21
البارت العشرين
يوم جديد كالعادة – الصبح الساعة 11
في الصالة البنات
رفيف تقرأ مجلة: بنات عند سؤال
سمر: هااااااااا قولي
رفيف: ما تحسين هاليومين سايره غثيثة هدي أعصابك تراني ما ذبحت أهلك
ريما: وأنا أحسبة سؤال وخطير طلع كذا صدق إنك فاضيه
رفيف تعدل وضعها في الجلوس: لا هذا مو سؤالي سؤالي بنات لو جات الشرطة يعني أنقذونا وش بيسير بالشباب
سمر: أكيد بينمسكوا يعني أيش
نورة جلست ومعها صينية حلا وقهوة: بس هم ما سوا شيء
سمر بهجوم: خطفونا ولا سو شيء أنتي مفروض معي
نورة بخوف من سمر: أقصد صح سار بعض المشاكل بس لو كان ما يخافون الله كان ما طلعونا ولا مشونا ولا أكلونا حتى الملابس أشتروها لنا ولا حسينا بنقص
ريما: في هذي أنتي الصادقة بس مهما المجرم لازم يأخذ عقابه
رفيف: المجرم الصدق هو هذك زعيم المافيا لا يخاف ربه أتمنى أشوفه
سمر: بس لو كان أبوك
رفيف تشهق: أبوي مستحيل بس مهما كان أكيد وحش حقير ولازم ينكشف
ريما ساكتة وتناظر رفيف المتحمسة وتبتسم
رزان: يلا عاد خلونا من السيرة اللي تغث شوفوا وش جايبه نورة حلا وقهوة وحركات
-------------------------------------------
في الرياض في المستشفى
أم نايف تبكي: ما أقدر بنتي خسرتها والحين ولدي هذا عقاب لي علشان إهمالي أهملت عيالي وفرقتهم يا ربي بس رجع بنتي بالسلامة وأشفي ولدي خليني أعوض عن ذنوبي يا ربي أغفر لي ما سويت
بشاير ( خالة ريما): استغفري ربك إن الله مع الصابرين
يطلع الدكتور من غرفة الجراحة
أم نايف: بشر يا دكتور ولدي بخير
الدكتور: والله أختي ما أعرف مين ولدك بس السائق في العناية المركزة والثاني ما جت له إلا كسور خفيفة
أم نايف أنهارت تبكي: بنتي راحت وولدي لحقاها اااااااااااااه " ويغمى على أم نايف"
بشاير: هند هند ممرضات أحد يساعد
الممرضات شالوا هند( أم نايف) وحطوها في وحدة من الغرف لأن جاها انهيار عصبي
بشاير راحت للبيت عند موضي لأن أم نايف بتجلس في المستشفى علشان حالتها
---------------------
في مستشفى ثاني في الدمام
الدكتور: أنتي بتتذكري شيء
...: يا دكتور كل يوم تسأل هالسؤال فيه شيء
الدكتور بتوتر: لا بنتي بس سؤال علشان تتحسني رهف
(((((ويندفع الباب بقوة ويدخل الضابط اللي متولي حالة البنات ))))
الضابط بصوت جاد وباين إن ما فيه صبر: تذكرتي شيء
رهف: أنتو ليه تسألوني فيه شيء سويته
الدكتور: حضرة الضابط البنت للحين نفسيتها ما تتحمل الصدمة
الضابط عطاه نظرة تسكيت: محد يمنعني من أداء شغلي
الدكتور سكت
رهف: وش فيكم قولوا لي
الضابط يرمي ملف على رهف: تتذكرين أي وحدة من هذولي الموجودين في الصور
رهف فتحت الملف وشافت صور بنات بنفس عمرها بس مستحيل تقول إنها ما تذكرهم: اااااااااا رأسي
الدكتور ينادي: الممرضات أي أحد يجيب إبرة مسكنة
الضابط: رهف أهدي لازم تركزين مين في الصورة أي شيء تتذكرينه لازم تقولينه
الدكتور: خلاص أنت تعبت البنت روح وألا رفعت عليك دعوى قضائية بسبب تخريب حالة البنت
الضابط كان بيطلع
