منتدى وندر لاند - عرض مشاركة واحدة

08-04-2022, 03:43 AM

@Y a g i m a;

السلام عليكم
عامله ايه يا جميل؟!
ان شاء الله تكوني بخير
مواضيع نقاشك دايماً بتخليني عاجزه لفتره عن الرد ، لازم اخد ساعات علشان اعرف اجمع لها رد مناسب
فـ شفت الموضوع من اول ما نزل بس ما لقيتش رد
وفتحته مرتين كمان مفيش
بس بعد تفكير خطر لي سؤال : ليه بنقول على البدايات انها جميله و سعيده و بنحكم عليها بالجمال رغم أنها حاجه عاديه او مش جديده؟! زي بالظبط انه كمان ليه نحكم على النهائيات انها قاسيه و مش متوقعه؟!

كون اننا بنحط لكل حاجه و كل شخص حجم فوق منه فهو دا اللي بيخلينا نتحمس لفكره انه بدايه جميله او نهايه قاسيه ، ليه منخليش لكل حاجه و ولكل شخص حجم معين من التوقعات بحيث إننا منستغربش منه بعدين؟!
ليه لازم لما نتعرف على حد جديد في فتره معينه و نلاقيه واو و حاجه جميله نقوم حطينه في مكانه عاليه في حياتنا من اول كم شهر شهرين معرفه!!
مفيش حته الصبر عندنا ابدا ، اول ما نشوف موقفين حلوين او نسمع كلمتين حلوين علي طول نحب ، على طول نتعلق ، على طول نقوم قايلين إنك اكتر شخص بيفهمنا ، كدا كدا > احنا مننا لله اصلآ

بجد والله لازم بعد كم المواقف و الحجات العجيبه الغريبه اللي بنصادفها مفروض منحكمش على اي بدايه ابدا بأنها جميله علشان بناخد فوق دماغنا بسبب التسرع بتاعنا دا ، حتى النهايات مفروض مندهاش حجم اكبر منها ونسميها نهايات قاسيه و حزينه و نديها فوق حجمها من الزعل ، انا بشوف انه مفروض نخلي في مسافه في كل العلاقات و منديش اي حد او اي شخص الأمان " انا بحبك و كل حاجه حلوه بس مستني منك لحظه غدر و قله أخلاق هشوفهم في اي لحظه و اي سبب".

طبعاً دا ميمنعش ولا يمحي وجود قيمه للناس اللي بتحافظ على بدايتها و تكون ونعم الاختيار ، زي ما في الصالح كمان موجود الطالح و الحمد لله كنت محظوظه و صادفت الاتنين في حياتي

قبل ما انهي كلامي جذبني سؤالك الثاني
وكيف تكونون مع الشخص الذي ربطتكم به علاقات بداياتها رائعه وتنتهي بنهايه غير متوقعه اي نهايه سيئه ؟
شف هي خطوات :
- اقوم من مكاني.
- افتح الباب.
- نفس حركه توم - علي برا -
- انفض يدي و اغسلها بديتول.

ربنا يجعلنا خفاف على الناس وميتقلناش ابدا علي اي بشري
في جمله حطيتها بمدونتي في اول صفحه بتقول " البدايات للكل ، والثبات للصادقين "
دمت في حفظ الله
تم الختم + جاري كل ما هو جميل + يثبت ل اسبوع