منتدى وندر لاند - عرض مشاركة واحدة

مشاهدة أوسمتي · 03-16-2020, 01:57 AM

السلام عليكم ورحمة الله وبركاته
يسعد مساك أوبي كيف الحال؟ 😁 إن شاء الله تكون في دوام الصحة والعافية
حبيت التنسيق البسيط مع تداخل الألوان👍👍
الموضوع جميل جدا وكل شخص بحاجة لهيك درس لحتى ينتبه شو يحكي
وشو ما يحكي لإنو صراحة في أشخاص كتيير حساسين والكلمة تأثر فهيم
وأشخاص ما بينسوا الكلام أبدا وبالمحصلة طبعا بجيهم قلب وضغط وسكري
و أمراض مزمنة كتييير وهم بغنى عنها.
بعدين ليش الغضب والزعل الحياة هي حياة وحدة يا بتعيش تفاصيلها بموح يا
بجيك ضغط وسكر وقلب ع السن الثلاثين.
بالنسبة ل أسألتك راح أختار التنين لإنو بكملو بعض برؤيتي طبعا
هلأ الأشخاص إلى بحكو كلام جارح أنا بقول النوعين
لإنو فعلا في أشخاص يهمها فقط الرد شو ما كان الرد عادي بس لازم ترد ع الكلام إلى بتحكي
لإنو بصراحة ه النوعية موجودة بحياتي كتيير الحل الهم صديقتي التجاهل وما تدقق كتيير
لإنو ما راح تخلص أصلا
أما الكلام الجارح عن وقاحة ف هالنوعية يكونوا واضحين وقصدهم يزعلوك أو يثيروا المشاعر السلبية
إلى عندك وطبعا إنت وشطارتك كيف تحكي معهم

أما السؤال الثاني هاد حكاية تانية
أنا نفسي الاعتذار بيعتمد الإساءة نفسها
أصدقائي في كلام إذا طلع والله صعب قمة في الصعوبة يروح فقط باعتذار لإنو أحيانا الكلمات بتختلط بالقلب
وصعب جدا مسحها سواء كانت إيجابية أو سلبية وفي نوعية أشخاص إذا أذيتهم صعب ترضيهم
فأعتقد إنو بيعتمد ع حجم الإساءة ومدى تأثيرها ع الشخص

الموضوع كتيير حلو النقاش في ما بخلص
شكرا ع طرحك الفخم أوبي كعادتك طبعا
وخلينا دائما نذكر
كلمة منك بتضيء انسان وبتعطي الأمل والسعادة وكلمة بدمره وبدمر مستقبله
ف ياريت ننتبه ع كلامنا
شكرا جزيلا ع الدعوة اللطيفة
وبجد استمتعت وأنا أقرأ بتمنى ما أكون طولت بالرد
وقبل ما أختم حبيت الصورة فخمة ❤️❤️😁
أنرنا دائما ابداعاتك الفخمة
في أمان الله وحفظه ورعايته 👋👋
سبحانك اللهم وبحمدك ، أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين