السلام عليكم
اخبارك نوتس؟عامله ايه؟
ان شاء الله تكوني بخير و الصيام تمام معاك في الجو دا
رجعتينا لذكريات مؤلمه والله ، اكتر حاجه بترعب منها للان هي الحقنه
قصه رعب حقيقيه والله
يكفي بس انه حد يقول لنا هتسكت ولا اجيب الحقنه؟ لا يا باشا هسكت والله وهجيب ناس تسكت بس الله يخليلك عيالك متجيبش الحقنه
ايام ابتدائي لما كنا ناخد حقنه التطعيم كانو يكتفوني تنين ، ودا طبعا بعد محاولات هروب كتييير اكثرها انا تعبانه يا مس و بطني وجعاني ينفع ماخدش الحقنه؟ وبردو بخدها
وكنت كل ما يقرب دوري انا واصحابي نرجع اخر الصف و هكذا كل مرة لحد ما نتقفش و ناخدها بردو
فاكره مره كان عمري 9 سنين تعبت وكذا والدكتور قوم اكتب لي علي حقنه
امي كتفتني رحت عضيتها في ذراعها
الحمد لله في دا اليوم اخدت حقنه وعلقه سخنه
الغريب بالموضوع انه حاليا انا اللي بضرب حقن وبركب كانيولا وهكذا
بس الحمد لله يدي خفيفه و محدش بيحس لله الحمد
ورغم كدا بردو رهبه الابره لسه في قلبي
#العمااالقه