رهف تبكي من ألم وتصرخ: أعرفهم أعرفهم
الضابط بفرح: وينهم وش سار عليهم مين خطفهم أي شيء قوليه
رهف: ......... >> بعدين تعرفون هههه
---------------------------------
عند البنات كان الجو مطر وروعة
ريما كانت لابسة معطف وتتمشى في المزرعة وتشوف صقر
ريما: هيه صقر وش تسوي
صقر ماسك الجوال: أكلم أمي وأبوي وجدتي وجدي وعمي الكبير والصغير والأوسط وأخوي بالرضاعة وأخوي الصـ" تقاطعه ريما"
ريما: خلاص خلاص قول أهلك
صقر:ها ليه تتمشين
ريما: الجو حلو قلت خليني أتمشى كيف الأهل
صقر: الحمد لله كلهم بخير
ريما: حلو يكون عندك أهل يحبونك
صقر: ما فيه أهل ما يحبون أولادهم
ريما سرحت: أه صح عليك
صقر: يلا برد الجو خلينا ندخل
ريما: صقر ممكن أطلب منك طلب
صقر: ها فيه شيء
ريما بألم: ممكن أكلم أهلي
صقر: ما أقدر تعرفين سلطان وهذا ما أقدر عليه بس قريب ترجعين لأهلك وتفرحين أمك بشوفتك
ريما: بس بدق دقة وحدة أبغى أسمع صوت أهلي مراح أقول أي حرف بس أسمع صوتهم حتى لو الشغالة بس أي أحد أنا اشتقت لهم
صقر رحم ريما: خلاص بس نص دقيقة تسمعين صوتهم وتسكرين تراء أمانة ولا تقولين ولا حرف
ريما تناظر صقر بشكر: والله مراح أسوي شيء
ويعطي صقر ريما الجوال وتدق على رقم البيت
... بحزن: ألووو
ريما في نفسها: ( موضي)
موضي بعد ما رد أحد: حراااام عليكم تدقون على الناس تراء أخوي مااااااات سلمان فاهمين ماااااات وأختي راحت خلاص عاد" وتسكر التلفون"
---------------------------
بعد مكالمة ريما
بشاير: موضي وش قلتي
موضي تبكي: ما قلت شيء
بشاير: أخوك للحين عايش ما مات ليه تقولين كذا
موضي: بس قريب بيموت
بشاير: الحين اللي أتصل مين
موضي: ما أعرف ولا أهتم
---------------------
ريما طيحت الجوال من يدها: سلمان مات
صقر: سلمان مين
ريما بصراخ: سلمان مات" وتركض بجهه بيت الفيلة"
صقر: لحول وش فيها أنهبلت
-----------------------------------------
في الصالة كان في الشباب بس جالسين
ناصر: وين صقر
خالد: راح يكلم أهله من زمان عنهم
سلطان: متى بتجهز القهوة
طلال: ما تحس خلينا المسكينة نورة طباخة
راشد: أحسن لها تتدرب
(((( ما سمعوا إلا سوت الباب القوي))))
ريما بصراخ: سلطاااااااااااااان
خالد: وش فيها
ريما دخلت المجلس وكان شعرها وكل جسمها ماء من المطر: يا الحقير يا الحيوان
سلطان ما يدري وش السالفة: خير وش فيك
ريما اختفت كل العصبية وقعدت تبكي
تركي منفجع: وش فيها
ريما: يا حقير أخوي مات بسببك لاااااااااا هو مو بسببك هو بسببي
فهد وقف خاف تقول شيء يفضحها: بنت أسكتي
ريما: أخوي مااات
صقر دخل بعد ريما : ريما خلاص
سلطان بصراخ: وش السالفة
صقر: أنا خليتها تكلم أهلها بس والله ما قالت شيء بس قعدت تصارخ وما أدري وش
ريما: أكيد هذا عقاب ربي فيني مات أخوي مثل ما مات أهلك بس تدري شيء
طلال وقف وكان حس بشيء بيسير وخلي اليوم كابوس
ريما: أنا ريما بنت سعود الـ.. بنت أكبر تاجر مخدرات وأسلحة وأقولها وأنا أفتخر قاتل أهلك
سلطان:....
الكل:.....
