منتدى وندر لاند - عرض مشاركة واحدة - هبةة سماويةة

مشاهدة أوسمتي · 06-11-2020, 12:55 AM

السلام عليكم ورحمة الله وبركاته
ججااننسسسوووو كيفك يابطلة؟ اخبارك؟ ان شاء الله تمام
اول مرة احس بشعور الحماس ومشاعر مختلطة بجد بجد ماعرف كيف اوصف لك
أول رواية عامية مكتوبة في أرض العجائب
مبروك افتتاحك لهالقسم بهالعمل الجبار من بدايته، جد تشوقت للباقي

التصميم يجذب من بساطته، جداً حبيييته وجداً مناسب ومريح للقراءة
حتى التنسيق والفقرات والكلام كل شيء دخل براسي سريع
يعني اشوف غالب الروايات على رغم كون افكارهم استثنائية ورواياتهم حلوة الا ان التنسيق منفر
جداً حبيت هالشيء فيك، يعني من البداية غصب الواحد يتحمس وينجذب

تعريفك للأبطال بعد كل مقطع يجنن، فكرة جديدة ماقد شفتها بالروايات قبل
كانوا يحطون فصل خاص للشخصيات والتعريف عنها،
لكن طريقتك كانت مبدعة، حلوة، مختصرة، وغامضة ماتعطي أي تلميح للشخصية وطبيعتها
وحلوة ليش؟ لأنها تتيح للقارئ من خلال قرائته يكوّن شخصية الابطال براسه

عجبتني كل شخصية كيف كانت متفردة عن الثانية نبدأ بـ..
"معالي"
شخصية هادية، طيبة، حالمة وممكن ضعيفة؟ لحد الآن مو واضح
حسيت ان فيه سالفة وراها، قصة عميقة وحزن اعمق
متأكدة تقريباً من ان فيه احد يسيء معاملتها لذنب مو لها،
ممكن اهلها ميتين وطاحت برحمة شخص قاسي او ان ابوها هو القاسي
واضح ان عمها خالد له مكانة بقلبها، والفلة اللي هم فيها او اللي بجنبهم له
واكيد تعز الاشخاص اللي لهم صلة بعمها، اهله اللي هم عياله وبناته
انجذابها لـ" زحل" هو لأنه يكتب ويوصف مشاعرها بكلمات
كلمات ماقدرت تخرج من حنجرتها، ابتلعتها وماقدرت تخرجها وهو اخرجها عنها
ممكن يعاني بالقدر نفسه اللي تعاني منه، وممكن حاله مايوصف .

"بدر"
او خلونا نقول زحل، شخصية عصبية وحادة، هادئة بعد
جذاب ووسيم وماتوقع ان الوصف ينكر هالشيء
وراه قصة ععممييققةةة، الشقرا ممكن تكون امه او اخته او بنت يحبها
ماتت بطريقة غير عادلة بنظره، يعني طريقة غير طبيعية بما انه قال "من بينهم كلهم"
معناه كان فيه ناس كثير او اشخاص يعرفهم وهي اللي ماتت من بينهم
اشخاص يكرههم وواضح مقدار الكره بتصرفاته، وذكرى موت المرأة تسبب له أزمة
ضيق تنفس ممكن، ألم بالقلب اكيد، وذكريات يتمنى لو ترحمه وماتهاجمه بهالقسوة -جربت هالشيء ):-
يوصف المشاعر اللي تختلجه وماله بوح غير في مواقع التواصل او يشغل نفسه بهالشغل "مرسول"،
ممكن محد بجنبه او انه محد مقرب منه لدرجة يكون عونه وعضيده بهالأوقات.

"دارك"
اتوقع اتوقع انه الشخصية الشريرة، مستهتر وخبيث، لعوب بعد -قلة حيا -
واضح انه غني، الهيليتون غنية عن التعريف طبعاً
امممم واثق من نفسه، واثق من وسامته وفلوسه ويعتبر الناس خواتم بيده
ومرة ثانية اقول انه سامح لشياطينه تلعب براسه -قليل حيا -
واضح ان لعبه وشغله الاسود بألمانيا، ممكن مخدرات وقتل وهالسوالف
ولا وش يسوي واحد بجدة وهو يتكلم ألماني، اصلاً ايش جابه لجدة؟
ماااش ماعجبني ذا الرجال واضح قد ايش مستفز وانا اعصابي على نار عاد
ممكن حتى يكون مختلف عن كل اللي قلته ويكون بطل ، بس لحتى ذاك الوقت بيظل قليل حيا

"الشخصيتين الأخيرة"
اممم خلينا نشوف، ممكن يكونون شخصيات ثانوية غير عن الابطال اللي انذكر اسمهم صريح
وممكن يكونوا احد الابطال فعلاً لكن مافي شيء محدد بالضبط
الرجل بيكون شخص طيب ممكن شرطي، محقق، شخص كويس بعد (:
ولا ماكان تقرف من المناظر ذي لو كان معتاد عليها وكانت علومه حولها مو؟
الرمز "RS" ممكن يشير لاسم البنت، او خدمة مميزة او شفرة او شيء كذا
وهو بغى ينقذ البنت من الاساس، بناء على تصرفها فهو شخص ماتعرفه
وهذا اللي خلاني احزر انه شخصية زينة وبطلة بناءَ على انفعالاته، ممكن حتى يكون بدر كل شيء متوقع (:
واضح انه شخص واثق، ماله كلمتين، صريح وماشي صح، بارد ووسيم -من راسي زيادة -
-
البنت مظلومة مأخوذة فوق ارادتها، او ماتوقعت انها تنوخذ بهالشكل
معقولة هي نفسها اللي تدخن؟ ممكن دخلت للمكان بإرادتها او علشان تموه شيء
بس من دموعها ماتوقع انها من النوع اللي يبيع نفسه للفلوس
مقهورة، حزينة، مغلوب على امرها، ومالها سلطة بحياتها وهذا اللي واضح
كيف قال انه بطلها؟ ممكن و يعرف شيء عنها ولا ماكان جاء علشان ينقذها
ممكن تكون البنت نفسها معالي، وممكن تكون وحدة ثانية لها دور بالقصة

وبس والله هذا كل اللي عندي، ماحسيت بنفسي وانا اكتب وافسر الاشياء بس جداً تححممسستت
مرت فترة طويلة علي من قريت رواية عامية تاخذ القلب مثل ذي
واضحة من بدايتها انها فخمة وحماسية، اتمنى يستمر هالشيء للنهاية
متابعتك بإذن الله لكن ما اضمن اني راح ارد على كل بارت، بس بحاول بكل جهدي ان شاء الله
لا تنسين ترسلين لي تنبيه كل ماينزل فصل، وجداً سعيدة لقرائتي روايتك
متشوقة للفصول الجاية لا تتأخري علينا بالتنزيل، ولحتى ذاك الوقت اتمنى لك يوم سعيد وحلو
لنا لقاء قريب، في أمان الله