03-28-2020, 03:00 PM

Y a g i m a

السّلام عليكم ورحمة اللّظ°ه وبركاته
كيف حاالك صديقتي !
أتمنّى أن تكوني في تمام الصّحة
اللهمّ صلّ وسلّم وبارك على سيدنا محمد، وعلى آله وأصحابه أجمعين
أوّلًا أبدأ بالعنوان "تحت بقايا الأحلام" العنوان شوي غريب لهيك دخلت وشفت الخط الرّائع والرّسومات كماان فعلًا فنّانة ما بعرف بس تخيّلت العنوان شوي حزين

نبدأ بالإبداع

هون الخط مرّة رهيب، وخصوصًا إنّك كاتبة فيها سورة الفاتحة حبّيت كيف عاملة حرف الرّاء وخصوصًا بكلمة "الرَّحمـظ°ن" وحرف الدّال بكلمة "الدّين" والذّال بكلمة "الذين" غريب كيف كاتبيتهم، بكل حياتي اللي عشتها ما شفتهم بهاي الطريقة مكتوبين مع اللام اللي قبلهم، بس حبّيت الطّريقة جدًا والهاء نقطة ضعفي اللي نادرًا تزبط معي بكلمة "عليهم" كتير حلوة

هااي الرّسمة ما بعرف كيف بس حبّيتها كتير، سواء بالشّعر لونه، بحب الشّعر الطّويل المموّج عيونها جميلات وخااصة لونهم، هااد اللون بحبّه كتير أناا :e-r_035: ومع هالكيموني الوردي وطريقة تزييه مرّة رهيبة، بس لو إنّك جعلت من يديها أكبر بشوي، حسّيتهم كتير صغار بالنّسبة لباقي جسمها

العبارة هون كتير جميلة ومعبّرة جدًا، "أينما أنبتك الله أزهر" cute8 والخط جدًا جميل والمكان مساعد الصورة تطلع كتير حلوة، وبالأخص الورود بهااد اللون، هااد اللون كماان بحبّه كتير

أد ما أحكي عن هاي الصّورة ما رح أوفيها حقها لإنّها كتير حلوة، بطريقة كتاابتهاا، وكلمة "كريم" فوق بخط صغير، أعجبتني الورود على حرفيّ الرّاء والنّون، وطريقة شبكك النّون مع الألف إنّك راسمة تحت الحرفين نفسهم فانوسين جميلين cute8 وبس حسّيت لو إنّك لوّنتيها كانت رح تطلع مليئة بالحياة والجمال

مع إنّك مو مكمليتها بس مش مهم طالما الوجه مبين لإنّه هو أحلى إشي بالرّسومات عيونها كتير حلوين، جدًا جدًا جميلين يعني صراحة الرّسمة حسّيتها متكاملة جدًا، من حواجب لعيون للفم اللي أناا دائمًا بتأخّر عشان أرسمه منيح بس ما بزبط معي، لأنف ولخدودها الحُمر اللي مش مبين حَمارهم وحتّى الشّعر مرّة حلو

وأخيرًا، يعطيكِ العافية صديقتي
رسماتك وعباراتك أسعدوني جدًا cute8
تقبّلي مروري البسيط

سبحانكَ اللهمّ وبحمدكَ، أشهد أن لا إله إلا أنتَ، أستغفركَ وأتوب إليكَ