ريما بضحك وسخرية: أبوي قتل أهلك وخلا أبوك يطق في السجون هههههه ما تصدق حالتك من جد ترحم
(( ما حست ريما إلا بكف قوي على وجهه خلها تطيح ويغمى عليها على صوت الصينية اللي طاحت من يد رفيف وهي تشوف منظر الكف )))))
سلطان بغضب : خذوها هالحقيرة
خالد منصدم لدرجة طاح على ركبة وهو بناظر الصدمة
طلال صد من مشهد ريما المغمى عليها
تركي بحزن: ما توقعت إن تكون هي خسارة
رفيف بصراخ: ريما قومي وش فيك وش سويتوا فيها >>> ما تعرف شيء
ومع صراخ رفيف جاوا البنات وخذوا ريما للغرفة
أجتمع الشباب عند سلطان
راشد: وش بنسوي عرفنا الحين إنها ريما
خالد بدفاع: يمكن مو هي
مشعل تذكر وش سار مع مات والمخدر: إلا هي ومية بالمية هي
تركي بهمس: وش تقصد مشيعلوه تعرف شيء ما أعرفه
مشعل بنفس الهمس: بقول لك بعدين
طلال: سلطان لا تتهور وتراء اللي سويته مو قليل
سلطان: هالحقيرة تقول أهلي ماتوا وعادي
فهد: أنا كلمت واحد من معارفي وقال لي إن أخو ريما في العناية المركزة بسبب حادث
سلطان: وش دخلني
فهد: سار له حادث وهو رايح للشاليه اللي في الدمام
سلطان: بنرجع للندن أحجزوا في فندق
خالد بحزن واضح: طيب خلي الحجز علي
تركي يناظر خالد: ( أكثر واحد مصدوم هو خالد ما ألوم حتى أنا أنصدمت)
طلال: سلطان إذا فكرت تأذيها أو تلمسها مستحيل أسمح لك
سلطان بغضب: وش دخلك هذي بنت قاتل أهلي وحلال علي دمها
طلال بشجاعة: حلال دم أبوها مو دمها بس إذ قربت منها مراح تشوف خير
سلطان: ولا وش
طلال بكذب: أنسى ولد عمك عبد العزيز وأنسى إنه حي
الكل مصدوم طلال يهدد سلطان بعبد العزيز
فهدهدا الموقف قبل ما يتذابحوا وتصير السالفة شيء: خلاص شباب بكرة نروح لندن ونشوف وش بنسوي
عند البنات
سمر: وش سار وخلاها في هالحالة
نورة تمسح الدم اللي في وجه ريما: اه يا ريما
رزان: حرام والله حرام
رفيف: أنا دخلت على صوت الصراخ ما حسيت إلا كف من سلطان على ريما وما أدري وش السبب
سمر: سهلة تعرفين ريما طويلة لسان وأكيد سلطان ما تحمل
((( أنفتح الباب ودخل طلال)))
رزان بصراخ: وش تبي بعد تكمل على المسكينة
طلال بحزن: هي بخير تحتاج دكتور ولا شيء
سمر: لا
طلال: تجهزوا بكرة راجعين للندن الصبح
البنات ما تعبوا نفسهم وسألوا
طلال سكت وطلع من الغرفة وراح لغرفته لأنة من جد تعبان
دخل طلال غرفته إلا بتركي
طلال: ها وش تبي
تركي: ليه
طلال: وش ليه
تركي: ليه دافعت عن ريما
طلال: أظن إن هذا شيء ما يخصك
تركي: ما تدري وش قال مشعل لي
طلال: ما أدري ولا ابغى
تركي بشك: أنت تعرف ريما من قبل
طلال: لو سمحت أنا تعبان
طلع تركي وقبل ما يطلع: ما أدري وش قصتك بس أكيد بتنعرف في النهاية
--------------------------
اليوم الثاني
كان الكل مجهزين أغراضهم وحاطينها في السيارات بالطبع ريما قامت من الأغمى ولا رضت تكلم أحد فتبرع تركي أنها بتركب معه علشان ما تسير مشكلة بينها وبين سلطان
مشت السيارات
السيارة الأولى: ( الشباب)
السيارة الثانية: ( البنات وخالد وطلال)
السيارة الثالثة: ريما وتركي
عند تركي
كانت ريما سرحانة وتناظر الشباك وتركي كل دقيقة يلتفت عليها
تركي: ( ما توقعت تطلع كذا)" شغل تركي المسجل وألتفت على ريما ولا حركة
ريما:.....
