منتدى وندر لاند - عرض مشاركة واحدة

مشاهدة أوسمتي · 04-17-2020, 03:19 PM

كنّا جالسين ناكل وكذا واجت أختي الكبيرة ماسكة صينية فيها صحون ف اختل توازنها،
واجت بتوقع الصحون بس أنا مسكتهم بسرعة وأنقذت الموقف :3.
إلا بحكي لعبودي - أخي الصغير - شو رأيك بالإنقاذ؟ وبلشت أتفاخر شسوي مش بايدي.
وبعدين طلعت بفكرة يحطولي متل إشارة باتمان لأنقذ الموقف وعبودي أبدى تأييده xDDD.
وبعدين اخترعنا أغنية "لينو هيَ الحل" رح أقلكم إياها رغم إنها فضيحة.
واقع بمشكلة كبيرة ومش عارف شو تعمل، لا تصرخ لا تقول ول،
لأنه لينووو هي الحل.
م معاك وقت تجلي الصحون، أي هيني أنا هون،
لينو هي الحل.
بدك تقعد ع اللاب، بس اجا الباسوورد بعد لانساب، لا تروح تعيط ع جروب الواتسآب،
لأنه لينووووو هي الحل.
لينووو هي الحلل.
لينووو هي الحلللل.
وتخيلونا قاعدين ع كرسيين جنب بعض وبنهز راسنا وبنتمايل يمين ويسار واحنا بنغنيها xDDDDDDD.
طبعًا الها تكملة بس أنا بحتفظ بكرامتي الباقية.
وطبعًا الخدمات مو ببلاش، لا فيه جواتي تاجر صغير بحب يستثمر، لهيكا كله بأجره.
أوكيه خلاص بسكت xDDD.