منتدى وندر لاند - عرض مشاركة واحدة - بعيداً عن الأحمر والوردي إطلالات أنيقة لمناسبات مختلفة

مشاهدة أوسمتي · 08-17-2022, 07:51 PM

السلام عليكم ورحمه الله وبركاته
كيف الاحوال ؟
يارب كل حاجه تكون بخير
ساااااره انتي جيتي في المنطقه اللي فيها وجع وحطيتي فيها شويه ملح .. اه وربي
بالنسبه لستايل اللبس ف انا معنديش ستايل محدد
اصلا والدتي لحد الآن هي اللي بتشتري ملابسي لانها لو معملتش كده ف انا مش هشتري اصلا
وطبعا هي بتشتري ليا الحاجات اللي بتبقى رائجه في الوقت ده
اقدر اقول اني معنديش في ملابسي كلها لون احمر خااااالص
بس عندي فستان وردي فاتح ساده ومش بلبسه كمان
معرفش ليه بس مش بحب الوان البنات
بس كويس أن في بدائل الاحمر والوردي
فستان الورود

لطيف جدا جدا .. أشكاله كمان لطيفه اوي

حسيت أنه حيوي وفي نفس الوقت لطيف
اظن انه ممكن ينفع للخروجات العائليه او ممكن كمان العمل لو غير رسمي
اظن أن النوع ده من الفساتين بيكون مريح في اللبس وكمان ألوانه بتبقى لطيفه ومريحه للعين وبيبقى كمان سهل في الحركه
حاسه بكلامي ده اني بعرض عليكي شراء الفستان

وده كمان في الطريق ممكن ينفع الخطوبه .. يبقى لطيف جدا وكمان رقيق
فستان اسود انيق من الدانتيل

حسيته لطيف وممكن يصلح للمناسبات ذي اعياد الميلاد أو حفلات الزفاف .. الخ
فستان أنيق من الشيفون

بحب فساتين الشيفون جدا جدا
نفس الشكل ده عندي شبه لون السماوي والكشميري
بيبقى لطيف وكمان بلبسه حتى في الشغل أو في الخروجات
لما بتجيلي خروجه مش محضرالها بطلعه وألبسه .. صح هو كمان سهل في اللبس
فستان رمادي بتطريز

حبييييته جدا .. هو مش استايلي بس بحب اشوف البنات بتلبسه جدا
هو منتشر حالياً .. اظن لو كان عندي بيست كنت ممكن ألبسه في زفافها
فستان النيون

محبتهوش صراحه .. الالوان اللي بتنور في الضلمه دي بتبقى مزعجه للعين وكمان ملفته جدا
مش نوعي ابدا ومجربتش ألبسه صراحه ولا اظن اني هجرب
فستان الكاروهات

بحببببببه جدا
عندي نفسه الشكل بس لون كحلي .. شكله لطيف جدا وبحب ألبسه جدا
هو بكم طويل ف بلبسه في الشتاء .. من ضمن ملابسي اللي بحب ألبسها ومش بلبسها في نفس الوقت
فستان سماوي قصير

وذي م قولت قبل كده اني بحب النوع ده جدا من الفساتين مهما كانت ألوانه أو أشكاله
شايفه أنه رقيق جدا وممكن ينفع في حفلات صغيره جدا
فستان أزرق مزهر

النوع ده من الفساتين بياخد العقل بجد .. لطيف وكمان مريح
بميل دايما في لبسي للمريح ايا كان شكله أو لونه واظن أن ماما بتراعي جدا النقطه دي
المفروض اقف وقفه شكر لماما وربي
حبيت موضوعك جدا
اشوفك في موضوع جديد
في امان الله