تركي بهمس: ملل
--------------------------
عند الفندق
الشباب بيجتمعون في جناح سلطان والبنات لهم جناح ويحرسه راشد وصقر
عند البنات
رفيف: ريما وش فيك زعلانة تراء كف لا يودي ولا يجيب
ريما:....
رفيف: ريما خلاص عاد تراء طفش إضحكي
ريما:....
رفيف: ريما" تقاطعها ريما"
ريما بعصبية: ريما وريما وريما وش هذا طفش
رزان: هدي أعصابك
ريما: أنتوا بالذات باردين عايشين بسعادة بابا ماما بس قريب وتشوفون العذاب الصدقي
نورة: وش تقولين
ريما: أسكتوا كل وحدة منكم ما عندها هم في الحياة
رزان: ريما خوفتيني
ريما: أنا سبب كل شيء أنا بنت الزعيم
رفيف تضحك: تمزحين
ريما نظرة جادة:...
رزان تنزل دموعها ولا تقدر تقول شيء: أأأنـــتي
نورة تبكي
سمر: أنتي الحقير اللي بسببك خربت حياتنا
ريما: ما يهمني حياة أي وحدة منكم فاااااهمة
ريما بسرعة راحت لي غرفتها وقفلت الباب
ريما تبكي: ( أسفه ما أقدر أحميكم بعد الحين لازم أهرب علشان سلطان يرجعكم بس كيف راشد وصقر يحرسون والبلكون أنا في الطابق 36 مستحيل أعيش إذ نطيت)
ريما فتحت البلكون وقعدت تفكر بخطة ريما تناظر: لقيتها
(((( خطة ريما إن تركب على حواف الجدار من عند البلكون لين بلكون الغرفة اللي جنبها بس الحواف زلقة بسبب موية المطر ))))
رفيف تطق الباب: ريما أفتحي لازم نتكلم
سمر: خليك منها خاينة حقيرة
نورة: خلاص
رزان: نورة الجو كتمه أفتحي البلكون
نورة فتحت البلكون وتصرخ: ااااااااااااااااا
رزان تجي وتصرخ والبنات يلحقونهم
(( ريما على الحواف وتزحف ويوم سمعت صوتهم بغت تطيح))
رفيف: يا مهبولة وش تسوين
ريما: بانحاش يعني وش
سمر: حنا في الطابق كم تعرفين
ريما: لا تذكريني
رفيف تضحك بحماس: والله عليك يا ريما أفكار
ريما متنحة: وشووو
رزان: أنهبلتي أنتي الثانية
رفيف: أنتظريني بجي عندك
(( تسحب رفيف مفرش السرسر وتربط خصرها وخصر سمر ونورة وجأت عند رزان بس رفضت))
نورة: وش هذا له
رفيف: علشا إذا نطينا وطاحت وحدة ولا شيء نقدر نسحبها بالمفرش
رزان: أنا أخاف المرتفعات مراح أروح
رفيف: يعني بتقعدين عند الشباب
رزان: بلقاء لي خطة وبنحاش
((( وطبوا البنات وقعدوا يتعلقون بالجدار لين يوصلون لي ريما وقدهم عند بلكونة الغرفة الثانية تزحلقت نورة وسحبت سمر معها ورفيف تتمسك بالجدار وقدها بتطيح مسكتها ريما)))
رفيف: ريما
ريما بابتسامة: مستحيل تطلعين أهبل مني
((وسحبوا نورة وسمر))
سمر: وش بنسوي عاد مو لها الدرجة أغبياء علشان نمر جنبهم ولا يمسكونا
ريما تفتح الدولاب وترمي ملابس على السرير: ألبسوا هذا(( كانت ملابس رجالية وأحذية رجالية))
البنات طلعوا وقعدوا يمشون لين بعدوا عن راشد وصقر وأخذوها جري
طلعوا البنات من الفندق
رفيف: وش نسوي وش نسوي
ريما تأشر: تاكسـي تاكسـي
وقفت سيارة تاكسي والبنات ركبوا
((( الحوار أنجليزي )))
السائق: أين تريدين أن أوصلك سيدتي
ريما: إلا السفارة السعودية
السائق: حاضر سيدتي
رفيف: بنات أخيرا بنرجع
ريما: فيه حاجة أبغى أقولها ابغاكم ما تقولون شيء
سمر تقاطعها بحقد: عن المافيا وأبوك
ريما: يب
الكل: سكت
