منتدى وندر لاند - عرض مشاركة واحدة

مشاهدة أوسمتي · 04-02-2020, 09:07 PM

السّلام عليكم ورحمة اللّه وبركاته
كيفك حالك مجددًا الكساندرا صديقتي !
أرجو لكِ تمام الصّحة

ياااااااااااااااه cute8
كنت جدًا على صواب إنّي رح أتابع روايتك الرّائعة هااي، أحداثها كتيير جميلة وخاصة بهااد الفصل وأنا حاسة إنّه شخصيّة إلينا بتمثلك بطريقة ما
المهم، بصدق ما توقّعت إنّه يكون سبب صراخ إلينا هو إنّ مارك راح من الطّريق اللي بسكنه الأغنياء ووصلت أخيرًا البيت مثل كإنّه أمها كانت عارفة إنّه رح توصل بهيك وقت فبدت بوضع الطّعام «بعرف إنّه كان عشان جاك » ومثل ما بتحكيلنا إمّي كل ما نوصل البيت وتكون واضعة الأكل بنفس الوقت "حماتك بتحبّك"
ما عليناا، مرّة تانية إلينا أعطت أخوها جاك طعامها، يا لها من فتاة بتتخلّى عن طعامها عشان أخوها الصغير .. وشو قصّة حلمها اللي حلمته، مين اللي دفعها لتسقط من الأعلى، أعتقد إنّها رؤيا لتحكيلها عن الشخص اللي رح يخونها كما في العنوان وهي بتكون مفكريته مجرّد حلم ورح تتذكّره وقت يصير الإشي توقّات
وصلت المدرسة متأخر، بس أنا بعرف إنّه بكون الحارس واقف ع الباب بعاقب المتأخّرين فليه وصلت الصّف من غير عقاب، ولا لإنّها مدرسة للأغنياء فما في حساب !
كنت عارفة إنّها رح تفقد وعيها عشانها ما أكلت لا فطورها ولا أكل من الليلة الماضية وجدًا شو إنّه مارك ومايك لطيفين لخوفهم عليها وإنّهم راحوا معها عند الطّبيب بس تصرّف الطّبيب جدًا شنيع لمّا أيقظها بالمياه، كان لازم يتركها ترتاح شوي
المهم شرولها الطّعام بس كاثرين دائمًا بتيجي بالأوقات غي المناسبة ومنيح إنّه مايك وبالأخص مارك وقّفولها بالمرصاد وطردوها
مارك وصّل إلينا ع البيت للمرّة الثانية فعلًا شخص رائع
أحزنني حزنه عليها جدًا وهو ينظر إليها لمّا دخلت بيتها

نيجي للأسئلة
• ما رأيكم بالبارت؟
جميل جدًا، مليء بالأحداث المشوّقة جدًا cute8

• ماذا تتوقعون من احداث للبارتات القادمه؟
ما أدري، بس أتوقّع مارك يساعدها بقدر استطاعته، ويمكن يصير يوصّلها ع المدرسة كما يوصّلها ع البيت

• ما اكثر جزء اعجبكم؟
أعجبني جزء اهتمام مارك ومايك بإلينا والوقوف أمام كاثرين

• اى انتقادات او اسئله؟
في سؤال صغير فوق من ضمن ثرثرتي عن الحارس
أمّا انتقادات عندك بس 3 أخطاء املائيّة لاحظتها وما أقدر ما أزبّطها آسفة
• "بطمأنان" "باطمئنان"
• "الشاجر" "الشجار"
• "أتهدننى" "أتهددني"
مع إنّي والله أدري إنّها بسبب الكتابة السّريعة بس هيك أنا متعودة
يمكن حتّى أنا هسّا عندي أخطاء إملائية، بس اعمليلها تخطّي

يعطيكِ العافية ع الفصل الرّائع، جدًا استمتعت وأنا بقرأه وأهم شيء عند القارئ هو الاستمتاع
أنا معك وأدعمكِ
وبانتظاركِ دائمًا

سبحانكَ اللهمّ وبحمدكَ، أشهد أن لا إله إلا أنتَ، أستغفركَ وأتوب إليكَ