السلام عليكم ورحمة الله وبركاته
شخبارج يالجميلة؟ امبارك عليج الشهر الفضيل
رمضان احسها فترة مخصصة لنا أحنا بس.
بالأيام العادية تكونين لاهية بألف شغلة، ويه الأهل ويه الدراسة.
أكيد نأدي عباداتنا، بس مع ذلك يكون يومنا منقسم ع شغلات ثانية.
بس رمضان وقتنا الخاص مع الله سبحانه وتعالى.
ما نستغني عن رب العباد أو رحمته.
يالله، شنو هالراحة اللي بنحس فيها لو نخلي الله ملجأنا الأول والأخير.
في النهاية لو يصير عدد الناس اللي تفضفض لهم. مابتحس بالراحة أبدا إلا إذا طلعت اللي في قلبك لله.
الناس مابيقدرون يساعدونا كثر الله.
الحمدلله اللي بلغنا الرمضانات اللي طافت. واللي بلغنا هالرمضان
والله اييسر لنا صيام هالرمضان ويغفر لنا
هالفترة بالذات نحتاج لله. الله يحفظ سائر المسلمين وبلدناهم
ويبشرنا بخبر تعافي المرضى والحصول على لقاح
يزاج الله خير تيتوس والله يجعله بميزان حسناتج