ريما: السكوت علامة الرضا وأبغاكم ما تقولون شيء عن الشباب واللي سار كل اللي تقولونه ما ندري ولا شفناهم
--------------------------
صقر: شف شف مو أشكالهم غريبة اللي تو مروا
راشد: أجانب وش تتوقع تلقاهم طبيعين
صقر: مو كان صوت البنات هداء
راشد: مو متطمن لها الهدوء " وقعد يطق الباب بقوة"
رزان تفتح بخوف: ها فيه شيء
راشد: وين البنات
رزان: في الحمام
راشد: ما شاء الله كلهم في الحمام
رزان: أيه لا لا مو كلهم>> ما تعرف تكذب
راشد: وينهم
رزان: نايمين
راشد بحدة وعصبية: تستهبلين وينهم
رزان: البنات أنحاشوا
صقر: كيف حنا هند الباب كل الوقت
رزان تبكي: من البلكون
راشد بحدة: صقر علم الشباب بسرعة
رزان كانت تبكي وخدودها حمراء وطالع شكلها كيووت
راشد: ( لازم ما أقدر أتعلق فيك أكثر وإلا بكون أخون ثقة سلطان): يلا تعالي نشوف وين صديقاتك
عند بوابة السفارة السعودية
ســارعـي للمـــجد والعـــليــا
*********************
مجــدي لخالـــق الســمــاء
***************
وأرفـــع الحفـــاق الأخــضــر
*********************
يحمــــل النــــور المســــطــر
****************
رددي الله أكـــبر يـــا مــوطــني
*********************
موطـــني قـد عشـــت فخر المسلـــمين
*********************
عـــاش المــلك للعـــلم والـــوطــــن
البنات سكتوا وقعدوا يناظرون البوابة
الحارس شك فيهم خصوصا أشكالهم: هيه يا ورعان وش تسون>>> طلع الأخو سعودي
ريما تدعي البكاء: حنا مخطوفات وهربنا
الحارس2: أنتم هم اللي ما فيه جريدة ولا قناة ما تكلمت عنكم حتى داود الشرياني تكلم عن قصتكم
ريما مستأنسة: أما داود الشرياني بشحمة ولحمة
الحارس1: أما ذولا هم المخطوفات وأنا أحسبهم بنات عز طلعوا فقيرات
الحارس2: أدخلوا حياكم السفارة سفارتكم>> محشش الأخو
دخلوا البنات وبالطبع كلموا الموظفين السفير وقال يتوصون فيهم وبالطبع جابوا لهم ملابس سنعة وأكل>> يحسبونهم ميتات جوع –
سمر تكلم أحد الموظفين: أبغى أكلم أهلي
الموظف: بتكلمين أهلك بعد ما تخلص الأجرات
سمر: فيه إجراء لكذا
الموظف: أكيد هذا أمان دولة مو حيا الله
ريما سرحانة
رفيف: ريما خلاص بنرجع حنا في السفارة أمان
ريما: رفيف بقول لك شيء
رفيف: ها وش فيه
ريما : أبوي مثل ما تعرفين هو السبب في قتل أهل سلطان
رفيف: ما فيه داعي تشرحين وتتعبين نفسك هذا الماضي اللي فات مات
ريما: الموضوع عنك
رفيف بخوف: خير إن شاء الله
ريما: أبوك كان من اللي يشتغلون في التهريب وكان يساعد أبوي
رفيف تقاطعها بصراخ: كذابة أنتي كذابة علشان أهلي مهتمين فيني تبغين تفترين على أبوي لأن أهلك رامينك تبغين تخربين حياتي
ريما متوقعة ردة فعل رفيف: خلاص رفيف الكل يطالع فينا
رفيف: مراح أسكت لين تكذبين كل شيء
ريما: أنا ما أكذب
((( وبدأ ريما ورفيف يتضاربون والموظفين يفكونهم لين نجحوا وحطوا كل وحدة في غرفة)))
عند الشباب
كان راشد يسوق السيارة وجنبه سلطان ووراء تركي ثم خالد ثم فهد يسير وراء راشد أما رزان كانت في المرتبة الثالثة والباقي في الفندق
سلطان: ما أدري كيف نطوا
