@
روز;
السلام عليكم ورحمه الله وبركاته
كيفك يا جميله
يارب تكوني بخير
رمضان مبارك
شكرا على طرحك للموضوع
بس ممكن ابقى ضدك في شويه حاجات
الاصحاب أو الأصدقاء مش دايما بيبقوا سند وضهر ذي م قولتي
احيانا بيبقوا سبب في تعاستنا
من خلال تجربتي في حياتي انا قابلت ناس من النوع ده كتير
بيأثروا على النفسيه والثقه وكل حاجه
قابلت الصديق الخائن اللي بيتكلم من ضهري وفي وشي كويس
ببقى بغرق ومكنش عارفه أنه هو اللي بيغرقني وكنت بمسك فيه عشان ينقذني
وقابلت الصديق الكداب
وقابلت الصديق اللي بيقلل مني ومن قيمتي وبيتنمر على كل حاجه او حركه بعملها
وقابلت الصديق الخبيث اللي بيضحك الضحكه الصفراء وهو جواه غل وحقد
مش معنى كده أن مفيش اصدقاء كويسين
بالعكس
انا اكتشفت أن الشخصيات السابقه مينفعش نقول عليهم اصدقاء
ده بعد م لقيت الاصدقاء الحقيقيين
عرفت ده لما صديقتي بتسألني "ايمان انتي مصلتيش العصر ليه"
عرفت اني كسبت صديقه
الصديق هو اللي ياخدك لبر الامان
هو اللي يقف جنبك في ازماتك
يخفف عنك همومك وضغوطاتك
يساعدك تشتغل وتذاكر وتصلي وتصوم وتقوم بكل فروضك
هو اللي لو غبت عنه يوم يسأل عنك
لو غلطت في حقه تتعاتبوا ويسامحك بسهوله مش يذلك عشان يسامحك
والحمد لله أني خضت كل التجارب دي
ربنا يمكن خلاني اشوف الوحش عشان اعرف معني الصداقه الحقيقيه
شكرا لطرحك يا لطيفه واسفه لو طولت عليكي
في امان الله
#العمالقه#