@PERSPOLIS;


السلام عليكم
نووري عامله ايه؟! يارب تكوني بخير و بصحه
كل سنه وانتي طيبه يارب ورمضان مبارك عليكي
ويجعله شهر خير وبركه عليكي اللهم امين
الحقيقه من اول ما فتحت القسم وشفت اسم عمر بن الخطاب متردددتش لثانيه اني افتح الموضوع بسرعه ، وكما توقعت طالما ذكر اسم ابن الخطاب ذكر معه كل ما هو جميل
رغم اني قرأت الموضوع من كم ساعه بس قلت مش هكتب رد الا لما ابقي فاضيه تماما علشان حرفيا سيدنا عمر بن الخطاب اللي تسطر تاريخه بماء الذهب ، مينفعش ينكتب عنه سطرين و السلام .

خليني اولا ابدا من التصميم اللي يشرررح الصدر من رقته و لطافته ، تصميمك؟
فكرة الكتابه ع الخلفيه نفسها ابدااااع و اكيد اخدت مجهود جبجباااار منك ، الفواصل والخلفيه الوانهم تسيطر علي النفس و تفتحها ، صدقا التصميم و التنسيق جميلين
ترتيب المعلومات و التنسيق شغل يحترم و مجهود يقدر والله تستاهلي الالماسي
الاقتباسات لاقوال سيدنا عمر فخمه حبيتها
مدحنا التصميم والتتسيق و خلصنا ؟! ندخل علي المهم

شوفي سيدنا عمر رضي الله عنه هو احب احب احب الصحابه الي قلبي ، يشششهد الله اني احبه حب جم ملوش وصف ، ياخي والله وبالله انه تاريخ عمر بن الخطاب من اعظم واجمل و ارقي وافخم الامور اللي في ديننا الاسلامي ، شخصيه تخليك ترفع راسك لفوق وتقول بصوت عالي انا من الأمه التي انتني اليها و اعتنق دينها عمر بن الخطاب
دي مش مبالغه ، من قرأ تاريخ بن الخطاب لقشعر جسده من هول عظمته و عدله ، من بعد بن الخطاب لا وجود للعدل في بلاد المسلمين .

عمر .. قالو فيه " احتار الخلفاء من بعدك يا عمر "
عمر .. اللي من شده عدللللله وخوفه من حساب ربه كان بيخاف انه شاه في اخر بلاد المسلمين تجوع او تموت ويسال عنها
عمر .. اللي كان في اوج عظمته و ملكه وخلافته ، كان ينام علي حصير ويفترش التراب و باقي الملوك الاقل منه ينامون علي حرير
عمر .. الذي شهد سنين قحط وكان يربط الحجاره في بطنه و يوبخ بطنه ويقول لها " قرقري او لا تقرقري لن تذوقي طعم اللحم ما دام المسلمين جاعين "
والله وبالله انه التاريخ برغم كل ما ذكره عنه الا انه لم ينصف بن الخطاب مقدار شعره واحده

تعرفي سيدنا عمر في مره كان مستعجل و ماشي في السوق يترقب امر المسلمين ، وكان واقف مع جمع من الناس وجاء له شخص يشكوه انه احد الصحابه زعله ، فسيدنا عمر فيما معناه قاله انت جاي تشكيني امر تافه وانا واقف بشوف امر الرعيه ونكزه بعصي يتكي عليها فيما معناه انه يرجع و يسيبه يشوف شغله ، بعدها بدقائق سيدنا عمر قال لنفسه " الويل لك يا عمر بئس ما فعلت " عاتب نفسه انه احرج السائل ومسمعش شكوته و بعت التابع اللي معاه يروح يجيب الراجل ، فجابه واعتذر منه و الراجل سامحه بس بعدين سيدنا عمر يعمل ايه ؟!
سلمه نفس العصا و قاله اضربني في نفس المكان اللي ضربتك فيها و بنفس القوه ، فالراجل استغرب انه ازاي يمد يده علي الخليفه فرفض ، فسيدنا عمر نهره وقاله يا تضربي يا تسامحني و تدعها لله .. فالراجل رفض وسامحه في الله
الحقيقه دا من اجمل المواقف اللي حفظاها لسيدنا عمر

من كتر هيبته و وورعته وشده ايمانه و حسن اسلامه في مرة صعد النبي صل الله عليه وسلم جبل احد ومعاه بن الخطاب و ابو بكر و عثمان ، فالجبل اهتز بيهم فقال النبي صل الله عليه وسلم لجبل احد " اثبت احد فان عليك نبي و صديق و شهيدان " ، ومن هنا عرف سيدنا عمر انه هيموت شهيد وسبحانه قد كان وتوفي شهيد بالطعن .

من كتر جمال مواقفه مش عارفه اكتب ايه ولا ايه عنه ، حافظه له مواقف كتيره الحمد لله ، بس من المواقف اللي فعلا فعلا تثبت انه يستحق لقب الفاروق و تثبت مدي عظمه حكمته ، انه حصل موقف ايام خلافه سيدنا عمرو بن العاص لمصر انه واحد من اولاد سيدنا عمرو تجبر علي واحد من عامه الشعب بمصر وضربه وقال له انا احسن منك انا عمرو بن العاص هو الخليفه اما انت فمتشرد وهكذا ، الراجل دا راح شكي ل عمر بن الخطاب وحكي له فسيدنا عمر بعت فورا لابن العاص بمصر وقال له ياجي له ويجيب معاه ابنه الفلاني وموضحش السبب ، وفورا نفذ سيدنا عمرو امر الاستدعاء وراح لدوله الخلافه لسيدنا عمر وكان في جمع من الناس وقص علي بن العاص شكوه العبد ، وبعدها امر بابن سيدنا عمر فجابه وساله انت ضربت وسبيت فلان الفلاني بكذا وكذا فعترف بانه عمل كدا ، فسيدنا عمر طلب من العبد يضرب ولد بن العاص ويتشفي منه وياخد حقه ، ففعل.
وبعدها طلب من العبد يضرب سيدنا عمرو بن العاص لانه السبب في ان ابنه طلع بالترببه دي ووقتها قال مقولته الشهيره " اتستعبدون الناس وقد ولدتهم امهاتهم احرارا "

من اجمل الكتب اللي قراتها وتتكلم عن سيدنا عمر بن الخطاب كتاب اسمه " عندما التقيت عمر بن الخطاب " ، صدقا الكتاب فخااااااااااااامه ما بعدها فخامه ، جايب الشخصيه بكل تفاصيلها بطريقه رائعه جدا جدا جدا و علمني امور كتيره عن سيدنا عمر .. من كتر جماااااال و حلاوة الكتاب قرأته 3 مرات

صدقا صدقا مهما قلنا ومهما تكلمت عن سيدنا عمر مش هدي له حقه
اتمني بس من الله انه يجعلني انال شرف لقاءه ، ويجمعنا به وبالحبيب عليه الصلاه والشلام في جناته
وفعليا نحن بحاجه مااااسه لعمر بن الخطاب والله لو انه موجود لبكي حسرة علي حالنا .. تمنيت اكتب اكتر من كدا و عندي كتير بقلبي والله
بس خلي فرصه لمن اراد المشاركه

اتمني ما اكون ازعجتك بالرد والكلام الكتير ولكنه والله كتب بكل حب
شكرا ليكي يا نوري علي الموضوع الرهيب وعلي الشخصيه الاسطوريه التي لن يكررها التاريخ مرة تانيه

اسيبك في امان الله وحفظه .. مع السلامه

#العمالقه