طلال فرحان بنحشه ريما: إن الله مع الحق
سلطان: أهم شيء نمسك ريما أما الباقي مو مهم
فهد: خلاص حنا عرفنا مين الزعيم ما فيه حاجة لريما والبنات خلينا نرجعهم
تركي: صح ثاني شيء هم في السفارة لا تقول تبغى تدخل السفارة وتسحب ريما من شعرها وتأخذها
سلطان: يعني أرجع رزان
خالد: هذا هو الحل خلاص سلطان خلص كل شيء عرفت من كنت تدور عليه
راشد: وصلنا
عند باب السفارة> بغيت أكتب النشيد بس حسيت إني بتكفخ
خالد: بروح أشوف إذا البنات فيه ولا لا
راشد: أنتبه لا يمسكونك
خالد: ما بقى غير هالدلوخ يمسكوني
((( راح خالد وسواء نفسه يمشي عادي وسمع الحارسين يتكلمون عن البنات ورجع للسيارة)))
خالد وهو يدخل السيارة: موجودين
تركي: ها وش بتسوي
سلطان: رزان
رزان: ها
سلطان: أطلعي
رزان: وين
سلطان: أطلعي الحقي خوياتك
رزان من الفرحة نقزت على حظن فهد وفتحت الباب حتى قبل ما ينزل
راشد منصدم: يعني خلاص
خالد إلي صد علشان ميشوفون وجهه: خلاص البنات راحوا وما فيه أمل يرجعون
تركي يناظر خالد وقعد يفكر في ريما: أخيرا حياة مثل باقي خلق الله
طلال: ( ريما أتمنى توصلين بالسلامة وإلا بموت): يلا شباب حركوا السيارة
رزان كانت تركض متوجهة للبوابة وتبكي وتضحك في نفس الوقت بس وقفت وألتفت على سيارة الشباب قبل ما يمشون وطاحت عينها في عين راشد
رزان بهمس: شكرا راشد " وكملت ركض"
راشد: ( أن شاء الله ما يكون هذا أخر لقاء وبنتقابل مرة ثانية وفي رأسي فكرة)" ومش الشباب
عند رزان والحارسين
رزان تلهث: أنا أنــــا
الحارسين ناظروا بعض وبصوت وأحد: مخطوفـــة
رزان منصدمة: أيوه أنا مخطوفة
الحارس1: يا كثر المخطوفات اللي جونا
الحارس2: ويا ليت حلوات وشقر حمر إلا سعوديات
رزان معصبة: لو سمحت
الحارس1: والله المسكين ذوقه يشق الأرض
الحارس2: تعالي أوصلك يا مخطوفة
دخلت رزان وقال لهم الحارس وش سار والكل أنصدم يحسبون ريما والبنات هم بس واتصلوا على السفير ونفس الموال أكلوها لبسوها شربوها ولا تتعبونها
رزان: لو سمحت
الموظف: نعم أختي
رزان: وين البنات اللي جو قبلي
الموظف: تعالي أوصلك
عند رفيف ونورة
رفيف: أوف من ساعة أقول لك ما فيني شيء
نورة: طيب ليه نفسيتك ضايقه وش قالت لك ريما
((( وتدخل رزان)))
رزان: هلا بنات كيفكم
نورة: وش سار كيف رجعوك
رزان: بعدين أقول لك وين ريما وسمر
نورة: تهاوشت رفيف مع ريما وحطونا في غرفتين منفصلات عن بعض
رزان: ليه
نورة: والله ما أدري كانوا يتكلمون عادي بعدها قعدوا يصارخون ويتضاربون
في مكتب فخم جالس فيه السفير وينطق عليه الباب
السفير: تفضل
السكرتير: حضرة السفير فيه اتصال لك
السفير: من مين
السكرتير: من واحد أسمة ....> بعدين تعرفون
السفير بخوف: حولي الأنصال لي بسرعة
طلع السكرتير وحول الأتصال
----------------------------------------
مكالمة السفير
السفير بخوف: ألوو
..: البنات وصلوا
السفير بخوف: ايوه طال عمرك حتى فيه وحدة ناقصة بس جات وكلهم كاملين
...: قول لي أسماء البنات
السفير بخوف يمسك ملف ويقرأ: رزان عمر الـ..- نورة محمد الـ...- سمر عبد الله الـ..- رفيف حمد الـ..
