منتدى وندر لاند - عرض مشاركة واحدة

04-24-2020, 11:09 PM

هقولكم قصه حلوه اوي عن رسولنا الكريم - صل الله عليه وسلم - في يوم من الايام جاء رجل فقير من اهل الصفه ومعاه " قدح " يعني : إناء او طبق فكان فيه عنب ، فأخذه منه الرسول - صل الله عليه وسلم - واكل عنبه فتبسم للرجل وآكل الثانيه وتبسم للرجل وآكل الثالثه فتبسم مره أخري له ، والراجل كان جدا بإن الرسول بيأكل من العنب بتاعه بس الصحابه - رضوان الله عليهم - تعجبو..!
لأن النبي - صل الله عليه وسلم - كان دئيما يشاركهم أكله..اشمعنا المره دي مطلبش مشاركتهم؟
ف الصحابه كانو مستغربين جدا لأن الرسول - صل الله عليه وسلم - لما كان حد بيهديه أكل كان بيشارك الصحابه في أكله!!
بعد ما الراجل الفقير مشي وهو خلاص طاير من الفرحه.
" سأله أحد الصحابة يا رسول الله لم لم تُشركنا معك؟! فتبسم رسول الله- صل الله عليه وسلم - وقال: قد رأيتم فرحته بهذا القدح وإني عندما تذوقته وجدته مُراً فخشيتُ إن أشركتكم معي أن يُظهر أحدكم شيئا يفسد على ذاك الرجل فرحتهُ ."

ياربي هو في كدا؟!
أيوه رسولنا الحبيب صلوات ربي وسلامه عليه كان كدا واكتر من كدا (
وَإِنَّكَ لَعَلَى خُلُقٍ عَظيم.)
حالياً لو حد مننا والدته مثلاً او زوجته :
عملت أكل وهو مش عاجبه يفضل يتافف ويخبط يمينويرمي شمال وكأنها كارثه ، وممكن تكون والدته تعبانه ومكنتش قادره توقف في المطبخ اصلا بس مهانش عليها متعملوش أكل ، بدل ما نجبر خاطرها ونقولها تسلم إيدك الأكل كان حلو بس ناقصه شويه ملح او قللي الملح او اي رئيك انا نفسي المره الجايه تعمليلي كذا لان انا الاكل دا مش بحب أوي..كدا .
جبرنا خاطرها ومنها اعترضنا.

جبر الخواطر أنواع كتيره وطرق كتيره..اعترض بس حذاري تكسر بخاطر حد. :قلب أسود:

أتذكر مره بعيد ميلادي يللي فات صديقتي جابت لي هديه " شنطه " والشنطه دي مش من النوع اللي بلبسه فمكانتش مناسبه ليا نهائي وحتي إنها صغيره ومعرفتش ألبسها ، لما جات تقدمها لي صديقتي المقربه كانت يدوب هتقولها اني مش بلبس الاستايل دا ولا بحبه بس مسكت ايديها وقلتلها : الله بصي انا كان نفسي اجيب شنطه صغيره لان كل اللي معايا كبير وعاوزه وحده استخدمها برا الكليه..ربنا يباركلك والله وفرتي عليا مشوار وفلوس.
مشيت وهي ه ان هديتها عجبتني ، البنت اللي كانت واقفه معايا بتقولي بس انتي مش بتلبسي النوع دا كنتي قولتلها ومفيهاش حاجه لو رجعت غيرتها!!
فقلت لها : بالنسبه لك مفيهاش حاجه بس بالنسبه لها كسر نفس ، إحنا منعرفش اي ظروفها الماديه ممكن تكون جابتها علي كد ظروفها؟ وكمان متعرفيش الظروف اللي نزلت فيها تشتري الهديه وكد اي لفت وتعبت علشان تجيب هديه انا أحبها و تشوف السعاده في وشي ، مينفعش تردي هدية حد لمجرد إنها مش ملائمه ليكي..إجبري بخاطر الناس يبنتي علشان ربنا يجبر بخاطرنا بعدين.

من الأمور الجميله اللي حابه احكيها لكم
للعبره
إنه أيام الدراسه وبالاخص من مرحله الابتدائيه الي ما قبل الجامعه كنا مدرسه مشتركه بنات ( ابتدائي - اعدادي - ثانوي ) ثلاث مراحل تعليميه كنت دئيما خلال المراحل الثلاثه اكثر طالبه تشترك بنشاطت مدرسيه داخليه وخاريجيه فكنت دئيما التكريم من صغري لحد ما الأكبر مني والاصغر مني عرفوني و بقيت مميزه طوال السنين اللي فاتت وللان لحد تخرجي بنات تقابلني وتقولي : ياااااااه فايزه انا أعرفك من ايام كذا وكذا وكنتي كذا وكذا فكراني؟
لما كنت أقول لحد لا مش فكراك..كنت بحس البنات هتعيط وبالذات اللي اصغر مني.
كان فعلا كسرة خاطرهم.
دئيما بحس ولله الحمد اني ربي زرع في قلوب الناس محبتهم لي بدون اي سبب كنت اتميز ب اي مكان.. ليه؟ - معرفش.
بعض الوجوه كنت أعرفها ومتذكرش إسمها لحد ما تعودت أجبر بخاطر كل اللي يسلم علي واقول اني مش فاكره الاسم بس الشكل فكراه.

قسماً بالله أكاد ابصم بالعشره اني دئيما بحس ربنا هو اللي بيجبر بخاطري مش الناس ، هو اللي دئيما يبعتلي الناس في الوقت والمكان المناسب علشان يراضيني ، دئيما بحس انه جبر خواطري للناس بيترد لي أضعاف مضاعفه.

اجبرو خواطر الناس وانتو هتشوفو العجب والله..هتندهشو من جمال عوض ربنا ليكم. :قلب أسود: