منتدى وندر لاند - عرض مشاركة واحدة

مشاهدة أوسمتي · 04-09-2020, 11:10 PM

السلام عليكم
تعرفون هالفترة مع الحجر المنزلي واغلاق صوالين الحلاقة
أمي الله يحفظها ماتحب تشوف أحد شعره طويل ودايم تحرص علينا نرتب شعورنا ونحلقها
اختي تطوعت اليوم وقالت انا الي بحلق لهم !

انا اتوقع ان اختي تسرعت نوعاً ما بسبب عدم وجود الخبرة في المجال
المهم انا رفضت رفض قطعي تقرب من راسي جلست أتخيل نفسي بالنهاية كيف بيصير
اخوي فاجأنا ووافق لأنه راسه صاير غابة ماشاءالله ويحتاج تدخل حلاقي بأسرع وقت
المهم جهزنا العدة لأختي وحطينا الكرسي قدام المراية يعني الوضع صالون حلاقة مرة ماعندها عذر

اختي تحمست شوي وجلست تشوف اشكال حلاقة من النت وتسأل اخوي وش الحلاقة الي يبيها
اخوي قالها حلاقة عادية تخفيف بس مايبي شي ثاني أتوقع هاللحظة بدا يخاف
المهم راحت اختي لبست المريلة وضبطت أمورها وجابت سفرة ربطتها على رقبة اخوي وسمّت بالله

لو أقولكم انها اخذت تقريباً ساعتين ونص في الحلاقة مين بيصدقني ؟ هنا الاتقان في العمل !
الأهم من كذا النتيجة في النهاية كانت مبهرة ي اخوان والله محد توقع فينا :')
رغم انها اول مرة تحلق بس العزيمة الي كانت عندها طلعت مواهبها المدفونة ماشاءالله
والله تمنيت اني مصور راس اخوي قبل وبعد بتنبهرون ياخي
اشكر اختي من هالمنبر وأدعو الجميع للبقاء في المنزل والحلاقة الشخصية او تخلي احد من أهلك يحلق لك
Stay home , Stay safe