منتدى وندر لاند - عرض مشاركة واحدة - هبةة سماويةة

مشاهدة أوسمتي · 06-17-2020, 10:58 PM

السلام عليكم ورحمة الله وبركاته
كيفك؟ اخبارك؟ ان شاء الله تمام وبصحة وعافية
جانسو ياجانسو ببججددد ماتدرين قد ايش انبسطت وانا اشوف رسالتك عن الفصل الجديد
خليتي الفراشات تطير بداخلي، حتى سسررييعع رحت حطيت الحجز علشان اقرأ وأروّق عليه

ايش احكي وايش اخلي، اشياء كثيرة صارت غامضة اكثر من قبل، وشخصيات اكثر ظهرت
حبيت معالي وعلاقتها بأخوها عزام، لكن رغم كذا كرهت البعد بينهم ):
علاقة الاخوة التوائم على رغم قربهم الشديد لبعض الا انهم بعيدين عن بعض اكثر
وبعض التوائم فيه العكس، اعرف توأم دخلوا لنفس التخصص بالجامعة وبنفس السنة وجداً مرتاحين

حور وااضضحح ان سالفتها طويلة عريضة، ممكن حبت احد وهربت معه او تزوجته فوق رضا اهلها
ولأن معالي المسكينة قريبة منها كثير معناته ان القيود حولها صارت اشد وتخنقها
اممم عزام بعد اتوقع انه مو راضي عن الوضع بس ما بيده حيلة بما ان اخته مزاجها سيء وصارت بعيدة عنه
وانتقلوا علشان السالفة ذي ماتتكرر، واو طلع ان سعود ولد عمها خالد اللي فلتهم جنبهم
^ ة اكتشفت شيء مهم

اممم سععوودد طلع البطل المغوار بالنهاية " class="inlineimg" />، واكيد ان له مركز او علاقة بالشرطة ويكون شخص تمام
سلطان اتوقع يكون رئيسه بالعمل او زميله بالشغل والفريق يعني مهم، واثنينهم اما قوات خاصة او شرطة او شيء كذا
جداً حزنت على البنت اللي انقذها ):، 15 سنة بسسس!!!سكين4
قد ايش ان المكان ذاك فاسد وحقير، بجد انقهرت عليها عبالي عمرها ع الاقل تعدى 18 ):
يستاهلون ليت يندفنون عن بكرة ابيهم وعندي احساس ان دارك وراهم، يعني رئيسهم او ملوث بهالشغلات اكيد
الله ياخذهم كلهم، وغسان اللي جاء بطريقة غريبة فجأة اكيد وراه سالفة بعد ):
ممكن متعاون مع الملوثين ذوليك وبيأذي سعود، ان شاء الله مايصير له شيء

نجي لبدر اههخخ يابدر وراك حكايا وسوالف يبيلها ليل طويل، واكواب قهوة ويسهر الواحد معك ):
اكيد ماهو ولد هدى، يمكن ولدها بالرضاعة، او تكون خالته او قريبة وارضعته وربته من بعد امه
امه اكيد اجنبية بما انها شقراء -كيف عرفتي انها امه؟- مجرد احساس وكذا لأنه قال "الغالية"
اييش بعد؟ ملك الصغيرة الكيوت بنت فلك صح؟ اكيد بنتها وفراس يكون اخوها بعد
او انهم كلهم عيال هدى، بس كيف تقول لبدر خالي؟ اهه ممكن الشقرا اخته الثانية وذول عيالها؟
تطلع لي تفسيرات كثيرة ولو اكتبها كلها بتنجنين، خلينا ع السليم
حزنت على فراس ياقلبي عليه، اكيد الحادث اللي انذكر أثّر عليه كثير، وبدر متحمل مسؤوليتهم ):

جد استمتعت وانا اقرأ، تمنيت لو الفصل اطول شوي بس مقدرة وضعك واكيد انك اجتهدتي لتكتبي هالفصل
ليش عندي احساس انك تكتبين بس مايعجبك اللي كتبتيه من اول مرة، وترجعين تكتبين اكثر من مرة الفقرة نفسها لحتى ترضين عنها؟ - دخلت في تفسيراتي عنك شخصياً سوري بس ماقدرت ما اكتب عنك بعد -
بس حرفياً اندمجت جداً مع الفصل وحبيت كل كلمة ماتدرين قد ايش انبسطت والله

اتمنى ماتتأخرين بالفصل الجاي، حدي متحمسة والغموض بدأ يلعب بأعصابي
خذي راحتك واكتبي على راحتك وتأكدي اني انتظر الفصل بحماس، اعتذر مقدماً لو اني مارديت
بس تأكدي اني قريت وتحمست وحبيت الفصل (:
وبس والله، اتمنى لك يوم سعيد ولطيف وإلهام ماله نهاية
في أمان الله