منتدى وندر لاند - عرض مشاركة واحدة

09-30-2023, 03:30 PM

-

تعرفوا شو ؟
مرة ما أحب أكون حزينة أو ضعيفة، ولا أحب ابعث هالشعور لأحد
بس بالأخير نبقى بشر xD لا بد ونطيح بهالشعور شوي مهما كنا أقوياء ..
والمهم إنو ما نطول ولا نسمح له يتمكن منا ~

فجاية أكتب تدوينة ثانية عشان لا اكون تركت فيكم شعور مو حلو وبس !
رغم أن الحياة واسعة وفيها الزين والشين، وبفضل الله ألاقيني دائمًا قادرة أقوي نفسي بسرعة
وأركز عالحاجات الحلوة وأصنعها لنفسي

. .

يوم الخميس كان عندي اختبار نصفي .. وطبعًا داومت له وانا سهرانة
ويا ليتني ختمت المنهج هههههه ورحت من بدري عالجامعة على اساس اكمل مذاكرة هناك
لأن لو قعدت بالبيت بنام وما حقدر اسيطر على نفسي
بس احرزوا ايش ؟
نمت بالجامعة هههههههههههههه والله صياح من كثر الضحك !
أول مرة انام بالجامعة .. بس مو نومة نومة، هذيك الغفوة الصغيرة اللي تبقين حاسة بالدنيا من حولك
كأنو نص نايم ونص صاحي xD
اللطيف وشو ؟ إني كنت بقاعة فاضية اذاكر ومعايا بنت ما اعرفها بس جالسة تطالع مسلسل
صح ان الصوت حق المسلسل ازعجني الله يصلحها ما اعرف ليش رافعته !
لكني يوم غفيت وقمت ، لقيتها مب موجودة ولقيت باب القاعة مقفل ..
يعني كأنها طلعت عشان ما تزعجني .. مرة يا ناااااااااس

< طبعًا الغفوة ترا ما تجاوزت ربع ساعة بس جد فادتني وقوتني، مع ان كان نفسي أنام أكثر بس استحيت الحمد لله هههه

المهم لو ما تعرفوا فأنا الحمد لله بترم التخرج ، واعتقد ما يحتاج اشرح قد ايش هالترم ضغط وزحمة
وعلى قد التعب الا اني شاكرة لله جدًا ، نعمة عظيمة أن وقتك يكون مليان .. ومليان بما فيه منفعة لك بإذن الله

وفوق ضغط مشروع التخرج والمواد الباقية وشغل حلقات القرآن .. قررت اسجل ببرنامج كاوست xD
+ مسجلة باختبار الرخصة المهنية < مب متأكدة اني بصير معلمة بس ودي استغل كل الفرص
++ اختبرت رخصة القيادة وحبدأ تدريب بعد كم يوم ..
يعني كمية المهام اللي بحياتي صدق لا تعد ولا تحصى .. مش بس ححترق، إلا حصير رماد بس يا رب أعني

يشوق مرة إني أرجع للتدوينة بنهاية الترم وأتأمل كيف كله عدا بخير وعلى خير!
هذا يقيني بالله وثقتي به كبيييييييييييرة

+++ بخصوص برنامج كاوست ، مقدمين برنامجين : 1/ ذكاء صناعي، 2/ معلوماتية حيوية
محتارة بينهم .. ودي بالذكاء الصناعي لأنه قوي مرة ومشروع تخرجي بهالمجال ..
بس بنفس الوقت المعلوماتية الحيوية محمستني! وكان نفسي اخذ فيها ماستر.. فيمكن هذا يغنيني؟
عمومًا حستخير هاليومين وأقرر ..
بس المهم إني أتجاوز كل المراحل لين اوصل للتدريب الصيفي بكاوست !
من جد يا جماعة هالشيء حلمممي هالفترة

يا رب وأنت ربي

إذا قريتوا التدوينة لين هنا .. من جد أحبكم

الله يجبر خواطركم ويرضيها

++ الحين بروح أحاول أنجز بمشروع التخرج.. يا رب ارجع بالليل اقول اني انجزت وتحطون لي نجمة xD

لا إله إلا أنت سبحانك اني كنت من الظالمين ~