Y a g i m a

السلام عليكم ورحمة الله وبركاته،
شخبارك أورانوس؟ عساك طيب.
ما شاءالله دايم تفاجئنا باهتماماتك ومواضيعك.
طريقة تنسيقك رهيبة، حتى بدون طقم.
شرايك تفتح متجر لتنسيق المواضيع والردود؟ بأكون أول زبائنك ان شاءالله.

شي فريد، فعلا. وأغلبها توني أعرف عنها.

متلازمة المحتال، ما بقول انها فيني بس ساعات أبتدي أشك بشغلي.
هل انا سويته؟ هل بيقتنعون اني سويته؟ هالشي يخرع إذا تطور. والكريه فيه انه ناجم عن انعدام الثقة

متلازمة ديوجانسس، اللي فهمته انها متلازمة بس مب متلازمة؟
استاءل إذا في ناس عانوا منها غير الفيلسوف.

متلازمة ستوكهولم. وايد يدخلونها بالروايات. في البداية حسيت الشيء مثير للاهتمام.
بس بعدين تخرعت لما قريت أكثر عنه. هالشي مايستهان فيه.

متلازمة اليس، أكثر متلازمة حسيتها خطيرة. اعراضها ونتايجها تخرع.

متلازمة كابجراس، كأنه كان له موضوع في عيون قبل. شي مخيف. تخيل انك تقوم من الرقاد في يوم من الأيام. وتحس كأنه اللي تتعامل معاهم غُرباء.

ماشاءالله أورانوس، مواضيعك ممتاز من ناحية اختيار الموضوع والتنسيق.
منظم ومرتب. وطريقة الكتابة ماتحسس الواحد بالملل لما يقرأ.
كنت ناوية أرد ومسامحة على التأخير،
بانتظار مواضيعك اليديدة