منتدى وندر لاند - عرض مشاركة واحدة - الذهبي|

مشاهدة أوسمتي · 03-25-2022, 03:26 PM

١- امتى سجَلت بووندر؟ كيف عرفته؟
دخلت عيون بس معرفتش أشوف بس أعتقد 2015، ووندر سجلت أول مااتعمل ، عرفته من ناس كنا نعرف بعض ^^

٢- أكثر شي خلاك تستمر بالدخول؟
الناس الي هنا لطيفة وكل واحد بيشارك بالي بيحبه وكمان المدونات كنت تدخل تكتب الي يعجبك عادي وكنت بتلاقي دعم نفسي في التقييمات أكثر من الي في حياتك

٣- أكثر قسم تحبه؟ السبب؟
بحب علم النفس أوي عشان مواضيع فلور كنت ببقى ة لما كنت برد على مواضيعها وتحكي قصص وروايات وأقول كل الي في نفسي وبعدين في الآخر تكتبلي هي تقييم جميل، مرة كتبتلي إنه ردي مميز وانا الوحيدة الي فهمت الفكرة ف انبسطت أوي

٤- أول صديق لكَ بووندر؟ كلمة في حقه؟
عبق أتوقع، هي بنت جميلة جدااا وانا بحبها من فترة دخلت وكتبت في تسالي وكتبت إسمي وتقريبا هي الوحيدة الي سجلت اسمي في اللعبة ف انبسطت، هي الفكرة إنه في الفترة دي كنت بحس إنه لو مشيت محدش هيفتكرني ف كانت حاجة جميلة إنها تحصل

٥- أول موضوع لك؟ لماذا ذلك القسم بالضبط؟
أول موضوع كان في نكت بعد الإشرااف وكان إنه نكت ايه نوع المواضيع الي بتتعمل فيه xDD كان الطقم بتاعه خطير أتوقع يا سيلڤر يا سهام عملوه بس كان أحلى طقم والله

٦- عضو طلع عكس توقعاتك؟
هو مش عكس توقعاتي بس عضو كنت غبية في الحكم على الموقف
وهي سيلڤر ، السالفة إنه لما سجلت كنت حاطة صورة مخالفة هي عادية بس بالنسبة للقوانين ف هي مخالفة المهم أنا اتدايقت وأنه إزاي وليه وهي هتبدأ كدا والشخصية الي خلاني أسجل مقالتش أو موضحتش ومكنتش أعرف يعني ايه منتدى أصلا ف محدش فهمني الصح وأنا مفكرتش أصلا
بس دلوقتي والله بحبها جداااا وهي كمان من أوائل الناس الي عرفتهااا
٧- عضو محبوب؟
كلهم محبوبين عندك نوتي عندك فلور وميمي وعلبة ألوان ووتين وفاتي وشيشكو وسيلڤر وآدم ولاڤندر وياجي وفريال وروح وكامبي واورانووس وكلهم والله كلهم مقابلتش حد وحش هنا

٨- عضو/ أعضاء تحس أنو لولاهم المنتدى ماله طعم؟
أنا بحب مدونة فلوري أوي وآدم أنا بدخل إنه حد كتب حاجة ؟
وخصوصًا فلور أنا من أشد المعجبين بكتابتها والله حاجات كتير بتوصفنا ، أنا شخص لو دخلت ملفه هتلاقي مش بتكلم مع حد غير نااادر أوي ف تلاقيني بتابع مدونات أكتر ودي بتعرفك الناس أحسن في رأيي عشان أحيانا بتتكتب حاجة محدش هيتناقش معاك فيها^^^

٩- عضو بدك تشكره؟
نوتي عايزة أشكرها وفلور وياجي وميمي خايفة أكون نسيت حد بس كل حد فيهم اتعلمت منه حاجة

١٠- أقرب الأعضاء لك؟ كلمة في حقهم ؟ حط اسمهم كل حدا وكلماتك له ( مو أقل من أربعة لو فيه).

فلور العظيمة
عشان هي حد طيب وسهل في التعامل ونشيطة وأفكارها عظيمة وهي بتديني الأمل الي هو لأ لسه في ناس مميزة في الدنيا وطالما هي موجودة< الله يحفظها ويساعدها يارب ف أكيد الدنيا لسه بخير، انتِ محاربتي العظيمة فلوري

نوتيلااا
نوتيلا من إسمها شيئ يجلب السعادة هذه الطباخة الصغيرة الي بجد بجد واخدة قطعة من قلبي ونفسي في يوم نعدي الحدود واحضنها حضن عظيم أووووووووي

