منتدى وندر لاند - عرض مشاركة واحدة

مشاهدة أوسمتي · 06-25-2020, 10:12 PM

ميم

مسائك سعيد يا بنتي
كيفك أخبارك
والله قطعتي لي قلبي يعني هاي المرحلة أسوأ شي ممكن يمر فيها الواحد ما بين خيار الأهل وخيارك الشخصي..
لكن يا مبدعة
في حلول وسطية بترضي الطرفين وفي حلول بتكون مجبر تزعل واحد منهم
يعني بما إنك طلبتي نصيحة يا عمري ف وجه نظري ك الآتي
شوفي إنتي عندك حلم ومستقبل حابة تحققي وشايفة حالك في وبنيتي عليه أشياء كتيرة لكن لما والدك العزيز وافق في البداية وبعدين رفض وبشدة من دون سبب أو يبرر لك ف أعتقد في سبب وسبب قوي ليعمل هيك. وأتوقع يكمن ما يحكي لك ويمكن استشار أشخاص عارضوا ه الحلم و ه الأشخاص مهمين عند والدك ف أخذ برأيهم وقرر يحطك بمكان تاني، والتوقيع الأخير يمكن يا عزيزتي مو شايف ه الحلم مناسب لالك وشاف الإيجابيات أكثر من السلبيات لهيك رفض أنا بس بتوقع.
إنتي بهيك حالة شو بدك تعملي
جيبي اختيارك واختيار والدك انسى إنك بتحبي واحد منهم وقارني قدراتك فيهم أنو بقدم فيهم إبداع أكتر أي واحد بناسبني أكتر وحطي ايجابيات وسلبيات الهم وبعدين قرري ونصيحة منك خدي حلك بأقل الخسائر في مقولة بتحكي أحب ما تفعل لتخب ما تعمل وإنتي افهميها
عزيزتي مزبوط أهلنا مو دائما معنا بالشي يلي بنحبو لكن هو أكيد ما راح يفكروا بس مجرد تفكير بتدمير أحلامنا
إذا إنتي مو شايفة حالك أبدا إلا بهاد الحلم فكوني عقلانية واقنعيهم بالعقل مو بالمهاوشة ولا بالصراخ والوقت المناسب وخليهم يشوفوا قدراتك وابداعاتك بحلمك وقتها أكيد بكونوا معك
فكري منح ه الحلم شو راح يعطيني لما أعيش في وقارني بعدين
بعدين شغلة قصة الزواج هاي موجودة عند الكل والكل بفكر هيك يعني البنت راح تكون آخر شي لبيت زوجها ومن ه الحكي القديم ما عليك إذا اجت السيرة أحكي لهم لما يجي النصيب وقتها الحمد الله وبنفكر.
بتمنى أكون أعطيتك ولو نافذة صغيرة لتاخدي قرار مصيري متل هيك ويارب ما تنجبري ع المعارك ههههههه ولا تفكري بهاي الطريقة كل ما كنتي هادية بتاخدي إلى بدك اياه تمام صديقتي
والله يهديك ويحقق لك الأحلام إلي بتحلمي فيها ويارب كل شي بتحبي يكون مكتوب في قدرك والله يكون معك ^_^
بالتوفيق عزيزتي المبدعة