منتدى وندر لاند - عرض مشاركة واحدة

مشاهدة أوسمتي · 06-25-2022, 05:37 PM

السلام عليكم ورحمه الله وبركاته
كيف الاحوال
يارب كل حاجه تكون تمام
حبيت الموضوع صراحه
هو مهم جدا ولازم نتكلم فيه
اللغه الام مهمه جدا وبيبقى من السهل أن الطفل يتعلمها
اول م بيبدأ يتكلم بيتكلم باللغه اللي بيتكلمها اللي حواليه
ومن الصعب جدا لو الاب والام مش من نفس الجنسيه أو من بلاد تتكلم لغات مختلفه
اعرف واحده زميله عمل مصريه ومتزوجه من شخص بنغالي وابنائهم الاتنين مش بيعرفوا يتكلموا كويس
وواحد فيهم لحد دلوقتي متأخر في الكلام ومش بيتكلم كتير بالرغم من بلوغه خمس سنوات
اظن أن السبب أنه مشتت بين لغتين
بيبقى برضه صعب على الطفل أنه يتعلم لغه ولما يكبر يتعلم لغه تانيه
اللغه الاولى بتبقى اسهل واللغه التانيه بتبقى صعبه
جميل أننا نعلم الطفل لغات كتيره بس في نفس الوقت اللغه العربيه مهمه جدا ولازم نهتم بيها في المقام الأول
اعرف شخص هندي بيشتغل معايا ولغته الام هنديه بس بيقدر يتكلم عربي مكسر
وكمان حافظ القرآن الكريم
اظن برضه أن الموضوع على حسب استيعاب الشخص نفسه
بس بالنسبه للاطفال لازم اللغه العربيه تبقى أساسي
مفيش ضرر أنه يتعلم لغتين او تلاته تاني بس الاهم اللغه العربيه
على الاقل عشان لما يكبر يقدر يتعلم دينه واساسياته
هل تتفق مع هذه الفكرة أن الطفل مادام في محيط عربي سيتعلم اللغة فالأفضل التركيز على الأنجليزية من أجل مستقبل أفضل له؟
لا طبعا
التركيز بيبقى على اللغه الام اللي هي اللغه العربيه بالنسبه للعرب
ومفيش مانع يكون في لغات تانيه اجنبيه بس التركيز على العربيه
يعني احنا اصلا كأشخاص عارفين اللغه العربيه لسه بنغلط فيها ولسه بنتعلمها
كمان اللغه العربيه من اصعب اللغات اللي ممكن حد يتعلمها
يعني لو شخص امريكي يقدر يتعلم اللغه الفرنسيه بسهوله لأنها نفس الحروف
لكن لو جم يتعلموا اللغه العربيه ف الموضوع صعب شويه
برأيك ما هو أفضل الحل في هذه الحالة بحيث يندمج الطفل مع المجتمع وتكون لغته الأم قوية ؟
اوه الموضوع هنا صعب جدا
بيواجه مشاكل كتير
في الحقيقه معنديش رد النقطه دي لاني مقابلتش حد حصل معاه كده او في تجربه سابقه
وهل تتفق مع فكرة أن لابد أن تكون لغة الأم أول لغة يتعلمه الطفل ويتحدث به مع أفراد أسرته أيا كان لغة المحيط حتى يحافظ على هويته ؟
اه طبعا اللغه الام لازم تبقى الاولى
ذي م قولت قبل كده اللغه الاولى للطفل دائما بتبقى الاسهل
عشان كده لازم يتعلم لغته الأم الاول
هل تتفق مع فكرة أن الطفل يمكن أن يتعلم لغتين في نفس الوقت خصوصا الأطفال الذين هم تحت ثلاث سنوات ؟أو يكفي أن يتعلم الطفل لغة الأب بما أنه سينسب له ؟
اظن اني ذكرت التجربه الخاصه اللي اعرفها
صعب جدا يتعلم لغتين مع بعض لان ده هيسيب التشتت وهيفشل في اللغتين
ممكن لما يكبر شويه يقدر يتعلم لغه تانيه
يعني ممكن بدايه من سن 5 سنوات يكون على الأقل عارف اساسيات اللغه الام وبعد كده يبدأ يتعلم لغه تانيه عادي
وه حبيت اتكلم في الموضوع ده جدا بجد
دائما القسم ده هو المفضل عندي
اشوفك في موضوع جديد
في أمان الله