ميمي
ميمي كتبت كلام قمر والله أتمنى أبقى بستحقه فعلا
أنا ة انك موجود وانك بتتفهمي لما بختفي وانتِ بجد قمر وشخصية مكافحة ودي صفة عظيمة والله وانتِ قد أي حاجة بتعمليها وبجد شكرا انك كنتي بترتبي معايا أفكاري وكنتِ بتقولي إنه كله بيعدي، فكرة وجودك نفسها كانت جميلة
علبة الألوان :
زينب مميزة جدا وهي من المتابعين دائما دائما للمدونة وهي بجد زي إسمها ملونة وجميلة وكلها حياة

وسام مديرنا الأحمرينو العظيم
أول معرفتي بيه لما دخلت المنتدى قالولي لو احتاجتي حاجة قوليله ف أنا أخدت الكلمة تعديت عادي بس في مرة اتقابلنا في سهرة وبعدها كان عيد وكان بيعايد الأعضاء بانه عملهم أطقم وكتب كلام عنهم ف في الصفحة التالتة< أنا فاكرة لقيت اسمي وطقم أزرق وكلام جميل جدااا وصدق فرحت من كل قلبي عشان كنت لسه جديدة ومحدش عملي طقم كدا قبل كدا ولسه شايلاه ليومنا هذااا

لون السحاب
الله يرحمها ويسكنها فسيح جناته هي ووردة المودة بس لون السحاب لا عمرنا اتكلمنا بس يوم ما ماتت والله الدموع كانت طالعة من قلبي مش عيوني ، الله يرحمهم جميعا ويغففرلهم ويسكنهم فسيح جناته يارب..

ايناس
متكلمناش كتير مع بعض بس والله انك من ألطف الناس هناا

دولااار ( شحاتة المنتدى )
والله انها فخامة ، فاكرة إننا كنا بنتكلم كتير أوووي وكانت من الناس الي سهل أقولها إنه زعلانة وكانت من كلمة تخليني كويسة ربي يسعدك قلبااه

روح
هفضل كل ما اشوف اسمك هقول يا حياااة الروووح
الله يسعدك

العضوتين دول مش موجودين المفروض يبقوا الاول بس هنهي بيهم معلش

داركنس وتالين
داركنس رفيقة كفاح الفرفشة والأيام اللطيفة فاكرة مرة ضغطت نفسها
ومسكت معايا نكت عشان كان حبلي إكتىاب عشان مش بيتنشط
وبالرغم إنها كانت صغيرة في السن بس كان ونعم الصديقة والله
أما تالين
تالين لغاية آخر لحظة وهي جدعة اتعلمت منها كثير أوي أوي أوي وانا بحبها أوي والله وهي بجد شخصية جميلة متتعوضش وكانت مدونتها كمان من أحلى المدونات
خايفة أروح للي بعده أكون نسيت حد *تقف في الوسط *

١١- أول لايك إجاك من مين؟ كلمة في حق ذلك العضو؟

من فاتي ، جميلة وقلبها طيب وكلامها ومدونتها قمر مثلها والله

١٢- أول لايك اعطيته لمين؟ كلمة فحقه بعد؟ xD
مش عارفة
١٣- شي تحسه لو صار المنتدى يصير أحلى؟ (أكثر من حلاوته طبعا )
تالين ترجع تاني وتكتب في مدونتها
١٤- عضو ودك تخنقه؟ xD
مفيش حد

١٥- لو بإيدك، شو الرتبة اللي بدك اياها؟ السبب؟
كنت هقول البرتقالي عشان عمري ما أخذته بس ذكرياته معايا مش قد كدا ف هاخد الذهبي، أو لو تيكدان الاحمر مغلف لأسود
١٦- كم عمرك بحساب المنتديين؟ السابق والحالي؟
عيون سبع سنين وهنا مدري من أول ما اتعمل وأنا هنا

١٧- بتجيب أولادك يسجلون مستقبلا؟ xD
أفتكر يب مشفتش حاجة وحشة من المكان دا

١٨- أكثر شي بدك تسويه بالمنتدى بس ما عندك وقت/كسل/مماطلة؟
كان ودي أنفذ وعدي وأرتب بس ظهري وعيوني مش قادرين :')

١٩- اترك لي اقتِباسًا .

https://f.top4top.io/p_2275rjnwr0.jpeg

وبس كدا
من كتر ما حاسة بهدلت الدنيا ونسيت ناس وخايفة حد يزعل مش هعمل منشن< مش بعرف أعمله
كح صحيت أربعة الفجر دخلت صدفة قريت الكلام وكتبت نصه ونمت تاني وصحيا كملت ف لو جبت العيد سلكولي، والحمدلله إنه آخر مشاركة في الصفحة
المهم بعتذر لو نسيت حد وشكرا ميمي انك افتكرتيني والناس كلها كل سنة وهما طيبين ورمضان كريم علينا وعليكم
مع السلامة

أستدعي @ADAM;