منتدى وندر لاند - عرض مشاركة واحدة - [الختم الإداري] كاستلفيانِيا

مشاهدة أوسمتي · 09-04-2022, 01:49 PM

@باران;

السلام عليكم ورحمه الله وبركاته
كيف الاحوال ؟
يارب كل حاجه تكون بخير
كنت حاسه بملل وبدور على فيلم انمي اشوفه بس دورت كتير ملقتش
افتكرت أن في قسم للانمي هنا فجاه
واخترت اخر موضوع موجود في القسم ومن غير سبب صراحه
قريت اسم الانمي وعرفت أنه مسلسل ورحت ابص على الحلقات لقيت الموسم الاول 4 حلقات فقولت مناسب صراحه
التصميم جميل جدا بالمناسبه
رحت جري بقى على مكاني المعروف انمي سلاير وبدأت اشوفه
الرسم بالنسبالي نوعا ما حلو لاني بشوف صراحه الانميات الجديده ونادرا لما اشوف أنميات قديمه .. بس واضح اني هغير رأيي قريب
التحريك برضه مش حلو اوي بس كويس يعني
محستش بالخوف نهائي بس حسيت أنه كوميدي!!
انا دايما بقول على نفسي اني بحس غلط
حبيت دراكولا جدا حسيته لطيف اوي
المسلسل فيه شبه من فيلم كوستلفانيا
إن دراكولا حب واحده واتجوزها وخلف منها بنت وبعدها البشر حرقوا البيت بتاعه
بس هنا مختلفه شويه .. حرقوها هي
الانمي فيه حاجات حزينه بس للاسف مش لدرجه تخليني اعيط
كان نفسي اعيط صراحه
الانمي بيظهر بجد قد ايه البشر متخلفين وبيسيطر على عقولهم غباء لا نهائي
مسلسل انمي برعايه نيتفلكس
كنت عايزه احرقه كله في الرد بس قولت حرام عشان الناس اللي مشافتهوش
خلينا نشوف التقرير بقى اخيرا
الانمي معمول من لعبه ؟ لطيف
اظن اني شفت 4 اجزاء للانمي اتذكر منهم 3 بس
الرمزيات جميله جدا فعلا
موقع الطماطم الفاسده ! .. لا تعليق
حبيت التقرير جدا بجد .. الانمي جميل فعلا
اشوفك في موضوع جديد
في امان الله