منتدى وندر لاند - عرض مشاركة واحدة - اللوجّرس

مشاهدة أوسمتي · 07-15-2020, 07:14 PM

فيتاااااا جيتك أخيرا

فيتا فيتا فيتاتسو

الله هداني وبلشت اقرئها
فكرت اقرأ كل بارت لحال مع رد أفضل مشان ما انسا أي فكرة كنت بدي قولها
بما اني حاليا عطال بطال تقريباً

بداية من العنوان مبين شي فخم والله
حبيت الاسم كيف خطرلك؟
لازمنا دراسات لمخك لنعرف طريقة التفكير الرهيبة هي

ثانياً التصميم
شو احكي ؟؟ شلون اوصف ؟؟ شو عبر ؟؟
بجنننننن ما شاء الله
وبتحكي لسة ما وصلتي المستوى المطلوب ... بدك كف ؟؟ شكله بدك !
الهيدر تحفة فنية والله .. مبدعةةةة جداا
حبيت كتير التحريك فيه وتنسيق الكلام والخطوط
وحبيت انك كتبتي الحوار فيه بالإنجليزي والعربي
عطاه لمسة فخمة اكتر ... حبيت جدااآ

اللمحة التشويقية كانت حلوة والحوار خطير اذا اجينا نتعمق بالمعنى والمقصود

*- أَتحسبين أَن عالمكِ يقتصر على الغني والفقير فقط؟ هناك من يُسَيِرُ أمور أعظم الدول
ينشر الخراب حتى يحتاجه الآخرون للإصلاح، مَن يَجرح حتى يداوي.

هون الوصف رهيب وصحيح مئة بالمئة
واقعنا هيك تماما وانتي قدرتي تختصري كلشي بسطرين
آاااخ على الإبداع ما شاء الله

- أَن تحارب أُناس لا يرونك هي نقطة جيدة بأي حال ، أنا حتى لا أملك سجلاتٍ رسمية.

حبيت أنها فكرت هيك واضح انها ذكية بس كمان كتيرة غلبة بنفس الوقت
واضح كمان أن الرواية في طياتها رح تحكيلنا شي من الواقع كتير
والفرق بين حياة الغني والفقير

هلق رح فوت بالفصل الأول أخيرا
لَقد انتظرت انتهاء طفولتها بلهفة لعل العالم في الخارج جميل ، خارج الأبواب المغلقة ! لمناطق ما بعد الظلام.
حبييييت جداا كيف بلشتي فيها وكيف وصفتي أملها بالحرية ورؤية جانب آخر من الحياة

" فعلاً ! ليت جميعنا نمتلك النظر "
أدار عينيه إليها بشك فقطعت صمتها لتواصل بمدحٍ كاذب" كـ سيادتك طبعاً ، أَحسدك على حسك المرهف " أكملت بهمس في نفسها " للجماد فقط "
هههههههه هون ضحكتني طريقة حكيها كتير واضح أنها مشكلجية

رفعت ورقة ثمنها بفضول لتجد رقماً كافي لإصلاح معيشة مئة فقير ، سيشترونها لإمتاع بصرهم بمعاناة الآخرين ، يا للسخرية !
صحيح تماماً ... عادي يحطو ملايين على قطعة ومستحيل يفكرو بالمقابل يساعدو حدا فقير
الاهتمام بالتباهي والتفاخر ونظرات انا أفضل منك وانت لا شيء!
حسهن الفني الكبير هاد يلي بشوفو حالن فيه ليش ما بحسوه مشان الفقراء ومعاناتهم !!

