منتدى وندر لاند - عرض مشاركة واحدة - الختم الإداري

مشاهدة أوسمتي · 04-28-2022, 07:00 PM

‏

. Blue

السلام عليكم ورحمة الله وبركاته
كيف الحال؟
اللهم بارك الموضوع أسطوري

واضح المجهود المبذول من طريقة التقديم الفخمة والتعب اللي اتحط فيه واصلي لحد عندي فأحييكم على المجهود تسلم اياديكم

بصراحة لما شفت ان الموضوع عن أنمي هنتر مرفعتش سقف توقعاتي لأن الأنمي أشهر من نار على علم وغني عن التعريف فأكيد الموضوع هيبقا عادي
وبعدها جت فخامة الموضوع نسفت التوقع ده بعيد

تابعت هنتر أيام سبيستون بس لكن حطاه في قايمة المشاهدات المستقبلية وعايزة أتابع النسخة القديمة والجديدة

لكن حتى من أيام سبيستون وأنا حبيت الأنمي خاصة أرك برج القوة

والأنمي ده عموماً من الأنميات القليلة اللي مشهورة وتقييمها عالي ورغم كده مش بتلاقي حد بيقول ده تطبيل أو ميستحقش والكلام ده -أتاك وون بيس يبكون في الزاوية

-
الموضوع ده فكرني بالأنمي ممكن في الاجازة الجاية ان شاء الله أتابعه

مين فيكم اللي جمع المعلومات؟ ولا كان مجهود مشترك؟ لاني عايزة أحيي الشخص ده على المعلومات الحلوة

الحلو كمان ان الأخطاء الإملائية نادرة هنا رغم ان المواضيع اللي بشوفها بتتكلم عن الأنمي بتهمل نقطة الأخطاء الإملائية غالباً للأسف
طريقة عرض المعلومات سلسة ومبسطة بشكل مريح وكافية للي عايز يتفرج على الأنمي
أنا مش عارفة أتكلم الأول عن طريقة تقديم الموضوع ولا عن التصميم لان الاتنين واخدين عقلي

المصمم فنان من الدرجة الاولى
لا درجة أولى ايه بقا ده فوق مستوى التقييم أصلاً

سواء تصميم طقم الموضوع، الصور، الاقتباسات
كل التصميمات اللي في الموضوع تحف فنية تستحق ان الواحد يتأمل فيها للأبد

أنا هنسخ لينك الموضوع وأحطه عندي علشان كل ما أحتاج أنضف عيني باني أشوف حاجة فخمة هرجعله

ده غير اختيار الالوان وشكل الموضوع بشكل عام هستخدمه كمرجع لرسوماتي خاصة الخلفيات اللي مش بعرف أرسمها دي xDDD
تنسيق الموضوع وطريقة طرحه مش أقل من مثالية ومخلية الشكل العام فخم بزيادة
الموضوع بشكله وتنسيقه ده لا يقل عن انه يكون موضوع مطروح في موقع عالمي من الدرجة الأولى

طريقة تقسيم الموضوع، الصور والمعلومات اللي بتبقا موجودة على كل جنب مدياني الاحساس باني مش هقرأ أي حاجة بتتكلم عن هنتر أفضل من الموضوع ده -ودي حقيفة مش مجرد احساس-
فقرات الموضوع متقسمة كويس جداً، وحبيت تقديم الآركات -لسة متابعتش الانمي وقرأت الحرق ايوة xDD-
تقريبا دي المرة الاولى اللي اشوف تقرير عن انمي بيتكلم بكل التفصيل ده ومع كده مش بيضيع حماس مشاهدة العمل نفسه، بالذات في فقرة الكلام عن الآركات -معجبة بيها فبطبل لها زيادة حبتين

-
الصور اللي في الآخر سواء رمزيات او اقتباسات جامدة بغباء
وداعاً بينتريست لقيت خلاص المصدر اللي هجيب منه صور حلوة

حاسة اني عايزة اقول كلام أكتر من كده وان الموضوع يستاهل تطبيل بليفل عالي عن كده بس الصيام مأثر وأنا جعانة ومش هقدر اكتب اكتر من كده

لكن المهم ان الموضوع كويس قوي فعلاً، ومش ببالغ لما أقول ان ده واحد من افضل المواضيع اللي شفتها بتتكلم عن الأنمي بشكل عام

شكراً على المجهود الجبار أتمنى اشوف منه تاني