منتدى وندر لاند - عرض مشاركة واحدة

مشاهدة أوسمتي · 05-20-2022, 08:46 AM

السلام عليكم ورحمه الله وبركاته
كيف الاحوال
يارب كل حاجه تكون تمام
التصميم جميل جدا وهادي حبيت
يلا نشوف الروايه
موعد على العشاء
سوري متتت
افتكرت فيلم مصري واحده قتلت جوزها حطيتله سم في الاكل
مواعيد قاتله
الروايه عباره عن حروب نفسيه بين الاطراف؟
-النوع : قتل ، جرائم ، تحقيق ، إنتقام ، غموض
ولا اروع
بحب التصنيفات دي جدا بجد
والتحقيق ؟
المحقق كونان جاي في الطريق
بحب اشغل دماغي العطلانه دي وربي
متحمسه لتحليلاته الفهلوانيه
ده انتي هتشوفي مواهب استني بس
-واتباد؟
بكرهه بمعنى الكلمه
بس كويس انك جبتيها هنا
الروايه بقالها سنه تقريبا وواضح انك لسه مكملتيهاش
اتمنى متسحبيش عليها بجد
لو عملتي كده هدخل ملفك كل يوم وازن على ودانك
مثل بالمصري بيقول الزن على الودان أمر من السحر
يلا نتكلم عن الروايه نفسها
حبيت طريقه وصفك في المقدمه
مفيهاش كلمات من الصعب فهمها
عن نفسي مش بحب الوصف العميق اوي اللي يخليني احاول أفسر الكلام اللي بين السطور
حسيت أن الروايه بتتكلم عن شخص عمل جريمه ولسه متمسكش وشخص تاني مظلوم اتسجن مكانه مثلا؟
او شخص عمل جريمه وشخص تاني بيحاول ينتقم منه
ممكن
ماتسوكا رين
مجرم غير مسجل وهارب؟!
شبه الداده دودي متتت
يلا نبدأ صياح على الروايه
خليني ابدا اول تحليل
" 25 : 9** ( 1 ) "
ده وقت القتل ورقم الجريمه
شكله هيبقى قاتل متسلسل
اتمنى مطلعش كلاون
" توفت الضحية في الساعة pm 9 : 25 "
ايوه بقاااااا انا قولت ده وقت القتل واكيد رقم واحد هو الجريمه الاولى
ماريغريت طبيبه نسائيه ؟
ممكن تكون قتلت حد من غير قصد ؟
او ممكن تكون كانت بتعمل عمليات غير مشروعه ؟
او ممكن تكون أذت القاتل في حاجه قبل كده
-أُقتُلِعت عيناها بطريقة وحشية وقُطِعت أصابع يديها الواحدة تلو الأخرى من طريقة القطع نلاحظ أن المجرم ليس محترفاً حيث أن القطع لم يكن بالتساوي وليس صحيحاً ، ولكن المشكلة هي كيف فعل ذلك دون أن يقيدها وعلى حسب التشخيص فلا وجود لأي أثر لحبل أو خيط
ايه البشاعه دي؟
اكيد عملت حاجه كبيره
احيه احسن يكون القاتل سايكو وعايز يقتل وخلاص ومفيش هدف نبيل أو حتى ابراهيم في الموضوع !!
ثااااانيه واحده كده
المشتبه بيهم واحد ابنها وواحد شغال معاها في المستشفى
والتانيين مفيش علاقه تربطهم !!
او ممكن يكونوا اصدقاء؟
المحقق كونان هنا
بالرغم اني متاكده أن محدش منهم القاتل
ليه؟
عشان انتي ذكرتي اسم القاتل في المقدمه ماتسوكا رين
اوكى ماركوس مفيش شك حواليه بالرغم أنه متماسك بطريقه غريبه
بس ممكن يكون هو ووالدته مكنش فيه عمق في علاقتهم
توشيرو حجه غيابه مش قويه ومفيش شهود أنه كان في بيته وكمان ماركوس قال إنه لحوح في شراء البيت بتاع والدته
ميشيرو ؟!
يعرفها من 20 سنه
اوكى انا دائما بشك في اقرب الأقربين بس هو اتكلم عنها كويس
معرفش بس هو كده كده في خانه المشتبه بهم بس في شهود على وجوده في غير مكان
سايتو عادي بالنسبالي مش شاكه فيه اوي برضه وعنده حجه غياب وشهود
اوكى حجه غياب الكل موجوده ماعدا توشيرو
توشيرو الوحيد في القائمه دلوقتي
بصمات تانيه ؟
السيده العجوز كانت موجوده مع زوجها
احطها في القائمه بعد توشيرو
لان جوزها ممكن يكدب وبالرغم انها عجوز وصديقتها لكن انا برضه شاكه فيها
عدى اسبوعين ؟!
في جريمه هتحصل انا متأكده
ممكن في نفس وقت ارتكاب الجريمه الاولى؟
هيييه البارت خلص بسرعه
اعتبريني من متابعينك
بانتظار الفصل الجاي
في أمان الله