منتدى وندر لاند - عرض مشاركة واحدة - ظننت أني طماعة لكن بفضل الله وحده تحقق كل ما كان مجرد خيال..♡♧

مشاهدة أوسمتي · 05-22-2020, 06:55 PM

السلام عليكم ورحمة الله وبركاته
مريت على موضوعج قبل، وكنت للحين ماخلصتيه.
فاحييين ييت عشان أرد.
أول شي أحب أقوله. مجهود جبارر.
أحلى شي في الموضوع انه يايي من جهد، لا نقل ولا شيء.
وهالشيء واييد استانست علييه، فيعطييج العافية.
قريته أمس بس في شغلات مافهمتها

ورجعت قريته اليوم.
أكثر شي جذبني الحيوان. أول مرة أسمع عنه.
وسبحانك يا ربي. الله أعطاه هالقدرة العجييبة.
تذكرت لما كنت أقول حق اختي أنه الله سبحان وتعالى رزقنا بأعضاء بجسمنا تسوي شغل المصنع.
الانسان مهما مرت السنين وحاول أبد مابيقدر يوصل لقدرة الله.

وبدلا من ذلك عليك ان تؤمن
بالصحة التامة والرخاء والأمان والعناية الإلهية.

فعلاا. إذا الله رزقنا الصحة والعافية، ليش أأذي نفسي؟
في شغلات على كثر ما نحاول نوقفها أو نقلل منها مانقدر "نفس التوتر والتفكير الدائم"
واللي شوي شوي بيسبب الارق وبالتالي ارتفاع ضغط الدم ..ألخ
ليش أمرضني إذا انا صاحية؟

ربما بالدعاء والامتنان والشكر
يكون البعيد قريب

فرحة أنك تحصل الشيء اللي تبيه بعد الإلحاح والدعاء فرحة عظيمة.
فشلون إذا الله زادها لك؟ لك الحمد ربي

صحيح نفس ماتفضلتي، الوقت ثمين. اليوم قام يخلص بسرعة. بس لما يخلص بدون مانسوي شي مفيد؟ اكبر خسارة
وعلى ذكر هالنقطة، تذكرت حديث للرسول "رَوى ابنُ حِبَّانَ والترمذيُّ في جامِعِه أنَّ رسولَ الله صلى الله عليه وسلم قالَ: “لا تزولُ قَدَمَا عبدٍ يومَ القيامةِ حتَّى يُسألَ عن أربعٍ عَن عُمُرِه فيما أفناهُ وعن جسدِهِ فيما أبلاهُ وعن عِلمِهِ ماذا عَمِلَ فيهِ وعن مالِهِ مِنْ أَيْنَ اكْتَسَبَهُ وفيما أنفقَهُ “

النقاط الي تكلمتي عنها وايد مفيدة وحبيت توجهاتج لها.
إضافة الكتب، فكرة خطييرة. يعطييج العافية