...: بس هذولا
السفير بربكة: لا معهم وحدة أسمها ريما سعود الـ..
..: شوف زي ما قلت لك
السفير: تأمر طال عمرك تبغى شيء
"" سكر السماعة في وجهة السفير""
عند سمر وريما
ريما بسخرية: مو قبل شوي أنا أكون خاينة وحقير
سمر: وما زلتي
ريما: سمر لا تلعبين بذيلك تراء أقطعة وأحسب ربي ما خلقك
سمر: تهديد يعني
ريما: أعتبريه اللي تبين
سمر كانت بترد وينطق الباب
يدخل الموظف: لو سمحتم حضرة السفير يبغاكم
((( يجتمع البنات في مكتب السفير)))
السفير: أنا كلمت الشرطة الحين بيوصلكم الحراس للمطار وبتركبون طيارة خاصة
نورة: وااااو طيارة خاصة
رزان تضربها بكوعها: فشلتينا الله يفشلك
السفير: مستحيل نخليكم تركبون طيارة عامة بتركبون طيارة خاصة تحت مرافقة الحراس وبتنزلون وبتوصلكم الشرطة لبيوتكم
سمر و رفيف: وأهلنـــا
السفير: أهلكم ينتظرونكم في بيوتكم ما نقدر نخاطر يجون في المطار وتسير مشاكل وصحافة نبغى قدر الإمكان لعشان نحميكم
----------------------------------
(((((( ركبوا البنات الطيارة الخاصة تحت حماية الحارسين إلي عند البوابة ))))>> عز الله راحوا فيها
الطيار بالمكبر: لقد هبطنا في أراضي المملكة
البنات يصفقون ويصفرون والحراس قعدوا يرقصون ويتنكسون من الفرح>> أحس إنهم فرحانين أكثر من البنات
وينفتح الباب وينزلون البنات إلا بسيارة الشرطة اللي تنتظرهم
الشرطي: أنا اللي بوصلكم لبيوتكم أركبوا
ركبوا البنات
ريما: مع السلامة أحمد سعدون >> الحراس المحششين
أحمد وسعدون: مع السلامة لا تنسن إذ سويتي مقابلة مع داود الشرياني قول أسامينا
ريما: والله ما أنساكم " يسحبونا البنات داخل السيارة
وتمشي السيارة
رزان: خير إن شاء الله ما أسرع طقيتي صداقة
ريما: والله إنهم خفيفين دم
نورة: يا بنت أستحي ترانا الحين في الرياض
ريما: طيب ماما نورة خلاص مراح أعيدها
سمر تكلم الشرطي: لو سمحت مو هذا الطريق اللي يودي الرياض
الشرطي بمكر: أعرف
البنات: وشوووو
ويكب الشرطي على البنات بخاخ مخدر وينامون البنات
الشرطي يوقف على طرف الطريق ويكلم بالجوال
الشرطي: ألو طال عمرك خطفت البنات
...: ودهم المكان المتفق عليه
----------------
الشباب وش بيسير لهم؟؟؟؟؟؟
طلال حمايته لريما لها سبب ووش يقصد ( ريما أتمنى توصلين بالسلامة وإلا بموت)؟؟؟؟؟
راشد وش خطته لرزان؟؟؟؟؟؟؟
من المجهول اللي خطف البنات وقدر يتحكم في السفير؟؟؟؟؟؟؟
البنات وش بيسير لهم وهل بتبدأ قصة جديدة لهم تمنعهم من الرجوع؟؟؟؟؟؟
عبد العزيز وين هو ووش سار له وهل بيرجع في البارت القادم؟؟؟؟؟؟؟
تركي ما هي مشاعره حول ريما هل هي حب أم لا؟؟؟
أبو رفيف يشتغل في المافيا أم أن ريما تكذب؟؟؟
خالد وريما ما مصير علاقتهم ؟؟؟؟؟؟