منتدى وندر لاند - عرض مشاركة واحدة - ألماسي |• دِهليز الرعب

05-14-2020, 02:55 AM

Y a g i m a

انا رجعت احم احم
لعيووون لافي الجميلة اجيت قصلكم اللي حكيتها بالتيلي

هاد ياستي ببداية زواجي وصلتني هدية من صديقة او زميلة الي
كانت عبارة عن تماثيل بشرية هيك اربعة يمكن كان عددهن
المهم انا ماكنت بحبن ومابحب حطن بالبيت بعرف فيها اشكال وهيك
بس ماهان علي ارمي هدية فورا
فحطيتن بالغرفة الفارغة بالمنزل واللي هي هلا غرفة ولادي
كانت فاضية تماما ولاقطعة اثاث فيها حتى اني حطيتهن عالارض
والغرفة عطول مسكرة ماحدا بيدخلها عادة
المهم
من لما حطيتن هونيك كان زوجي بيطلع الفجر بكير عالشغل وبظل لحالي
وقتها كنت اسمع اصوات مرعبة وبجثم بمكاني مافيني حرك جسمي ابدا وانا بين الصاحية والنايمة هيك وبشوف طيف ابيض عم يمر علباب بس مابيدخل الغرفة
وكنت حس حدا عم يسحبلي رجلي ويشدلي الغطا
فكنت التقط انفاسي بصعوبة والله مافيني اوصفلك الشعور مثل كأنو الموت عم يجيكي فكنت برتعب كتبر الخالة كانت تطول معي مابعرف كم من الوقت بالضبط
وبس تروح ويرجع كل شي طبيعي كنت اسحب انفاسي بسرعة وجسمي يرجف وبتصل عزوجي بخبره يجي وانا بحالة هستيرية من الخوف والبكي
وفعلا ماكان يخجلني ويجيني ياخءني عبيت اهلي
وبكل يوم كانت تتكرر الحادثة بس يروح عالشغل لمدة اسبوع كامل
كرهت فيه حياتي وماتحملت ابدا اكثر
بهداك اليوم سمعت صوت مخيف وشفت باب الغرفة اللي فيها التماثيل مفتوح شوي.. دخلت وشفت النور مضوى وكنت بطفيه ومابدخلها ابدا
لقيت وقتها كل التماثيل رؤوسهم مقطعة بنفس الكيفية والشكل
رجف جسمي والله خوف وبس اجيت اطلع لقيت بصمات ايادي عالباب باربعة اصابيع معظمها وبطريقة غريبة
اجا زوجي وخبرته واخءنا التماثيل كبيناها بالبحر
من يومها صرت نام طبيعي الحمد لله نوعا ما كمان مش تماما
بس البصمات ماراحت من الباب ابدا والله عملت كل شي امس بس مسحتها من جديد بمنظف قوي اختفت لمدة ربع ساعة ورجعت تماما كما هي من سبع سنوات لما صارت الحادثة

صارت احداث خفيفة بعد هي الحادثة من احلام وكوابيس
واحيانا كنت بشوف اطياف بيضا عم تمر بالغرفة
بس بظل حاول خبر حالي انها مجرد اوهام
ويارب تكون هيك