منتدى وندر لاند - عرض مشاركة واحدة - ||يا شام معذرة ومثلي ليس يعتذر||

مشاهدة أوسمتي · 05-25-2020, 03:30 PM

أنرتي القسم
J I M A

السلام عليكم ورحمة الله وبركاته
كيفك وسام ؟؟ إن شاء الله بخير وعافية
يعني قاعد بالبيت لا شغلة ولا عملة وعم تسترجع الذكرايات
شفت أن للحجر جانب إيجابي خلاك تحن للماضي؟
دائماً بتحسسني أنك عجوز قاعد عم يحكي قصص وشغلات لأحفادو
كل مرة لازم تخبرنا أن عندك ملفات فيها ذكرايات وأمور سويتها وصممتها على اللاب
يعني ما تخاف من العين والحسد !!
بلكي عملنا عصابة وسرقنا لابك ؟؟
مفكر أن الشغلة مستحيلة او صعبة ؟؟
لا ابدا اذا استحضرنا شي جني ابن حلال بساعدنا
تف شو هالافكار هلق بالله
هاد كله من التوتر لقرب الامتحانات
#
هاد الموضوع لما شفته قلت مستحيل ما رد عليه
العنوان من البداية حلو
اصلا كل مرة كنت بدي اسئلك أن ليش مو عامل شي موضوع عن سورية
انا شو حشرني ما بعرف*؟؟* .... بس الفضول قاتل
قلت أن مر عليها 7 سنين !!
يعني كنت بال18 ؟؟ بعمري هلق !!
وقفة حزن على حالتي ومستواي وانا بنفس العمر
خلص الله بعين وبيجي يوم فجر المنتدى بتصاميمي
اصلا انا لسة ما فتت بال18 لهيك لسة في أمل
لا يأس مع الحياة
#
المهم يا أخي انك أبدعت بشدة بالفواصل وفكرة أنها متحركة
مافي مانع نسرق عقلك كمان بالطريق ما ؟
المقدمة تحفة والله العظيم
كيف كتبتا بالله ؟؟ مرة جميلة ومؤثرة وحلوة
انت كتاباتك ما شاء الله بتجنن ولك أسلوب خاص مريح وحلو
واصل الكتابة دائماً ولا توقف لأن بحب اقرأ يلي تكتبه 6
وخاصة يلي بالمعرض الادبي
#
التصاميم كتير حلوة وحتى اختيار الصور

هون ورد الياسمين وعليها دم أثرت فيني والله
الصورة كتير تعبر دون كلام أو حتى كتابة
#
التواقيع حكاية ثانية* ... تمنيت لو كنت عاملهن بخطوط عربية ثانية
كانت بتطلع أحلى وأحلى
بس متل ما بقولو على قد بساطتك مد رجليك
وانت مشيت على المثل اللهم صلي على النبي

هي خلص صارت عندي * .. رح حطها توقيع في المستقبل ان شاء الله
#
للأسف الحرب يلي صارت بسورية دمرت كتير عائلات وقلوب ناس اعتادت على حياتها فيها
واضطرت تتغرب لحتى تكمل حياتها من دون رعب وخوف*
رغم أن عشت بالسعودية اكتر من سورية
بس الانتماء والفطرة هي حب سورية شو ما صار

~
~~~ يبقى الوطن وطن مهما زاد فيه الألم
وتبقى الغربة كربة مهما ارتقى فيها السكن ~~~
~

سورية هي أحلى بلد شو ما صار عليها
الله بارك فيها وحفظها لهيك رغم هالحرب الطويلة لساتها قوية وكمان حتى بهي الظروف وبهاد المرض قوية
هون اذا ما بتعرف الناس عايشة بشكل طبيعي
المحلات كلها فاتحة والناس عم تشتري ... طبعا في أوقات لازم يسكرو فيها مشان الإجراءات
وكل شي متوفر ومافي شي من المواد الطبيعية أو الغذائية ناقص
بالعكس كل شي أضعاف مضاعفة واكتر من الحاجة
الأجواء حلوة وطبيعية
حتى الحالات معظمها من برا بتجي من مسافرين وبياخدوهم دغري فحص وحجر
بس لو مافي غلاء بالأسعار كان مافي أحلى من هيك
يعني بكل الدول يوميا آلاف الحالات ونحنا عم نطلع سيارين ومشاوير
وفتحو الطرقات بين المحافظات مشان العيد
وحتى الكل اشترى تياب عيد والتحضيرات كلها جاهزة
الحمد لله دائماً وابدا
الله لطيف بعباده يمهل ولا يهمل
والله الأجانب رح يطقو من القهر

~
~~ للأوطان نكهات* ~~ وسورية بنكهة الجنة ~~
~

صحيح ان الموضوع بسيط وصغير بس مؤثر وكتير حلو
بتعرف شو ؟؟؟؟؟؟ لازم تعمل جزء ثاني عن الموضوع
عنجد والله لأن كتير حلوة
يعني تعمل موضوع تاني وصور اكتر حتى رمزيات وتواقيع متحركة
بتطلع كتير حلوة والله لأن هلق انت أفضل بالتصميم والكتابة

#
سوف تبقى سورية عامرة متماسكة قوية مهما واجهت
سوريتنا لنا ونحن فقط من سنحميها ونحبها
ان شاء الله ترجع متل ما كانت وأحسن
انا متأكدة انك مشتاق تزورها وتعيش فيها
الله كريم وان شاء الله ما بتطول وبتجي وبتعمل متل المسلسلات
بتسجد وبتبوس تراب الوطن
بس ادعيلنا تتحسن الكهربا والنت بطريقك كمان
انت بس غني
راجعين* ...* يا هوى راجعين ... عشوارع الياسمين

~
~لا افتخر بشيء بعد الإسلام
سوى أني من أرض الشام~
~
*فعليا انا كتبت جريدة بس والله انا ما بحب وقف كتابة لحتى اكتب كل أفكاري
وإلا رح أندم انا بعرف نفسي * ... فلازم تعتادو

دمت بخير