منتدى وندر لاند - عرض مشاركة واحدة

05-05-2020, 06:56 AM

في اخر شهور يلي فاتو ، تعرفت علي نفسي اكثر واكثر
وزدت تقربت منها وعرفت شن تبي وشن تحب وشن تكرهه
وشن هي احلامها

انتو اكيد خيرها تكلم علي نفسها كانها شخص مستقل،
لان هي فعلا شخص مستقل ، عقلنا الواعي
يختلف علي عقلنا اللاواعي ، وفي اخر فترة
حاولت نتعرف عليه اكثر وزبطت هلبا حاجات
زي افكار وافعال كنت اندير فيها وكانت تزعج
فيا ، عرفت مصدرها وقدرت نوقفها

وعرفت ايضا سبب بعض من مشاعر واحاسيس
مزعجة يلي تزعجني ونوبات مزاج متقلبة وحقيقة
نوعا ما قدرت نسيطر عليها خير مرة مرة تفلت
مني عجلة القيادة وتصير تاني ولكن نرجع
نتولي قيادة من جديدة وبشكل اقوي

ومستمرة في تعرف عليها لان نوصل لي وين نبي
ونوصل للمرحلة نقدر نكون فيها مرتاحةة معها اكثر
ومرات حتي نخليها تتولي قيادة