" نتاليا، هيا فلتغادري سيبدأ المزاد "
حبيت اسمها جدااا ... فتاليا نتاليا فتاليا نتاليا XDD هوهوهو
بيصلح اسمك واسمها للهتافات والتشجيع

وأصبح يشير لمنافسيه انه يتمنى لهم الأفضل، طبعاً بنظرة متعالية منه ، من يفهم الأغنياء حقاً ؟
جديا هي النظرات يلي بتكون بمعنى تاني من جوا ... متل أن شمتان فيه وهكذا

لذا كان يُعدل نظارته جيداً ويقلص عينيه حتى يرى جيداً ، كان نحيلاً جداً كالهيكل العظمي
هههههههه ما بعرف ليش لما قرأتها تذكرت معاناة البكلوريا
بنخلصها وبنكون نحنا خالصين معها من التعب ونتحول لأشباح
رغم أن في صنف بيسمن اكتر ما بعرف كيف وليش

*" هل بدأتِ تصبحين من البشر يا ابنتي ؟ "
" لما تظن ذلك ؟ "
" أصبحتِ مولعة بالرسم ، لكن هذا لا يعني أن تَسرقي أي شيء يعجبكِ "
هههههههه متل عنا لما يسألونا أخيرا صرتي بني آدمة
أو أخيرا صرتي منا ؟ أو شو تغير يا سبحان الله
بشككوكي بحالك

حبيييت أن لون شعرها أحمر
إلى ان قاده الطريق بتعليمها علم التنويم والتحكم العقلي .
حبيييت يجي يعلمنا كمان والله لنفضح الناس وبس

يتسع لحجم أجدادهم المجهولين جميعاً ..
هههههههه الوصف هون قاتل متت XD

تراها فكرة لطيفة ان توحد مديرة ميتمهم مع العجوز الخرف لوديان ليعيش الجميع كعائلة جميلة ، بنظرها فقط
هههههههههه هالبنت فضيحة متنقلة والله
سندريلا والأمير بس لو سندريلا تسمعها لتنتحر مع المكنسة

هون وصلت وخلصت الفصل
جدااآ حبيت الفصل وطريقة البداية فيه والأحداث
نتاليا المشاكسة حبيتها جدا وأيضا تفكيرها الخطير هههههههه
وأكثر شي عجبني كمان قصة التنويم وطريقة استعماله ياها
وكيف سرقت اللوحة بهي البساطة ... لازم اتأكد اذا في هيك شي بالواقع
رح طير عندك اسئلك هلق فضولي ينهشني
واذا في عنجد بنتعلم .. عم احكي جمع بعتقد لو يصحلك بتتعلمي اكيد
تخيلي بس شو بيقدر الواحد يعمل لو تعلم
اول شي بخلي المراقبين يجنو ويتكرفتو كل شوي
شفتي شو قلبي مليان عليهن

استمتعت جدا بالفصل واسلوبك الجميل في ربط الأحداث وصياغة الأفكار
حبيت أن الأحداث بلندن رغم إني متأكدة أن الفقراء عندهم يعتبروا أغنياء عنا
واضح جدا تعبك فيها سواء في التصميم أو الكتابة
سلمت يداكي سوسو XD

خليني شاركك بأجوائي وانا عم اقرأ
متسطحة وأخي الصغير عم يهويلي
وقفي لحظة ما تفكريني مستبدة أو سادية
هو اجا لحالو .. فجأة بتطلع المحبة وانا بتفاجئ XD
حسيت حالي مثل هدول الملوك يلي بيقعدو على العرش والخدم حدن بهوولن
يا دوب 5 دقائق وراح ... عارفة وضع الكهربا المزري انتي
يلا هي فقرة خاصة بروايتك بس بحكيها

هي الرواية ما رح خليكي تهمليها مثل أعمى البصيرة
وراكي وراكي والزمن طويل ... حارستك بالاسم بس
يلا يلا الفصل الخامس مشان ما وقف واستنا كتير بين الفصول
متشوقة اقرأ الباقي
ردودي بطول الفصول تقريباً ... يلا انا هيك عم اتضامن معك
كنت بدي سب بس جمال الفصل وتعبك عليه ما سمحلي

شكرآ على تعبك وهاد الجمال يلي عم تكتبيه
انا معك ورح ادعمك فيها للنهاية بإذن الله
حارستك كانت هنا
دمتي سالمة بقدونستنا الفخمة

استغفر الله ~ استغفر الله ~ استغفر الله