منتدى وندر لاند - عرض مشاركة واحدة

مشاهدة أوسمتي · 05-16-2020, 12:04 AM

Y a g i m a

#

السلام عليكم ورحمة الله وبركاته
كيفك مديرنا الأحمرينو ؟ يارب بخير
شفت روايتك بالصدفة وبصراحة عجبتني جدا ^^
أنا في العادي حد بيمل بسرعة رهيبة ولكن هنا لأ
حبيت والوصف والشخصيات كلهم كل حد ليه شخصية منفصلة
وقدرت تشرح دا من خلال النص بصورة جميلة
مع ان الفصل نفسه صغير ودي حاجة تتحسبلك
انه يبقى تفاصيل كتير وواضحة وقادر تتخيلها حتى الشخصيات وصفاتهم
الأب كمان شخصيته واضحة جدا مع انه مظهرش كتير
وكل دا في سطور قصيرة
المقدمة رهيبة جدا وفي مصطلحات كدا معينة ذكرتها وانبهرت منها
عجبتني جدا جدا الجملة دي :
اقترب منها خطوتين ليكون الفارق بينهما زهرتا اوركيد
أنا انبهرت والله ^^
لا تنقطع عن الكتابة والله اسلوبك رهيب

صاح داني ممازحا : هذا كان في الماضي عندما كنت صغيرًا الأن أنا في
الثامنة عشر دانيال لا يدللني بل "يثق بي"
أنا : هو دا وقته ياابني
بلكنة أشد :فهمي للمشاعر الطبيعية عسير فكيف لي التعامل مع الحب أصلاً؟
صمتت لثوانٍ ثم أردفت ولا رغبة لدي بالخوض في غيهب لا قرر له!
جملة منطقية جدا
فكرة انه حد مشافش مشاعر الحب والألفة العادية الموجودة وسط البيت
فكرة الأمان الأسري ازاي مرة واحدة تصدق بالحب ومدري شو,صراحة أقنعتني

بنبرة أتهام تحدث : توماس أيها الأخ المهمل ألا تذكر منذ عامان
عندما زرنا العزيز إيان في المستشفى انت اشتريت تلك الملابس له وأوصيته بارتدائها عندما يجد أميرته .

أميرته ؟
استغربت من فكرة انه الأولاد بيهتموا بالأمور والتفاصيل دي
صحبتي مرة قالت لو أو أخوها شاف شخص ماشي في الشارع بدون راس مش هياخد باله xDD
داني مثال للشخص العاقل الي بيحاول يحل المشاكل وبياخد باله من أصغر الأمور < كونان في نفسه أوي
الخريف فصل خمول المشاعر مع الأجساد هل هذه مقولة صحيحة؟؟
أي كاذب قالها في الخريف تتخلص الأشجار من كل ما أثقل كاهلها
مما احرقته شمس الصيف بحماستها المفرطة
الخريف صريح صادق غير مجامل لذلك المشاعر التي تولد فيه تكون غاية في المصداقية
في كمية عظمة رهيبة هنا ^^

الأعراب عن هوية المرأة التي استهوتك؟؟
أتفهم عدم اخبارك لتوماس جميعنا نعرف جموحه الغاشم.
تابع بعد تنهده أعتقد أنك تبالغ لو تحدثت معه برفق سيفهمك.
توماس شخص مندفع ولكن هو متسرع عايز كل حاجة تتحل بسرعة مش عايز حد يتوجع
انه مين هي ويبعدها وخلص تحديدا انهم مش عارفين اذا تبع دايرة معارفهم أو لأ ..
اتمنيت لو ايان كان يفهمه دا ويقوله في وشه بالرحة < واخده الموضوع جد xDD
مع نظرة امتنان محضة مرددًا: لن تندم على ثقتك بي، أنا في صفك دائمًا.
داني دا جميل والله

كيف كان شعوركم لما عرفتوا أنه بطلتنا المتخفية هي داني

تعويذة ايه ؟؟
داني ؟, داني بتاعنا ؟ أنا بدأت أحبه ليه كدا <بصوت غادة عادل xDD
عشان كدا
قلتلك مفيش ولاد بتهتم بالتفاصيل دا
انت هتاخد بالك بزمتك ؟ xDD

كمان حبيت أضيف انه التصميم جميل جدا وشكله يفتح النفس
تابع وكمل ولك كل ما هو جميل وراجعة تاني ان شاء الله